ବିକ୍ରି ହେବ ହିଟ୍‌ଲର୍‌ଙ୍କ ପେନ୍‌ସିଲ୍; ଏତେ ଲକ୍ଷରେ ହୋଇପାରେ ବିକ୍ରି

ଏ ଦୁନିଆରୁ ଅନେକ ଲୋକ ଚାଲିଯାଇଛନ୍ତି, କିନ୍ତୁ କେତେକ ସେମାନଙ୍କର ଏକ ସ୍ୱତନ୍ତ୍ର ଚିହ୍ନ ଛାଡିଦେଇଛନ୍ତି। କେତେକ ସେମାନଙ୍କ ଭଲ ଗୁଣ ପାଇଁ ସ୍ମରଣୀୟ ହୋଇଥିବାବେଳେ ଆଉ କେତେକ ସେମାନଙ୍କ ନିଷ୍ଠୁରତା ପାଇଁ ଜଣାଶୁଣା। ନିଷ୍ଠୁର ଏକଛତ୍ରବାଦୀ ଶାସକମାନଙ୍କ ମଧ୍ୟରେ ହିଟ୍‌ଲର୍‌ଙ୍କୁ ଗଣନା କରାଯାଏ।

ହିଟ୍‌ଲର୍‌ଙ୍କ ଅନେକ ନିଷ୍ପତ୍ତି ନେଇ ଅନେକ ବିବାଦ ଦେଖାଦେଇଥିଲା। ନାଜିମାନଙ୍କ ଜଣେ ଶୁଭେଚ୍ଛୁ ହିଟ୍‌ଲର୍‌ କେତେକଙ୍କ ପାଇଁ ଭଗବାନ ଥିଲେ। ନିକଟରେ ଏକ ନିଲାମ ପ୍ରତିଷ୍ଠାନ ହିଟଲରଙ୍କ ପେନ୍‌ସିଲ୍‌କୁ ନିଲାମ କରିବାକୁ ଘୋଷଣା କରିଛି।

ଏହି ପେନ୍‌ସିଲ୍‌ରେ ହିଟ୍‌ଲର୍‌ ଏପରି ଅନେକ ନିଷ୍ପତ୍ତି ଲେଖିଛନ୍ତି, ଯାହା ଇତିହାସରେ ଗଭୀର ପ୍ରଭାବ ପକାଇଛି। ଯେତେବେଳେ ନିଲାମ ଡକାଯାଉଥିବା ଏହି ପେନ୍‌ସିଲ୍ ହିଟଲରଙ୍କର ଥିଲା ବୋଲି ଜଣାପଡିଲା, ଏହାକୁ କିଣିବାକୁ ତତ୍ପରତା ଦେଖାଦେଇଛି।

ଅନୁମାନ କରାଯାଉଛି ଯେ ଏହି ଛୋଟ ପେନ୍‌ସିଲ୍‌କୁ ଅଶୀରୁ ବୟାଅଶୀ ଲକ୍ଷ ଟଙ୍କାରେ କିଣାଯାଇପାରେ। ଏହି ପେନ୍‌ସିଲ୍‌କୁ ଏହି ସପ୍ତାହରେ ନିଲାମ କରାଯିବ। ବେଲ୍‌ଫାଷ୍ଟ୍‌ ଦ୍ୱାରା ଏହାକୁ ନିଲାମ କରାଯାଉଛି।

ଏହାଛଡା ଏହି ସପ୍ତାହରେ ହେବାକୁ ଥିବା ନିଲାମରେ ଆହୁରି ଅନେକ ମୂଲ୍ୟବାନ ଜିନିଷର ଡାକ ଦିଆଯିବ। ଦିଆଯାଇଥିବା ଏକ ସାକ୍ଷାତକାରରେ Bloomfield Auctionsର ପରିଚାଳନା ନିର୍ଦ୍ଦେଶକ କହିଛନ୍ତି ଯେ ହିଟ୍‌ଲର୍‌ଙ୍କ ଏହି ପେନ୍‌ସିଲ୍‌ ଅତ୍ୟନ୍ତ ସ୍ୱତନ୍ତ୍ର। ଏଥିରେ କେବଳ ତାଙ୍କ ନା’ ଲେଖା ହୋଇନାହିଁ ବରଂ ତାଙ୍କ ପତ୍ନୀଙ୍କ ସହ ଥିବା ସମ୍ପର୍କ ମଧ୍ୟ ଦର୍ଶାଯାଇଛି। ହିଟ୍‌ଲର୍‌ ସର୍ବଦା ନିଜର ବ୍ୟକ୍ତିଗତ ସମ୍ପର୍କକୁ ସର୍ବସାଧାରଣଙ୍କ ନଜରରୁ ଲୁଚାଇ ରଖିଥିଲେ। ଏପରି ପରିସ୍ଥିତିରେ, ତାଙ୍କ ସାଥୀ ଦ୍ୱାରା ଦିଆଯାଇଥିବା ଏହି ପେନ୍‌ସିଲ୍ ସ୍ୱତନ୍ତ୍ର ହୋଇଯାଇଥିଲା।