First Female IAS Officer: ଦେଶର ପ୍ରଥମ ମହିଳା IAS ଅଫିସର; ଯାହାଙ୍କୁ ଏକାସଙ୍ଗେ ମିଳିଥିଲା ଜଏନିଂ ଓ ସସ୍ପେନ୍‌ସନ୍‌ ଲେଟର୍ !

ଅନେକ ବୀର ଓ ସ୍ୱାଧୀନତା ସଂଗ୍ରାମୀ ଭାରତକୁ ସ୍ୱାଧୀନ କରିବାରେ ସହଯୋଗ କରିଥିଲେ। ଏଥିରେ ମହିଳାମାନେ ମଧ୍ୟ ସାମିଲ ହୋଇଥିଲେ, ଯେଉଁମାନେ ଦେଶକୁ ବ୍ରିଟିଶ ଶାସନରୁ ମୁକ୍ତ କରିବା ପାଇଁ ନିଜ ଜୀବନକୁ ଉତ୍ସର୍ଗ କରିଥିଲେ। ରାଣୀ ଲକ୍ଷ୍ମୀବାଇଙ୍କଠାରୁ ଆରମ୍ଭ କରି ସରୋଜିନୀ ନାଇଡୁଙ୍କ ପର୍ଯ୍ୟନ୍ତ ଅନେକ ମହିଳା ସଂଗ୍ରାମୀଙ୍କ ନାମ ଇତିହାସରେ ଲିପିବଦ୍ଧ ହୋଇଛି । ସ୍ୱାଧୀନତା ପରେ ଭାରତ ଏକ ଗଣତାନ୍ତ୍ରିକ ରାଷ୍ଟ୍ର ହେଲା। ଏହା ପରେ ଦେଶରେ ବିକାଶ ଆରମ୍ଭ ହୋଇଥିଲା। ମହିଳାମାନେ ମଧ୍ୟ ଭାରତର ବିକାଶରେ ସହଯୋଗ କରିଛନ୍ତି।

ଜବାହରଲାଲ ନେହେରୁଙ୍କ ମୃତ୍ୟୁ ପରେ ସ୍ୱାଧୀନ ଭାରତ ଇନ୍ଦିରା ଗାନ୍ଧୀଙ୍କ ରୂପରେ ପ୍ରଥମ ମହିଳା ପ୍ରଧାନମନ୍ତ୍ରୀ ପାଇଲା। ସରୋଜିନୀ ନାଇଡୁଙ୍କୁ ଏକ ପ୍ରଥମ ମହିଳା ରାଜ୍ୟପାଳ ଭାବେ ନିଯୁକ୍ତି ଦିଆଯାଇଥିଲା । ସେହିଭଳି ରାଜନୀତିଠାରୁ ଆରମ୍ଭ କରି ପ୍ରଶାସନ, ପ୍ରତିରକ୍ଷା ବିଭାଗ ଓ କ୍ରୀଡା ଜଗତ ପର୍ଯ୍ୟନ୍ତ ଅନେକ ମହିଳା ଦାୟିତ୍ୱ ନେଇଛନ୍ତି। ସ୍ୱାଧୀନତା ପରେ ପ୍ରଥମ ଥର ପାଇଁ ଜଣେ ମହିଳା ପ୍ରଶାସନିକ ସେବାରେ ଯୋଗ ଦେଇଥିଲେ। ସେ ସ୍ୱାଧୀନ ଭାରତର ପ୍ରଥମ ମହିଳା IAS ଅଧିକାରୀ ହୋଇଥିଲେ। ଆସନ୍ତୁ ଜାଣିବା ଦେଶର ଏହି ପ୍ରଥମ ମହିଳା IAS ଅଧିକାରୀଙ୍କ ବିଷୟରେ ।

ଦେଶର ପ୍ରଥମ ମହିଳା IAS ଅଧିକାରୀ କିଏ ?

ସ୍ୱାଧୀନ ଭାରତର ପ୍ରଥମ ମହିଳା IAS ଅଧିକାରୀ ହେଲେ ଆନ୍ନା ରାଜମ ମଲହୋତ୍ରା । ୧୭ ଜୁଲାଇ ୧୯୨୪ରେ କେରଳର ଏର୍ଣ୍ଣାକୁଲମ ଜିଲ୍ଲାରେ ତାଙ୍କର ଜନ୍ମ। ସେ ପ୍ରଖ୍ୟାତ ମାଲାୟାଲମ ଲେଖକ ପାଇଲୋ ପାଲଙ୍କ ନାତୁଣୀ । ସେ କାଲିକଟରୁ ପ୍ରାଥମିକ ଶିକ୍ଷା ଗ୍ରହଣ କରିଥିଲେ। ମାଲାବାର ଖ୍ରୀଷ୍ଟିଆନ କଲେଜରୁ ସ୍ନାତକୋତ୍ତର ଏବଂ ୧୯୪୯ ମସିହାରେ ମାଡ୍ରାସ ବିଶ୍ୱବିଦ୍ୟାଳୟରୁ ଇଂରାଜୀରେ ମାଷ୍ଟର ଡିଗ୍ରୀ ହାସଲ କରିଥିଲେ। ଏହାପରେ ସେ ପ୍ରଶାସନିକ ସେବାରେ ଯୋଗଦେବାକୁ ସ୍ଥିର କଲେ ଏବଂ ପରୀକ୍ଷା ପାଇଁ ପ୍ରସ୍ତୁତି ଆରମ୍ଭ କଲେ। ଆନ୍ନା ରାଜମ ୧୯୫୧ ମସିହାରେ ଭାରତୀୟ ସିଭିଲ ସର୍ଭିସେସ୍ ପରୀକ୍ଷା ଦେଇଥିଲେ।

ଅଧିକ ପଢ଼ନ୍ତୁ: ବିନା UPSC ପରୀକ୍ଷାରେ ବି ହୋଇପାରିବେ IAS ଅଫିସର୍‌, ଜାଣନ୍ତୁ କିପରି...

ଏହି ଜଟିଳ ପରୀକ୍ଷାରେ ଉତ୍ତୀର୍ଣ୍ଣ ହୋଇ ସେ ଦେଶର ପ୍ରଥମ ମହିଳା IAS ଅଧିକାରୀ ହୋଇପାରିଥିଲେ। ସ୍ୱାଧୀନ ଭାରତର ପ୍ରଥମ ମହିଳା IAS ଅଧିକାରୀ ଭାବରେ ତାଙ୍କ ନାମ ଇତିହାସରେ ରେକର୍ଡ କରାଯାଇଛି। ପରେ ଆନ୍ନା ରାଜମ ମାଡ୍ରାସ କ୍ୟାଡରରୁ ଟ୍ରେନିଂ ନେଇଥିଲେ।  ଆନ୍ନା ରାଜମ ମାଲହୋତ୍ରାଙ୍କ ଜଏନିଂ ଲେଟରରେ ଏହା ମଧ୍ୟ ଉଲ୍ଲେଖ କରାଯାଇଥିଲା ଯେ ବିବାହ ପରେ ତାଙ୍କୁ ଚାକିରି  ଛାଡ଼ିବାକୁ ପଡ଼ିବ। ତଥାପି, ପରେ ଏହି ନିୟମକୁ ପରିବର୍ତ୍ତନ କରାଯାଇଥିଲା । ତାଙ୍କ ସମୟରେ ସେ ଦୁଇ ଜଣ ପ୍ରଧାନମନ୍ତ୍ରୀ ଏବଂ ୭ ଜଣ ମୁଖ୍ୟମନ୍ତ୍ରୀଙ୍କ ସହ କାମ କରିଥିଲେ।

ତତ୍କାଳୀନ ମୁଖ୍ୟମନ୍ତ୍ରୀ ସି ସି ରାଜଗୋପାଲଚାରୀ ମଧ୍ୟ ତାଙ୍କୁ ଜିଲ୍ଲା ସବ୍-କଲେକ୍ଟର ଭାବରେ ମନୋନୀତ କରିବା ନେଇ ଦ୍ୱିଧା ପ୍ରକାଶ କରିଥିଲେ। ରାଜଗୋପାଲଚାରୀ ଭାବୁଥିଲେ ମହିଳାମାନେ ସିଭିଲ ସର୍ଭିସରେ କାମ କରିବା ଉଚିତ୍ ନୁହେଁ। ତଥାପି, ସେ ପୁରୁଷ ସହକର୍ମୀଙ୍କ ସହିତ କାନ୍ଧକୁ କାନ୍ଧ ମିଳାଇ କାମ କରିଥିଲେ । ତାଙ୍କର କଠିନ ପରିଶ୍ରମ, ଦକ୍ଷତା ଏବଂ ଜ୍ଞାନ ମାଧ୍ୟମରେ ସେ ପ୍ରତ୍ୟେକ କ୍ଷେତ୍ରରେ ସଫଳତା ହାସଲ କରିଥିଲେ। ପରେ ଆନ୍ନା ରାଜମ୍ ହୋସୁର ଜିଲ୍ଲାର ପ୍ରଥମ ମହିଳା ସବ୍-କଲେକ୍ଟର ହୋଇଥିଲେ । ଏହାପରେ ସେ ୱାଶିଂଟନରେ ଥିବା ଆନ୍ତର୍ଜାତୀୟ ମୁଦ୍ରା ପାଣ୍ଠିରେ ଭାରତର କାର୍ଯ୍ୟନିର୍ବାହୀ ନିର୍ଦ୍ଦେଶକ ଭାବରେ ମଧ୍ୟ କାର୍ଯ୍ୟ କରିଥିଲେ।

ଅଧିକ ପଢ଼ନ୍ତୁ: ଲାଜ ଲାଗୁଛି ତ ମୋ ପାଖକୁ ଆସ... କାହିଁକି ଏପରି କହିଲେ ଟିନା

ସେ ୧୯୮୨ ମସିହାରେ ଦିଲ୍ଲୀରେ ଆୟୋଜିତ ହୋଇଥିବା ଏସୀୟ ଗେମ୍ସର ଇନ୍-ଚାର୍ଜର ଭାବରେ କାର୍ଯ୍ୟ କରିଥିଲେ। ସେ କେନ୍ଦ୍ର ଗୃହ ମନ୍ତ୍ରଣାଳୟରେ ମଧ୍ୟ କାର୍ଯ୍ୟ କରିଥିଲେ। ଅବସର ପରେ ପ୍ରସିଦ୍ଧ ହୋଟେଲ ଲୀଲା ଭେଞ୍ଚର ଲିମିଟେଡର ନିର୍ଦ୍ଦେଶକ ଭାବରେ କାର୍ଯ୍ୟ କରିଥିଲେ।୧୯୮୯ ମସିହାରେ ଭାରତ ସରକାର ତାଙ୍କୁ ପଦ୍ମ ଭୂଷଣ ସମ୍ମାନରେ ସମ୍ମାନିତ କରିଥିଲେ। ତେବେ ୨୦୧୮ ମସିହା ସେପ୍ଟେମ୍ୱର ମାସରେ ୯୧ ବର୍ଷ ବୟସରେ ତାଙ୍କର ଦେହାନ୍ତ ହୋଇଯାଇଥିଲା। ମୃତ୍ୟୁ ପରେ ମଧ୍ୟ ସେ ସବୁ ମହିଳା ଅଧିକାରୀଙ୍କ ପାଇଁ ପ୍ରେରଣା ହୋଇ ରହିଛନ୍ତି।