LIVE TV
ବୟସର ଅପରାହ୍ଣରେ ଭାଙ୍ଗିନି ମନୋବଳ । ଦୃଢ଼ ଇଚ୍ଛା ଶକ୍ତି ଆଗରେ ହାର ମାନିଛି ବୃଦ୍ଧାବସ୍ଥା । ଯେଉଁ ବୟସରେ ଘରେ ବସି ନାତି ନାତୁଣୀ ମାନଙ୍କ ସହ ସମୟ ବିତାଇବା କଥା ସେଇ ବୟସରେ ବାଉଁଶ ଚାଷ କରି ବାର୍ଷିକ ଲକ୍ଷ ଲକ୍ଷ ଟଙ୍କା ରୋଜଗାର କରୁଛନ୍ତି ମନିନ୍ଦ୍ର ମୋହନ ପାଣି । ଆଉ ଏହି ବାଉଁଶ ଚାଷ ମନିନ୍ଦ୍ରଙ୍କୁ ଏକ ନୂଆ ପରିଚୟ ଦେଇଛି ।
ଭଦ୍ରକ ଜିଲ୍ଲା ଧାମନଗର ବ୍ଲକର ସୋଧ ଗାଁର ୮୦ ବର୍ଷୀୟ ବୃଦ୍ଧ ହେଉଛନ୍ତି ମନିନ୍ଦ୍ର ମହନ ପାଣି । ଗେଙ୍ଗୁଠି ନଦୀ କୁଳରେ ଥିବା ନିଜର ପାଞ୍ଚ ଏକର ଚାଷ ଜମିରେ ସେ ବାଉଁଶ ଚାଷ କରି ସଫଳତା ପାଇଛନ୍ତି । ଓଡ଼ିଶାର ୧୫ ଟି ଜିଲ୍ଲାରେ ବାଉଁଶ ଚାଷ ପାଇଁ ବନ ବିଭାଗ ତରଫରୁ ସରକାରୀ ସହାୟତା ଦିଆଯାଉଥିବା ବେଳେ କିନ୍ତୁ ଭଦ୍ରକରେ ଏହା ମିଳୁନାହିଁ । ତଥାପି ମନିନ୍ଦ୍ର ଏଠାରେ ବାଉଁଶ ଚାଷ କରି ଉଦାହରଣ ପାଲଟିଛନ୍ତି ।
Also Read
ପୂର୍ବରୁ ବାଉଁଶ ଚାଷ କରିବାକୁ ମନ ବଳାଇଥିଲେ ମନିନ୍ଦ୍ର । ଯାହା ଧିରେ ଧିରେ ପାଞ୍ଚ ଏକର ଜମିରେ ପହଞ୍ଚି ସାରିଛି । କମ୍ ଖର୍ଚ୍ଚରେ ବାଉଁଶ ଚାଷ ଲାଭ ମଧ୍ୟ ଦେଉଛି । ଏହି ବାଉଁଶକୁ ଭଦ୍ରକ, ପାରାଦୀପ, ଯାଜପୁର ଓ ଆଖପାଖ ଅଂଚଳର ବ୍ୟବସାୟୀମାନେ ନେଇ ବ୍ୟବସାୟ ପାଇଁ ନେଉଛନ୍ତି । ଆଉ ଭଲ ଦୁଇ ପଇସା ମଧ୍ୟ ରୋଜଗାର କରୁଛନ୍ତି ।
ତେବେ ମନିନ୍ଦ୍ର ନିଜେ ଏବେ ବାଡ଼ି ଧରି ଚାଲୁଛନ୍ତି ସତ କିନ୍ତୁ ପାଞ୍ଚ ଏକର ଜମିରେ ବାଉଁଶ ଚାଷ କରି ଧାମନଗର ଅଞ୍ଚଳରେ ଚର୍ଚ୍ଚା ମଧ୍ୟ ରହିଛନ୍ତି ୮୦ ବର୍ଷୀୟ ମନିନ୍ଦ୍ର।
