LIVE TV
ମସ୍କୋ ପରେ ଅଷ୍ଟ୍ରିଆ ଗସ୍ତ କରିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି। ଅଷ୍ଟ୍ରିଆରେ ମଧ୍ୟ ମୋଦିଙ୍କୁ ଭବ୍ୟ ସ୍ୱାଗତ କରାଯାଇଛି। ଗତ ୪ଦଶନ୍ଧି ମଧ୍ୟରେ ପ୍ରଥମଥର ପାଇଁ ୟୁରୋପୀୟ ରାଷ୍ଟ୍ର ରେଡ୍ କାର୍ପେଟ୍ ବିଛାଇ କୌଣସି ଭାରତୀୟ ପ୍ରଧାନମନ୍ତ୍ରୀଙ୍କୁ ସ୍ୱାଗତ କରିଛି। କେବଳ ସେତିକି ନୁହେଁ ଅଷ୍ଟ୍ରିଆରେ ମୋଦିଙ୍କୁ ସ୍ୱାଗତ ପୂର୍ବକ ‘ବନ୍ଦେ ମାତରମ୍’ ଗାନ କରାଯାଇଥିଲା।
ଭିଏନାର ରିଜ୍-କାର୍ଲଟନ୍ ହୋଟେଲରେ ପହଞ୍ଚିବା ପରେ ପ୍ରଧାନମନ୍ତ୍ରୀ ମୋଦିଙ୍କୁ ପ୍ରବାସୀ ଭାରତୀୟ ସ୍ୱାଗତ କରିଥିଲେ। ସେଠାରେ ଅଷ୍ଟ୍ରିଆର କଳାକାରମାନେ ବନ୍ଦେ ମାତରମ୍ର ଏକ ସ୍ୱତନ୍ତ୍ର ଉପସ୍ଥାପନା କରିଥିଲେ। ପ୍ରଧାନମନ୍ତ୍ରୀ ମୋଦି ଏହି ସମୟର ଭିଡିଓ ଟ୍ୱିଟ୍ କରିଛନ୍ତି। ଏଥିସହ ସେ ଲେଖିଛନ୍ତି "ଅଷ୍ଟ୍ରିଆ ଏହାର ଜୀବନ୍ତ ସଂଗୀତ ସଂସ୍କୃତି ପାଇଁ ଜଣାଶୁଣା। ‘ବନ୍ଦେ ମାତରମ୍’ର ଏହି ଚମତ୍କାର ପ୍ରଦର୍ଶନରେ ମୋତେ ଏହାର ଏକ ଝଲକ ଦେଖିବାକୁ ମିଳିଲା।"
Also Read
Austria is known for its vibrant musical culture. I got a glimpse of it thanks to this amazing rendition of Vande Mataram! pic.twitter.com/XMjmQhA06R
— Narendra Modi (@narendramodi) July 10, 2024
ତେବେ ଏହି ଟିମ୍ରେ ମୋଟ୍ ୫୦ଜଣ ସଦସ୍ୟ ସାମିଲ୍ ଥିଲେ। ଗାୟକ ମଣ୍ଡଳି ଓ ଅର୍କେଷ୍ଟ୍ରା ଭିଏନା ବିଶ୍ୱବିଦ୍ୟାଳୟର ସଙ୍ଗୀତ ବିଭାଗର ଭାରତୀୟ ନିର୍ଦ୍ଦେଶକ ବିଜୟ ଉପାଧ୍ୟାୟଙ୍କ ଦ୍ୱାରା ଏହା ପରିଚାଳିତ ହୋଇଥିଲା। ଇଣ୍ଡିଆ ନ୍ୟାସନାଲ ୟୁଥ୍ ଅର୍କେଷ୍ଟ୍ରାର ପ୍ରତିଷ୍ଠାତା ବିଜୟ ଉପାଧ୍ୟାୟଙ୍କ ସୂଚନା ଅନୁସାରେ ଏହି ପ୍ରଦର୍ଶନ ପାଇଁ ତିନି ସପ୍ତାହରୁ କମ୍ ସମୟ ଲାଗିଥିଲା।
ବିଜୟ ଉପାଧ୍ୟାୟ କହିଛନ୍ତି, "ଆମେ ‘ବନ୍ଦେ ମାତରମ୍’ ପ୍ରଦର୍ଶନ କରିବାକୁ ନିଷ୍ପତ୍ତି ନେଇଥିଲୁ। ପ୍ରଥମେ ମୁଁ ଦୁଇ ଦିନ ମଧ୍ୟରେ (ସ୍କୋର) ଲେଖିଥିଲି ଏବଂ ପରେ ରିହର୍ସାଲ ଆରମ୍ଭ ହୋଇଥିଲା।" ଉପାଧ୍ୟାୟ କହିଛନ୍ତି ଯେ ସେ ଅଷ୍ଟ୍ରିଆ-ୟୁରୋପୀୟ ସିମ୍ଫୋନିକ୍ ଶୈଳୀକୁ ଅନ୍ତର୍ଭୁକ୍ତ କରି ‘ବନ୍ଦେ ମାତରମ୍’ର ସାରମର୍ମ ବଜାୟ ରଖିବାକୁ ଚେଷ୍ଟା କରିଥିଲେ। ଏହି କାର୍ଯ୍ୟକ୍ରମ ପରେ ପ୍ରଧାନମନ୍ତ୍ରୀ ମୋଦିଙ୍କ ସହ ଆଲୋଚନା କରିବାର ସୁଯୋଗ ପାଇଥିଲେ। ସେ ମୋଦିଙ୍କୁ କହିଥିଲେ ଯେ, ସେ ଲକ୍ଷ୍ନୌର ବାସିନ୍ଦା।
#WATCH | Vienna, Austria | Vijay Upadhyay, the Musician who headed the choir and orchestra that sang Vande Mataram infront of PM Modi, says, "I am from Lucknow and I direct in the music department of Vienna University...We decided to perform Vande Mataram in Austria-European… pic.twitter.com/rAunGdlSrX
— ANI (@ANI) July 9, 2024
ପ୍ରଧାନମନ୍ତ୍ରୀ ମୋଦିଙ୍କ ଅଷ୍ଟ୍ରିଆ ଗସ୍ତ ପରେ ଦୁଇ ଦେଶ ମଧ୍ୟରେ ସମ୍ପର୍କ ଆହୁରି ମଜବୁତ ହେବ। ଏଥିସହ ବିଭିନ୍ନ ଆହ୍ୱାନର ମୁକାବିଲା ପାଇଁ ଉଭୟ ଦେଶ ଉପାୟ ଖୋଜିବା ନେଇ ଲକ୍ଷ୍ୟ ରଖିଛନ୍ତି। ପ୍ରଧାନମନ୍ତ୍ରୀ ମୋଦି ରାଷ୍ଟ୍ରପତି ଆଲେକ୍ସଜାଣ୍ଡାର୍ ୱାନ୍ ଡେର୍ ବେଲେନଙ୍କୁ ଭେଟିବେ ଏବଂ କୁଳପତି କାର୍ଲ ନେହେମରଙ୍କ ସହ ଆଲୋଚନା କରିବାର କାର୍ଯ୍ୟକ୍ରମ ରହିଛି। ପ୍ରଧାନମନ୍ତ୍ରୀ ଏବଂ ଚାନ୍ସେଲର୍ ଭାରତ ଏବଂ ଅଷ୍ଟ୍ରିଆର ନେତାମାନଙ୍କୁ ସମ୍ବୋଧିତ କରିବେ। ମୋଦି ଏକ ବିବୃତ୍ତିରେ କହିଛନ୍ତି ଯେ ଗଣତନ୍ତ୍ର, ସ୍ୱାଧୀନତା ଏବଂ ଆଇନର ଶାସନର ମୂଲ୍ୟବୋଧ ଭାରତ ଏବଂ ଅଷ୍ଟ୍ରିଆ ମଧ୍ୟରେ ଘନିଷ୍ଠ ଭାଗିଦାରୀ ସ୍ଥାପନ ପାଇଁ ମୂଳଦୁଆ ପକାଇବ।
