ଶସ୍ତା ସାବୁନ ହେଲା କାଳ : ପୋଡିଗଲା ୪ ବର୍ଷର ଶିଶୁ

ଲଣ୍ଡନ : ଛୋଟ ପିଲାମାନଙ୍କର ଚର୍ମ ଅତ୍ୟନ୍ତ ସମ୍ବେଦନଶୀଳ ହୋଇଥାଏ। ଏନେଇ ସେମାନଙ୍କ ପ୍ରତି ଅଧିକ ଯତ୍ନବାନ ହେବା ଜରୁରୀ। କିନ୍ତୁ ଅନେକ ସମୟରେ ପିତାମାତା ଶସ୍ତା ସ୍ୱାର୍ଥରେ ଉତ୍ପାଦର ଗୁଣ ଉପରେ ଆପୋଷ ବୁଝାମଣା କରିନିଅନ୍ତି, ଯାହା ବେଳେବେଳେ ପିଲାମାନଙ୍କ ଜୀବନ ପ୍ରତି ବିପଦ ଆଣିଥାଏ। ଇଂଲଣ୍ଡରୁ ଏଭଳି ଏକ ଯନ୍ତ୍ରଣାଦାୟକ ଘଟଣା ସାମ୍ନାକୁ ଆସିଛି। ଜଣେ ୪ ବର୍ଷର ଶିଶୁକୁ ଗୁରୁତର ଅବସ୍ଥାରେ ଡାକ୍ତରଖାନାର ବର୍ଣ୍ଣ ୱାର୍ଡରେ ଭର୍ତ୍ତି କରାଯାଇଛି। ଗାଧୋଇବା ସମୟରେ ଶସ୍ତା ସାବୁନ୍ ଫୋମ୍‌ରେ ନିଆଁ ଲାଗି ପିଲାଟିର ଏଭଳି ଅବସ୍ଥା ହୋଇଥିବା ଜଣାଯାଇଛି। ଏହି ଘଟଣା ବିଷୟରେ ଜାଣି ସମସ୍ତେ ଆଶ୍ଚର୍ଯ୍ୟ ହୋଇଯାଇଛନ୍ତି।

ଏହି ଆଶ୍ଚର୍ଯ୍ୟଜନକ ଘଟଣା ଇଂଲଣ୍ଡର ଲିଭରପୁଲରୁ ଆସିଛି। ସ୍ଥାନୀୟ ଗଣମାଧ୍ୟମର ରିପୋର୍ଟ ଅନୁଯାୟୀ, ଓସ୍କାର ବେଡାର୍ଡ ନାମକ ଜଣେ ଚାରି ବର୍ଷର ଶିଶୁକୁ ଗୁରୁତର ଅବସ୍ଥାରେ ଡାକ୍ତରଖାନାରେ ଭର୍ତ୍ତି କରାଯାଇଛି। ଶିଶୁଟିର ଶରୀର ସାଙ୍ଘାତିକ ଭାବେ ପୋଡି ଯାଇଛି। ସେ ଯନ୍ତ୍ରଣାକୁ ସହି ନ ପାରି କାନ୍ଦି କାନ୍ଦି ରାହା ପାଉନି। ଏହି ଅବସ୍ଥାର କାରଣ ପଛରେ ରହିଛି ବଜାରରୁ ଅଣାଯାଇଥିବା ଶସ୍ତା ସାବୁନ୍। ଓସ୍କାରଙ୍କ ୩୧ ବର୍ଷୀୟ ପିତା ଜୋନାଥନ୍ କହିଛନ୍ତି ଯେ ସାବୁନରେ ତିଆରି ହୋଇଥିବା ଫୋମ୍‌ରେ ନିଆଁ ଲାଗିଯିବାରୁ ତାଙ୍କ ପିଲାର ଏଭଳି ଅବସ୍ଥା ହୋଇଛି।

Also Read

ଇସ୍ତଫା ଦେଲେ ପଞ୍ଜାବ ମୁଖ୍ୟମନ୍ତ୍ରୀ ଅମରିନ୍ଦର ସିଂହ, ଛାଡ଼ିବେ କି କଂଗ୍ରେସ ?

୩୭ ବର୍ଷରେ ୧୧ ଟି ସନ୍ତାନର ମା’ ହେଲେଣି; ଆଗକୁ ଆହୁରି ଲକ୍ଷ

DFOଙ୍କ ଲାଇ ଡିଟେକ୍ସନ ଟେଷ୍ଟ, ପଚରାଗଲା ୧୦୦ ପ୍ରଶ୍ନ

ଜୋନାଥନ ସ୍ଥାନୀୟ ଗଣମାଧ୍ୟମକୁ କହିଛନ୍ତି ଯେ ସେ ତାଙ୍କ ପୁଅକୁ ଗାଧେଇ ଦେଉଥିଲେ। ସେତେବେଳେ ବାଥରୁମ୍‌ରେ କିଛି ମହମବତୀ ଜଳାଯାଇଥିଲା। ତାଙ୍କ ପୁଅ ଓସ୍କାର ବହୁତ ଖୁସି ଥିଲେ। ସେହି ସମୟରେ ତାଙ୍କ ଶରୀରରେ ଲାଗିଥିବା ସାବୁନ୍ ଫୋମ ଜଳୁଥିବା ମହମବତୀ ସଂସ୍ପର୍ଶରେ ଆସି ନିଆଁକୁ ଆୟତ୍ତ କରିଥିଲା। ଦେଖୁ ଦେଖୁ ଓସ୍କାରଙ୍କ ଶରୀର ସଂପୂର୍ଣ୍ଣ ଜଳିବାକୁ ଲାଗିଥିଲା।

୪ ବର୍ଷୀୟ ଓସ୍କାରଙ୍କ ଶରୀର ମୁଣ୍ଡରୁ ପାଦ ପର୍ଯ୍ୟନ୍ତ ସାଂଘାତିକ ଭାବେ ଜଳି ଯାଇଥିଲା। ତାଙ୍କୁ ଜଳୁଥିବା ଦେଖି ପିତାମାତା ଭୟଭୀତ ହୋଇଯାଇଥିଲେ। ସେମାନେ ସଙ୍ଗେ ସଙ୍ଗେ ଓସ୍କାରକୁ ଏକ ଓଦା ଟାୱେଲରେ ଗୁଡ଼ାଇ ନିକଟସ୍ଥ ଡାକ୍ତରଖାନାକୁ ନେଇଯାଇଥିଲେ। ଏହି ସମୟରେ ପିଲାଟି ବହୁତ ଯନ୍ତ୍ରଣାରେ ଛଟପଟ ହେଉଥିଲା। ବର୍ତ୍ତମାନ ତାଙ୍କୁ ବର୍ଣ୍ଣ ୱାର୍ଡରେ ରଖାଯାଇଛି। ଏଠାରେ ତାଙ୍କର ଅବସ୍ଥା ସ୍ଥିର ରହିଛି। ଏହି ଦୁର୍ଘଟଣା ପରେ ଶିଶୁର ପିତା ଜୋନାଥନ୍ ସାବୁନ୍ କମ୍ପାନୀ ଉପରେ କେସ କରିଛନ୍ତି। ତେବେ ଏପର୍ଯ୍ୟନ୍ତ କମ୍ପାନୀ ପକ୍ଷରୁ କୌଣସି ବିବୃତ୍ତି ଦିଆଯାଇ ନାହିଁ।