ଜଳିପୋଡ଼ି ପାଉଁଶ ହେଲା ୪ ବଗି, ଅନେକ ଭାରତୀୟ ଗୁରୁତର...

ବାଂଲାଦେଶରେ ସାଧାରଣ ନିର୍ବାଚନ ଦିନକ ପୂର୍ବରୁ ଭୟଙ୍କର କାଣ୍ଡ । ହୁତୁହୁତୁ ହୋଇ ଜଳିଗଲା ଯାତ୍ରୀବାହୀ ଟ୍ରେନ୍। ଏଥିରେ ଅତିକମରେ ୪ ଜଣଙ୍କ ଜୀବନ ଯାଇଛି ଏବଂ ଅନେକ ଯାତ୍ରୀ ଗୁରୁତର ଆହତ ହୋଇଛନ୍ତି । ଢାକା ଯାଉଥିବା ଏହି ବେନାପୋଲ ଏକ୍ସପ୍ରେସରେ ବହୁ ଭାରତୀୟ ମଧ୍ୟ ଯାତ୍ରା କରୁଥିଲେ ବୋଲି ଜାତୀୟ ଗଣମାଧ୍ୟମରେ ଖବର ପ୍ରକାଶ ପାଇଛି ।

ସୟେଦାବାଦର ଗୋଲାପବାଗରେ ଏହି ଅଗ୍ନିକାଣ୍ଡ ଘଟିଛି। ଟ୍ରେନଟି ଜେସୋରରୁ ଢାକା ଯାଉଥିଲା । ଏହାର ଅତିକମରେ ୪ଟି ବଗି ସଂପୂର୍ଣ୍ଣ ଭାବେ ଜଳିଯାଇଛି। ତେବେ ସବୁଠୁ ଚାଞ୍ଚଲ୍ୟକର କଥା ହେଉଛି, ଏହା କୌଣସି ଦୁର୍ଘଟଣା ନୁହେଁ, ବରଂ ଟ୍ରେନରେ ଉଦ୍ଦେଶ୍ୟମୂଳକ ଭାବେ ନିଆଁ ଲଗାଯାଇଥିବା ଆଶଙ୍କା କରୁଛି ପୋଲିସ ।

ଟ୍ରେନରୁ ୪ଟି ମୃତଦେହ ଉଦ୍ଧାର କରାଯାଇଛି ବୋଲି ପୋଲିସ କମାଣ୍ଡର ଖଣ୍ଡକେର ଅଲ ମୋଇନ୍ ସୂଚନା ଦେଇଛନ୍ତି। ଢାକାର ଗୋପୀବାଗ ଅଞ୍ଚଳରେ ଟ୍ରେନରେ ନିଆଁ ଲାଗିଥିବା ପ୍ରତ୍ୟକ୍ଷଦର୍ଶୀମାନେ କହିଛନ୍ତି। 

ଆଗକୁ ବାଂଲାଦେଶରେ ସାଧାରଣ ନିର୍ବାଚନ ଥିବା ବେଳେ, ଏହା ପ୍ରାକ୍-ନିର୍ବାଚନୀ ହିଂସାକାଣ୍ଡ ହୋଇଥାଇପାରେ ବୋଲି ଆଶଙ୍କା କରାଯାଉଛି । ଆସନ୍ତାକାଲି ବାଂଲାଦେଶରେ ସାଧାରଣ ନିର୍ବାଚନ ପାଇଁ ଭୋଟିଂ ହେବାକୁ ଥିବା ବେଳେ, ଏହାକୁ ବୟକଟ କରିଛି ସେଠାକାର ପ୍ରମୁଖ ବିରୋଧୀ ଦଳ ।

#WATCH | A passenger train was set on fire in Bangladesh's capital Dhaka yesterday (January 5) ahead of the country's general election this weekend.

At least four people died aboard the intercity train, reports Reuters quoting local newspaper Dhaka Tribune.

(Source: Reuters) pic.twitter.com/FoFZVsqZ6u

— ANI (@ANI) January 6, 2024