ଯାତ୍ରୀବାହୀ ଟ୍ରେନ୍‌ ଲାଇନ୍‌ଚ୍ୟୁତ୍‌: ୩ ମୃତ, ୫୦ରୁ ଅଧିକ ଆହତ

ୱାଶିଂଟନ: ଆମେରିକାର ନର୍ଥ ସେଣ୍ଟ୍ରାଲ ମୋନଟାନାରେ ଏକ ଯାତ୍ରୀବାହୀ ଟ୍ରେନ୍‌ ଲାଇନ୍‌ଚ୍ୟୁତ୍‌ ହୋଇଛି। ଏଥିରେ ଅଧିକାଂଶ ଯାତ୍ରୀ ଆହତ ହେବାସହ ୩ ଜଣଙ୍କର ମୃତ୍ୟୁ ଘଟିଥିବା ସୂଚନା ମିଳିଛି। ଶନିବାର ଅପରାହ୍ଣରେ ଏହି ଅଘଟଣ ଘଟିଛି। ଆହତଙ୍କୁ ହସ୍ପିଟାଲରେ ଭର୍ତ୍ତି କରାଯାଇ ଥିବାବେଳେ ସମସ୍ତ ଯାତ୍ରୀଙ୍କୁ ସୁରକ୍ଷିତ ଭାବେ ଉଦ୍ଧାର କରାଯାଇଛି। 

"Multiple people injured after an Amtrak train that runs between Seattle and Chicago derailed in north-central Montana, the train agency said. The train had about 147 passengers and 13 crew onboard, Amtrak said," The Associated Press reports#US

— ANI (@ANI) September 26, 2021

ଦୁର୍ଘଟଣା ସମୟରେ ଆମ୍‌ଟ୍ରାକ୍‌ ଟ୍ରେନ୍‌ରେ ୧୪୭ ଜଣ ଯାତ୍ରୀ ଓ ୧୩ ଜଣ କ୍ରୁ ମେମ୍ବର ଥିଲେ। ଟ୍ରେନ୍‌ର ୫ଟି ବଗି ମୋନଟାନାରେ ଲାଇନ୍‌ଚ୍ୟୁତ୍‌ ହୋଇଯାଇଥିଲା।  ସିଏଟଲ୍‌ ଓ ଚିକାଗୋ ମଧ୍ୟରେ ଏହା ଚଳାଚଳ କରିଥାଏ। 

ସୋସିଆଲ ମିଡିଆରେ ପୋଷ୍ଟ କରାଯାଇଥିବା ଫୁଟେଜରେ ଦେଖିବାକୁ ମିଳିଛି, ଲୋକମାନେ ଟ୍ରାକ୍‌ ପାଖରେ ଛିଡ଼ା ହୋଇଛନ୍ତି ଓ ସେମାନଙ୍କ ନିକଟରେ ଜିନିଷ ସବୁ ଏଣେତେଣେ ହୋଇ ପଡ଼ିକି ରହିଛି। ଟ୍ରେନ୍‌ର ଅନେକ ବଗି ରେଲ୍‌ୱେ ଟ୍ରାକ୍‌ରୁ ଲାଇନ୍‌ଚ୍ୟୁତ୍‌ ହୋଇଥିବା ଫୁଟେଜ୍‌ରେ ଦେଖିବାକୁ ମିଳିଛି। 

Also Read

ଚାଇନା ଫୋନ୍ କରୁଛି ଆପଣଙ୍କ ବ୍ୟକ୍ତିଗତ ତଥ୍ୟ ଚୋରି?

ମିଶିକି ଲୁଟିବା, ମିଶିକି ଖାଇବା ...ଏହି ଗୀତ ଗାଇ ପାକିସ୍ତାନ ପ୍ରଧାନମନ୍ତ୍ରୀଙ୍କ ଉପରେ ରାଗ ସୁଝାଇଲେ ଛୋଟ ବାଳକ

ମହିଳାଙ୍କୁ ତାଲିବାନୀ ଚାବୁକ୍‌; ବାହା ନ ହେଲେ ବିଶ୍ୱବିଦ୍ୟାଳୟ ଦ୍ୱାର ବନ୍ଦ

ମୋନଟାନାର ଡିଜାଷ୍ଟର ଆଣ୍ଡ୍‌ ଏର୍ଭଜେନ୍ସି ସର୍ଭିସସେସ୍‌ କୋଅର୍ଡିନେଟର୍‌ ନ୍ୟୁୟର୍କ ଟାଇମ୍ସକୁ ସୂଚନା ଦେଇ କହିଛନ୍ତି, ଏହି ଦୁର୍ଘଟଣାରେ ୫୦ରୁ ଅଧିକ ଆହତ ହୋଇଥିବା ବେଳେ ଜଣେରୁ ଅଧିକ ଲୋକଙ୍କ ମୃତ୍ୟୁ ଘଟିଛି। ଖବରପାଇ ରେସ୍କ୍ୟୁ ଟିମ୍‌ ଘଟଣାସ୍ଥଳରେ ପହଞ୍ଚି ଆହତଙ୍କୁ ହସ୍ପିଟାଲରେ ଭର୍ତ୍ତି କରିଥିଲେ।