LIVE TV
ପଡ଼ୋଶୀ ଦେଶ ପାକିସ୍ତାନରେ ଭୁଶୁଡ଼ି ପଡ଼ିଥିବା ଅର୍ଥନୀତି ପାଇଁ ଦେଶବାସୀଙ୍କୁ ନାହିଁନଥିବା ଅସୁବିଧା ଭୋଗ କରିବା ପାଇଁ ପଡ଼ୁଛି । ଶେହବାଜ୍ ସରକାରଙ୍କ ଶାସନରେ ଭୟଙ୍କର ଜୁଗାଡ଼୍ କରି ଜୀବନ ବିତାଉଛନ୍ତି ଜନତା । ଆଉ ଏହି ଜୁଗାଡ଼ ପାଇଁ କୌଣସି ବି ସମୟରେ ଜୀବନ ଯିବାର ଅନେକ ସମ୍ଭାବନା ରହିଛି । ପାକିସ୍ତାନରେ ଏବେ ପ୍ଲାଷ୍ଟିକ୍ ବ୍ୟାଗ୍ରେ ଲୋକମାନେ ଏଲପିଜି ଗ୍ୟାସ ନେଇ ଯାଉଥିବା ଦେଖିବାକୁ ମିଳିଛି । ସବୁଠାରୁ ଅଧିକ ଗ୍ୟାସ୍ ଉତ୍ପାଦନ କରୁଥିବା ରାଜ୍ୟ ଖାୟବର ପଖତୁନବା ଠାରେ ଲୋକେ ବ୍ୟାଗରେ ଗ୍ୟାସ୍ ଭରି ଖାଦ୍ୟ ରୋଷେଇ କରୁଛନ୍ତି । ହୁହୁ ଦରଦାମ୍ ବୃଦ୍ଧି ଯୋଗୁଁ ଗ୍ୟାସ ସିଲିଣ୍ଡର ଟିଏ ପହଞ୍ଚିବା କାଠିକର ପାଠ ହୋଇଯାଇଛି । ପଲିଥିନରେ ଯାଉଥିବା ଗ୍ୟାସ୍କୁ ବିଶେଷଜ୍ଞମାନେ ଜୀବନ୍ତ ବୋମା ବୋଲି କହୁଛନ୍ତି ।
ଭୁଶୁଡି ପଡିଛି ପାକିସ୍ତାନର ଅର୍ଥନୀତି । ଖାଲି ହୋଇଯାଇଛି ଦେଶର ବୈଦେଶିକ ମୁଦ୍ରା ଭଣ୍ଡାର । ପେଟ୍ରୋଲିୟମ ଓ ଔଷଧଠୁ ଆରମ୍ଭ କରି ଅତ୍ୟାବଶ୍ୟକ ଖାଦ୍ୟ ସାମଗ୍ରୀ ଆମଦାନୀ ଲାଗି ପାକ୍ ସରକାରଙ୍କ ପାଖରେ ନାହିଁ ଅର୍ଥ । ଦରଦାମ ଆକାଶ ଛୁଆଁ ହୋଇଥିବା ବେଳେ ତ୍ରାହି ତ୍ରାହି ଡାକୁଛନ୍ତି ପାକିସ୍ତାନର ଜନତା । ଆର୍ଥିକ ସହାୟତା ଲାଗି ବିଭିନ୍ନ ଦେଶଙ୍କ ନିକଟରେ ଗୁହାରୀ କରି ବିଫଳ ହୋଇଛି ପାକିସ୍ତାନ, ଯାହା ଇସଲାମାବାଦର ବୁଦ୍ଧିଭ୍ରଷ୍ଟ କରିଥିବା କୁହାଯାଉଛି । ଆଉ ଏହାର ଭୟଙ୍କର ପ୍ରଭାବ ଲୋକଙ୍କ ଉପରେ ପଡ଼ୁଛି ।
Also Read
#Pakistan With no natural gas supply to homes, residents of Karak, carry gas for their household needs in plastic bags. They are literally moving bombs. Karak has huge estimated reserves of oil and gas, while to the #Karak people legal gas connections are not provided since 2007. pic.twitter.com/FMphcH6nUa
— Ghulam Abbas Shah (@ghulamabbasshah) December 29, 2022
ପାକିସ୍ତାନରେ ଏବେ ଏଲପିଜି ମୂଲ୍ୟ ଏତେ ବଢ଼ିଯାଇଛି ଯେ ସାଧାରଣ ଲୋକ ତ୍ରାହି ତ୍ରାହି ଡାକିଲେଣି । ଅର୍ଥନୈତିକ ସଙ୍କଟ ମଧ୍ୟରେ ଦରଦାମ ବୃଦ୍ଧି ପାଉଥିରୁ ପ୍ଲାଷ୍ଟିକ ବ୍ୟାଗରେ ରନ୍ଧନ ଗ୍ୟାସ ତଥା LPG ଗ୍ୟାସ୍ କିଣିବାକୁ ଲୋକେ ବାଧ୍ୟ ହେଉଛନ୍ତି । ଆଉ ଏବେ ଦେଶର ବିଭିନ୍ନ ଅଞ୍ଚଳରେ ପ୍ଲାଷ୍ଟିକ୍ ବ୍ୟାଗରେ ଗଚ୍ଛିତ LPG ବିକ୍ରି ହେଉଛି । ଜନତା ଏଲପିଜି ସିଲିଣ୍ଡର କିଣିବା ପରିବର୍ତ୍ତେ ଛୋଟ ଛୋଟ ପ୍ଲାଷ୍ଟିକ୍ ବ୍ୟାଗରେ କିଛି ଗ୍ୟାସ୍ ଭରି ଖାଦ୍ୟ ରୋଷେଇ କରୁଛନ୍ତି ।
ଅଧିକ ପଢ଼ନ୍ତୁ: ପର୍ଣ୍ଣ ଭିଡିଓ ଦେଖିବାରେ ଭାରତ ବିଶ୍ୱରେ ତୃତୀୟ, ପାକିସ୍ତାନ ପ୍ରଥମ
ଲୋକଙ୍କୁ ମିଳୁନି ଗ୍ୟାସ୍ କନେକ୍ସନ୍
ପାକିସ୍ତାନୀ ମିଡିଆ ରିପୋର୍ଟ ଅନୁଯାୟୀ, ଖାୟବର ପଖତୁନବାର କରାକ ଜିଲ୍ଲାରେ ୨୦୦୭ରୁ ଲୋକଙ୍କୁ ଗ୍ୟାସ ସଂଯୋଗ ଦିଆଯାଇନି । ସେହିପରି ଗତ ଦୁଇ ବର୍ଷ ହେଲାଣି ପଡୋଶୀ ହାଙ୍ଗୁ ଜିଲ୍ଲାର ଯୋଗାଣ ଲାଇନ ଭାଙ୍ଗି ଯାଇଛି । ଗ୍ୟାସ୍ ପାଇପ୍ ଭାଙ୍ଗି ଯାଇଥିବାରୁ ଲୋକମାନେ ଘଣ୍ଟା ଘଣ୍ଟା ଧରି ଲମ୍ବା ଲାଇନରେ ଛିଡା ହୋଇ ପ୍ଲାଷ୍ଟିକରେ ଭର୍ତ୍ତି ଗ୍ୟାସ୍ ଘରକୁ ନେଇ ଯାଉଛନ୍ତି ।
ସିଲିଣ୍ଡର କିଣିବା ଲୋକଙ୍କ ବଜେଟ ବାହାରେ
ସିଲିଣ୍ଡରର ମୂଲ୍ୟ ଅଧିକ ଥିବାରୁ ପ୍ଲାଷ୍ଟିକ୍ ବ୍ୟାଗରେ ୫୦୦ ରୁ ୯୦୦ ଟଙ୍କା ଭିତରେ ଗ୍ୟାସ୍ ଉପଲବ୍ଧ ହେଉଛି । ଏଲପିଜି ଗ୍ୟାସ୍ ମୂଲ୍ୟ ବିଭିନ୍ନ ବ୍ୟାଗର ଆକାର ଉପରେ ନିର୍ଭର କରେ । ପାକିସ୍ତାନରେ ଏଲପିଜି ସିଲିଣ୍ଡର କିଣିବା ଲୋକଙ୍କ ବଜେଟ ବାହାରେ । ଘରୋଇ ଏଲପିଜି ସିଲିଣ୍ଡରର ମୂଲ୍ୟ ୨୪୧୧.୪୩ ଟଙ୍କା ଏବଂ କମର୍ସିଆଲ ଗ୍ୟାସ ସିଲିଣ୍ଡରର ମୂଲ୍ୟ ପ୍ରାୟ ୧୦,୦୦୦ ଟଙ୍କା ରହିଛି ।
ତେବେ ପ୍ଲାଷ୍ଟିକ୍ ବ୍ୟାଗରେ ଗ୍ୟାସ୍ ଭରି ରୋଷେଇ କରିବା କେତେ ବିପଦଜନକ ସମସ୍ତେ ଜାଣିଛନ୍ତି । କୌଣସି ବି ମୁହୂର୍ତ୍ତରେ ବଡ଼ ଦୁର୍ଘଟଣା ଘଟି ଅନେକ ଜୀବନ ଯିବାର ସମ୍ଭାବନା ରହିଛି । ହେଲେ ପାକିସ୍ତାନରେ ଗ୍ୟାସ ସିଲିଣ୍ଡରର ଅଭାବ ଥିବାରୁ ଲୋକଙ୍କ ପାଖରେ ଅନ୍ୟ କୌଣସି ଉପାୟ ନାହିଁ । ଏପଟେ ସରକାର କିନ୍ତୁ ନୀରବଦ୍ରଷ୍ଟା ସାଜିଛନ୍ତି ।
