LIVE TV
ବିରାଟ ବିରାଟ ଥାଳି ରଖାଯାଇଛି...ସେଥିରେ ଥୁଆ ହୋଇଛି ବିଭିନ୍ନ ପ୍ରକାର ମିଠା, ପରିବା, ଫଳ, ରୁଟି, ଘାସ ସହ ଅନେକ ପ୍ରକାର ବ୍ୟଞ୍ଜନ । ଏମିତି ସବୁ ଦେଖିବା ପରେ ଆପଣ ଭାବୁଥିବେ କାହାର ବୋଧହୁଏ ବାହାଘର କିମ୍ବା କୌଣସି ଉତ୍ସବ ରହିଛି । ସେଇଥି ପାଇଁ ଏତେ ସବୁ ଖାଇବା ଗୋଟିଏ ଜାଗାରେ ରଖାଯାଇଛି । ନା ଦର୍ଶକବନ୍ଧୁ...ଏଇଠି କୌଣସି ବାହାଘର ନାହିଁ କି କିଛି ଉତ୍ସବ ନାହିଁ । ବରଂ ଗୋମାତାଙ୍କୁ ଖାଇବାକୁ ଦେବାକୁ ଏଇଠି ଭଳିକି ଭଳି ମିଠା ରଖାଯାଇଛି । ଆଶ୍ଚର୍ଯ୍ୟ ହୋଇଗଲେ କି? ଜମାରୁ ବି ଆଶ୍ଚର୍ଯ୍ୟ ହୁଅନ୍ତୁ ନାହିଁ...କାରଣ ସବୁ ମିଠା ଗାଈଙ୍କ ଲାଗି ହିଁ ରଖାଯାଇଛି ।
ଅଧିକ ପଢ଼ନ୍ତୁ: ସରକାରୀ ସ୍କୁଲ ଶିକ୍ଷୟିତ୍ରୀଙ୍କ କର୍ତ୍ତବ୍ୟପରାୟଣତାକୁ ସଲାମ୍ : ୧୩ ବର୍ଷରେ ନେଇନାହାନ୍ତି ଗୋଟିଏ ବି ଛୁଟି
ଗୋଶାଳାରେ ଗୋ-ମାତାଙ୍କୁ ୫୬ ପ୍ରକାର ଭୋଗ ଦିଆଗଲା । ପ୍ରାୟ ୧୫୦ ଗୋରୁଙ୍କ ପାଖରେ ସ୍ୱତନ୍ତ୍ର ଭାବରେ ଲଗାଯାଇଛି ଏମିତି ଭୋଗ । ବର୍ଷେ କି ଦୁଇ ବର୍ଷ ନୁହେଁ ବରଂ ୩୦ ବର୍ଷ ହେଲାଣି ଗାଇମାନଙ୍କୁ ୫୬ ପ୍ରକାର ଭୋଗ ଦିଆଯାଉଛି। ଯାହାକୁ ନେଇ ଏବେ ସବୁଠି ଲାଗିରହିଛି ଚର୍ଚ୍ଚା । ହିନ୍ଦୁ ଧର୍ମରେ ଗୋରୁଙ୍କ ମଧ୍ୟରେ ୩୩ କୋଟି ଦେବାଦେବୀ ବାସ କରୁଥିବା ଶାସ୍ତ୍ରରେ ବର୍ଣ୍ଣନା କରାଯାଇଥିବାରୁ ଗୋମାତାଙ୍କୁ ସନ୍ତୁଷ୍ଟ କରି ସମସ୍ତଙ୍କ କଲ୍ୟାଣ କରିବା ଲାଗି ଏମିତି ଭୋଗ ଲଗାଉଛନ୍ତି ରାଉରକେଲାର ଗଣେଶ ବାଗେଡ଼ିୟା ଓ ତାଙ୍କ ପତ୍ନୀ।
Also Read
ରାଉରକେଲା ପାନପୋଷ ଅଞ୍ଚଳରେ ରହୁଥିବା ଶ୍ରୀ ବାଗେଡିଆଙ୍କ ଗୋଟିଏ ମସଲା କମ୍ପାନୀ ବି ଅଛି । ହେଲେ ଗୋମାତାଙ୍କ ସେବା କରିବାକୁ ନିଜର ବ୍ରତ ବୋଲି ସେ ଭାବିଛନ୍ତି । ସେଇଥି ଲାଗି ତ ସ୍ଥାନୀୟ ଲୋକଙ୍କ ସାହାଯ୍ୟ ଓ ସହଯୋଗରେ କରିଛନ୍ତି ଗୋଶାଳା । ଆଉ ଏଇ ଗୋଶାଳାରେ ଗାଈଙ୍କ ଯତ୍ନ ନେବା ସହିତ ସେମାନେ କେମିତି ଖାଇବେ ଓ କେମିତି ଭଲରେ ରହିବେ ସେନେଇ ନିଇତି କରୁଛନ୍ତି ତଦାରଖ ।
#୫୬_ଭୋଗ_ଖାଇଲେ_ଗାଈଗୋରୁ
— ଓଟିଭି (@otvkhabar) March 9, 2023
ଏମିତି ମଣିଷକୁ ଶହେ ସଲାମ୍ । ଗାଈଗୋରୁଙ୍କ ପାଇଁ ବାଢି ଦେଲେ ୫୬ ଭୋଗ...ଥାଳିରେ ରଖାଯାଇଛି ଭଳିକି ଭଳି ମିଠା ସାଙ୍ଗକୁ ପିଠା#SpecialStory #Rourkela #Odisha #OTV pic.twitter.com/eoyWHXiBaq
ଦିନେ ଅଧେ ନୁହେଁ ଗତ ୩୦ ବର୍ଷ ହେଲା ୫୬ ପ୍ରକାର ଭୋଗ ଗୋରୁଙ୍କୁ ଏଠାରେ ଦିଆଯାଉଛି। ରାଉରକେଲାର ଛିନ୍ଦ ଅଞ୍ଚଳରେ ରହିଛି ଏହି ଗୋଶାଳା। ତେବେ ଗତ ୫ ତାରିଖରେ ଏଠାରେ ୫୬ ଭୋଗ କରାଯିବା ସହିତ ବିରାଟ ଉତ୍ସବର ବି ଆୟୋଜନ ହୋଇଥିଲା । ତେବେ ଗାଈଙ୍କ ପାଖରେ ୫୬ ପ୍ରକାର ଭୋଗ ଲଗାଯିବାକୁ ନେଇ ସ୍ଥାନୀୟ ଅଂଚଳରେ ଭାରି ଚର୍ଚ୍ଚା ଚାଲିଛି ।
(ରିପୋର୍ଟ- ପୱନ ତିୱାରୀ, ରାଉରକେଲା)
