LIVE TV
ଅଧିକାଂଶ ଲୋକ ସେମାନଙ୍କ ମୁହଁର ସୌନ୍ଦର୍ଯ୍ୟ ବୃଦ୍ଧି ଓ ଚର୍ମରେ ଚମକ ଆଣିବା ପାଇଁ ପ୍ରତିଦିନ ପାର୍ଲରକୁ ଯାଆନ୍ତି। ଏନେଇ ସେମାନେ ପାର୍ଲରରେ ଅନେକ ଟଙ୍କା ମଧ୍ୟ ଖର୍ଚ୍ଚ କରନ୍ତି। ଏହାଛଡା ଚର୍ମ ପାଇଁ ଦାମୀ କ୍ରିମ୍ ମଧ୍ୟ ବଜାରରୁ କିଣାଯାଏ। ଏପରିକି ସେମାନେ ନିଜ ଚେହେରାରେ ଆଡୁସାଡୁ ସୌନ୍ଦର୍ଯ୍ୟ ପଦାର୍ଥ ବ୍ୟବହାର କରିବାକୁ ମଧ୍ୟ ପଛାନ୍ତି ନାହିଁ। ପରେ ଏହାର ପରିଣାମ ନକରାତ୍ମକ ମଧ୍ୟ ହୋଇଥାଏ।
ସେ ମହିଳା ହୁଅନ୍ତୁ ବା ପୁରୁଷ ସମସ୍ତେ ସୁନ୍ଦର ଦେଖାଯିବା ପାଇଁ ଚାହାଁନ୍ତି। ଲୋକେ ସେମାନଙ୍କ ଏହି ଇଚ୍ଛା ପୂରଣ ପାଇଁ ଅନେକ ପ୍ରକାର ଚେଷ୍ଟା କରିଥାନ୍ତି। ଏନେଇ ବହୁ ଟଙ୍କା ମଧ୍ୟ ଖର୍ଚ୍ଚ ହୁଏ। କିନ୍ତୁ ଚେହେରାରେ ପ୍ରାକୃତିକ ଚମକ ଆଣିବା କିମ୍ବା ବୃଦ୍ଧାବସ୍ଥାରେ ଯୁବକ ଭଳି ଦେଖାଯିବା ପାଇଁ ପାର୍ଲରକୁ ଯିବା କି ସୌନ୍ଦର୍ଯ୍ୟ ଦ୍ରବ୍ୟ ପାଇଁ ଟଙ୍କା ଖର୍ଚ୍ଚ କରିବାର କୌଣସି ଆବଶ୍ୟକତା ନାହିଁ।
ଯୋଗ ଓ ବ୍ୟାୟାମ କରି ଆପଣ ଚେହେରାରେ ଚମକ ଓ ସୁସ୍ଥ ଚର୍ମ ପାଇପାରିବେ। ବାର୍ଦ୍ଧକ୍ୟଜନିତ ଚିକିତ୍ସା ପାଇଁ, ପ୍ରତିଦିନ କିଛି ମୁଖ ଯୋଗ କରିବା ଦ୍ୱାରା ଚର୍ମ ଚିକ୍କଣ ହେବା ସହ ଯୌବନ ପ୍ରାପ୍ତ ହୋଇଥାଏ। ତେବେ ଆସନ୍ତୁ କିଛି ମୁଖ ଯୋଗ ବିଷୟରେ ଜାଣିବା।
ଲିପ୍ ପ୍ରେସ୍:
ଏହି ଆସନ କରିବାକୁ ହେଲେ ଓଠକୁ ଜୋରରେ ଦବାନ୍ତୁ, ତା’ପରେ ରିଲାକ୍ସ କରନ୍ତୁ। ଏହି ଆସନ ଗାଲକୁ ମଜଭୁତ କରେ ଏବଂ ଚର୍ମରେ ପଡୁଥିବ କୁଞ୍ଚଜ୍ୟ୍ ହ୍ରାସ କରେ।
ଗାଲ ଯୋଗ:
ଏହି ଯୋଗ କରିବା ପାଇଁ, ଗାଲକୁ ପମ୍ପ୍ କରନ୍ତୁ ଏବଂ ବାୟୁକୁ ବାମରୁ ଡାହାଣକୁ କରନ୍ତୁ ଏବଂ ତା’ପରେ ଏହାକୁ ବିପରୀତ ଦିଗରେ ଛାଡିଦିଅନ୍ତୁ। ଏହି ଅଭ୍ୟାସ ଗାଲକୁ ନରମ ରଖିବା ସହିତ ଦୃଢ କରିଥାଏ।
ପାଉଟ୍ ଯୋଗ:
ପାଉଟ୍ ଅଭ୍ୟାସ କରି, ଯାହାର ଅର୍ଥ ହେଉଛି ମୁହଁର ଭଙ୍ଗୀକୁ ଚୁମ୍ବନ ଆକୃତି କରିବା। ଏହା କରିବା ଦ୍ୱାରା ଗାଲରେ ଚମକ ବଢିବା ଆରମ୍ଭ କରେ।
ଆକାଶକୁ ଚୁମ୍ବନ ଦେବା:
ଆକାଶ ଆଡକୁ ଚାହିଁ, ଓଠକୁ ଟାଣ ଏବଂ ଆକାଶକୁ ଚୁମ୍ବନ ଦେବାକୁ ଚେଷ୍ଟା କର। ଏହି ଅଭ୍ୟାସ ଚିବୁକର ଚର୍ବିକୁ କମ କରିଥାଏ ଏବଂ ପାଟି ହାଡକୁ ମଜଭୁତ କରିଥାଏ।
