LIVE TV
ଭୟଙ୍କର ଘୂର୍ଣ୍ଣିଝଡ଼ରେ ଛାରଖାର ଆମେରିକୀୟ ସହର । ଆମେରିକାର ଦକ୍ଷିଣ-ପୂର୍ବ ରାଜ୍ୟ ମିସିସିପିରେ ଧ୍ୱଂସର ତାଣ୍ଡବଲୀଳା ରଚିଛି ଘୂର୍ଣ୍ଣିଝଡ଼ । ଶୁକ୍ରବାର ବିଳମ୍ବିତ ରାତିରେ ପ୍ରବଳ ଘୂର୍ଣ୍ଣିବଳୟ, ବର୍ଷା ଓ ଘଡ଼ଘଡ଼ି ଯୋଗୁଁ ୨୩ ଜଣଙ୍କର ମୃତ୍ୟୁ ଘଟିଛି ଏବଂ ଅନେକ ଲୋକ ଆହତ ହୋଇଛନ୍ତି । ଆଗାମୀ ସମୟରେ ମୃତକଙ୍କ ସଂଖ୍ୟା ବୃଦ୍ଧି ହେବାର ଆକଳନ କରାଯାଉଛି । ତେବେ ପ୍ରବଳ ବର୍ଷା ସହିତ ଏହି ଅଞ୍ଚଳରେ ବଡ଼ ବଲ ପରି କୁଆପଥର ମାଡ଼ ମଧ୍ୟ ହୋଇଛି । ଘୂର୍ଣ୍ଣିଝଡ଼ ଯୋଗୁଁ ନଷ୍ଟ ହୋଇଥିବା ଘର ଗୁଡ଼ିକ ତଳେ ଅନେକ ଲୋକ ପୋତି ହୋଇଥିବା ଆଶଙ୍କା କରାଯାଉଛି ।
ମିସିସିପି ଜରୁରୀକାଳୀନ ପରିଚାଳନା ଏଜେନ୍ସି ଅନୁସାରେ, ବିଶାଳକାୟ ଘୂର୍ଣ୍ଣଝଡ଼ର ପ୍ରଭାବ ପ୍ରାୟ ୧୬୦ କିମି ଅଞ୍ଚଳ ମଧ୍ୟରେ ଦେଖିବାକୁ ମିଳିଛି । ୨୩ ଜଣ ପ୍ରାଣ ହରାଇଥିବା ବେଳେ ଅନେକ ନିଖୋଜ ହୋଇଯାଇଛନ୍ତି । ଘୂର୍ଣ୍ଣିଝଡ଼ ସାମାନ୍ୟ କମିବା ପରେ ସେମାନଙ୍କୁ ବିପନ୍ନଙ୍କୁ ଉଦ୍ଧାର କରିବା ପାଇଁ ଉଦ୍ୟମ ଆରମ୍ଭ ହୋଇଛି। ପଶ୍ଚିମ ମିସିସିପିର ସିଲିଭର ସିଟିକୁ ଘୂର୍ଣ୍ଣିଝଡ଼ ସମ୍ପୂର୍ଣ୍ଣ ନଷ୍ଟଭ୍ରଷ୍ଟ କରିପକାଇଛି ।
Also Read
F5 tornado strikes Rolling Fork, Mississippi, seven dead reported, but toll likely to rise pic.twitter.com/N6GUl2NcVz
— Malinda 🇺🇸🇺🇦🇵🇱🇨🇦🇮🇹🇦🇺🇬🇧🇬🇪🇩🇪🇸🇪 (@TreasChest) March 25, 2023
ସେପଟେ ଝଡ଼ ଥମିବା ପରେ ଲୋକମାନେ ଧ୍ୱଂସାବଶେ ତଳୁ ନିଜ ପରିବାର ଲୋକ ଓ ଜନିଷ ଖୋଜିବା ଆରମ୍ଭ କରିଛନ୍ତି । ସେହିପରି ଆଗକୁ ମୃତାହତଙ୍କ ସଂଖ୍ୟା ବଢ଼ିପାରେ ବୋଲି ମଧ୍ୟ ଆକଳନ କରିଛି । ମିସିସିପି ବ୍ୟତୀତ ରୋଲିଂ ଫର୍କ ସହର ଉପରେ ମଧ୍ୟ ଝଡ଼ର ପ୍ରଭାବ ପଡ଼ିଛି । ସେଠାକୁ ମଧ୍ୟ ଉଦ୍ଧାରକାରୀ ଦଳ ଯାଇଛନ୍ତି ।
These photos show the devastation after a tornado barreled through Rolling Fork, Mississippi. The storm cut an extremely wide path right through the center of the town. (Photo Credit: Mike Evans WLBT) pic.twitter.com/pxuqOOwjft
— WLBT 3 On Your Side (@WLBT) March 25, 2023
ଶୁକ୍ରବାର ରାତିରେ ମିସିସିପିରେ ହୋଇଥିବା ଘୂର୍ଣ୍ଣିଝଡ଼ ସମସ୍ତଙ୍କୁ ବିଚଳିତ କରିଛି । ସାମ୍ନାକୁ ଆସିଥିବା ଫଟୋ ଓ ଭିଡିଓରେ ସବୁ କିଛି ଛିନଛତ୍ର ହୋଇ ଯାଇଥିବା ଦେଖିବାକୁ ମିଳିଛି । ଗାଡ଼ି ଉପରେ ଗାଡ଼ି ମାଡ଼ି ଯାଇଥିବା ବେଳେ ଘର ଭୁଶୁଡ଼ି ପଡ଼ିଛି । ଦୋକାନ ବଜାର ସବୁ ମାଟିରେ ମିଶି ଯାଇଛି। ଏବେ ଉଦ୍ଧାରକାରୀ ଦଳ ଯୁଦ୍ଧକାଳୀନ ଭିତ୍ତିରେ ସବୁ କିଛି ଠିକ କରିବାକୁ ଉଦ୍ୟମ ଆରମ୍ଭ କରିଛନ୍ତି।
