ଷ୍ଟାଡିୟମ୍‌ରେ ପାକିସ୍ତାନୀ ଫ୍ୟାନ୍‌ଙ୍କ ଉତ୍ପାତ: ରାଗରେ ଚେୟାର ଫୋପାଡ଼ି ପିଟିଲେ ଆଫଗାନୀ

ଏସିଆ କପ୍ ୨୦୨୨ ସିଜନ୍‌ ବର୍ତ୍ତମାନ ଅଧିକ ରୋମାଞ୍ଚକର ମୋଡ଼ରେ ପହଞ୍ଚିଛି । ଟିମ୍ ଇଣ୍ଡିଆ ଏବଂ ଆଫଗାନିସ୍ତାନ ମ୍ୟାଚ୍‌ରୁ ବାହାର ହୋଇ ଯାଇଥିବା ବେଳେ ପାକିସ୍ତାନ ଏବଂ ଶ୍ରୀଲଙ୍କା ଟିମ୍‌ ଫାଇନାଲରେ ପହଞ୍ଚିଛନ୍ତି । ତେବେ ଏହାରି ମଧ୍ୟରେ ହାରି ଯାଇଥିବା ଦଳର ପ୍ରଶଂସକଙ୍କ ମଧ୍ୟରେ ନିରାଶା ଏବଂ କ୍ରୋଧ ଭାବ ସ୍ପଷ୍ଟ ଦେଖିବାକୁ ମିଳିଛି ।

ବୁଧବାର ତଥା ସେପ୍ଟେମ୍ବର ୭ ତାରିଖରେ ଆଫଗାନିସ୍ତାନ ଏବଂ ପାକିସ୍ତାନ ଟିମ୍‌ ମଧ୍ୟରେ ମ୍ୟାଚ୍ ଖେଳାଯାଇଥିଲା । ଖୁବ୍‌ ରୋମାଞ୍ଚକର ଥିଲା ଏହି ମ୍ୟାଚ୍‌ । ଶେଷ ଓଭରରେ ମଧ୍ୟ ମ୍ୟାଚ୍ କାହା ସପକ୍ଷରେ ଯିବ ଜଣାପଡ଼ୁ ନଥିଲା । କିନ୍ତୁ ପାକିସ୍ତାନ ଶେଷ ଓଭରରେ ଲଗାତାର ଦୁଇଟି ଛକା ମାରି ମ୍ୟାଚ୍ ହାତେଇ ନେଲା ।

After the Afg Pak World Cup match last year I decided I would never watch another game between these two teams at the stadium. pic.twitter.com/JrJnpmUP09

— Twitt.Arhum (@arhuml92) September 7, 2022

ମ୍ୟାଚ୍ ଜିତିବା ପରେ ପାକିସ୍ତାନୀ ପ୍ରଶଂସକମାନେ ଷ୍ଟାଡିୟମରେ ଉତ୍ପାତ ଆରମ୍ଭ କରିଦେଇଥିଲେ । ଖୁସିରେ ନାଚିବା ସହ ଆଫଗାନୀ ଫ୍ୟାନ୍‌ଙ୍କୁ ଜାଣିଶୁଣି ରଗାଇବା ପାଇଁ ବିଭିନ୍ନ ମନ୍ତ‍ବ୍ୟ ଦେଉଥିଲେ । ଏହାଦେଖି ଆଫଗାନୀ ପ୍ରଶଂସକ ରାଗ ଜର ଜର ହୋଇ ପାକ୍‌ ପ୍ରଶଂସକଙ୍କୁ ଆକ୍ରମଣ କରିଥିଲେ।

ଷ୍ଟାଡ଼ିୟମରେ ଉଭୟ ଦେଶର ଫ୍ୟାନ୍‌ଙ୍କ ମଧ୍ୟରେ ଆରମ୍ଭ ହୋଇ ଯାଇଥିଲା ଖଣ୍ଡଯୁଦ୍ଧ । ହାତରେ ଚେୟାର ଉଠାଇ ପାକ୍‌ ଫ୍ୟାନ୍‌ଙ୍କ ଉପରକୁ ଫୋପାଡ଼ିଲେ ଆଫଗାନୀ । ପୂରା ଘଟଣା କ୍ୟାମେରାରେ କଏଦ୍‌ ହୋଇଯାଇଛି । ବର୍ତ୍ତମାନ ସୋସିଆଲ ମିଡିଆରେ ଏହାର ଭିଡିଓ ମଧ୍ୟ ଭାଇରାଲ ହେବାରେ ଲାଗିଛି ।

On a serious note, some of these afghan kids really need to learn how to behave. This is an international match not gully cricket. Never happens in any other matches. That's the reason i really respect the other Cricket Teams
#PakvsAfg pic.twitter.com/jwRblDphRA

— MUHAMMAD ROBAS (@IAmRobas) September 7, 2022

ଭାଇରାଲ ଭିଡିଓ ରେ ସ୍ପଷ୍ଟ ଦେଖିବାକୁ ମିଳୁଛି, ଉତ୍ପାତ ମଚାଉଥିବା ପ୍ରଶଂସକଙ୍କ ହାତରେ ଆଫଗାନିସ୍ତାନ ପତାକା ଅଛି । ନିଜ ନିଜ ପୋଷାକ ଓ ଶରୀରରେ ମଧ୍ୟ ଦେଶର ପତାକା ଲଗାଇଛନ୍ତି । ସେମାନେ ଯେଉଁ ଲୋକଙ୍କ ଉପରକୁ ଚେୟାର ଫୋପାଡ଼ୁଛନ୍ତି, ତାଙ୍କ ହାତରେ ପାକିସ୍ତାନୀ ପତାକା ଦେଖିବାକୁ ମିଳୁଛି । ପରାଜୟ ପରେ ଆଫଗାନିସ୍ତାନ ପ୍ରଶଂସକମାନେ ଏପରି କରିଥିବା ସ୍ପଷ୍ଟ ହୋଇଛି ।