LIVE TV
ଉତ୍ତମ ସ୍ୱାସ୍ଥ୍ୟ ପାଇଁ ସାରା ବିଶ୍ୱରେ ଯୋଗାସନକୁ ଆପଣେଇ ନିଆଯାଉଛି। ଏହା ଦୈନନ୍ଦିନ ଜୀବନରେ ସାମିଲ କରିବା ଦ୍ୱାରା ଉଭୟ ମନ ଏବଂ ଶରୀର ଉପକୃତ ହେଉଛି। ବର୍ଷ ବର୍ଷ ଧରି ଚାପ ଏବଂ ଉଦାସୀନତାରେ ରହୁଥିବା ବ୍ୟକ୍ତିଙ୍କ ପାଇଁ ନିୟମିତ ଭାବରେ ଯୋଗାସନ ଅଭ୍ୟାସ କରିବା ଅତ୍ୟନ୍ତ ଲାଭଦାୟକ ହୋଇପାରେ।
ଯୋଗାସନ ମଧ୍ୟରେ ସୁଖାସନ ଏପରି ଏକ ଅଭ୍ୟାସ ଯାହା ସ୍ୱାସ୍ଥ୍ୟ ପାଇଁ ଅନେକ ଲାଭଦାୟକ। ଏହା ଅତ୍ୟନ୍ତ ସହଜ ହୋଇଥିବା ବେଳେ ଉଭୟ ଶରୀର ଏବଂ ମନକୁ ଶାନ୍ତ କରିବାରେ ସାହାଯ୍ୟ କରିବା ସହିତ ଅନେକ ରୋଗର ଲକ୍ଷଣକୁ ହ୍ରାସ କରିଥାଏ। ଦୈନିକ ସୁଖାସନ କରିବା ଦ୍ୱାରା ମନ ମଧ୍ୟ ଶାନ୍ତ ରହିଥାଏ, ଏକାଗ୍ରତା ବଢିଥାଏ ଏବଂ ଉଦାସୀନତା ଦୂର ହୁଏ।
Also Read
କିପରି କରିବେ:
ସୁଖାସନା ଅଭ୍ୟାସ ବହୁତ ସରଳ। ଏହାକୁ ସମସ୍ତ କରିପାରିବେ।
- ଏହି ଯୋଗ ଅଭ୍ୟାସ କରିବା ପାଇଁ ସର୍ବପ୍ରଥମେ, ଉଭୟ ଗୋଡକୁ ଛନ୍ଦି ଶାନ୍ତ ହୋଇ ବସନ୍ତୁ
- ମେରୁଦଣ୍ଡକୁ ସିଧା ରଖନ୍ତୁ
- ଦୀର୍ଘ ଶ୍ୱାସ ନିଅନ୍ତୁ ଏବଂ ଛାଡନ୍ତୁ
- ଶରୀରକୁ ସିଧା ରଖିବା ପାଇଁ ବିଶେଷ ଧ୍ୟାନ ଦିଅନ୍ତୁ
- ସାମର୍ଥ୍ୟ ଅନୁଯାୟୀ ପ୍ରତିଦିନ ଏହି ଯୋଗ ଅଭ୍ୟାସ କରନ୍ତୁ
ଉପକାରିତା:
- ଏହା ଆପଣଙ୍କ ମେରୁଦଣ୍ଡକୁ ବିସ୍ତାର କରେ ଏବଂ ଏହା ସହିତ ଜଡିତ ସମସ୍ୟାଗୁଡ଼ିକୁ ଦୂର କରେ
- କାନ୍ଧର ହାଡ ଓ ଛାତିକୁ ପ୍ରଶସ୍ତ କରେ
- ମନକୁ ଶାନ୍ତ କରେ ଏବଂ ଅନେକ ସମସ୍ୟାରୁ ମୁକ୍ତି ଦେଇଥାଏ
- ଚିନ୍ତା, ଚାପ ଏବଂ ମାନସିକ ଥକାପଣକୁ ଦୂରକରେ
- ଶରୀରର ସ୍ଥିତିକୁ ସୁଧାରିବାରେ ସାହାଯ୍ୟ କରେ
- ପିଠି ଏବଂ ମେରୁଦଣ୍ଡକୁ ମଜବୁତ୍ କରେ
- ଗୋଡ ଓ ଆଣ୍ଠୁ ପାଇଁ ଅତ୍ୟନ୍ତ ଉପକାରୀ ହୋଇଥାଏ
ବିଶେଷ ଧ୍ୟାନ:
ଯେଉଁମାନଙ୍କର ପିଠି କିମ୍ବା ଅଣ୍ଟା ଯନ୍ତ୍ରଣା ଥାଏ ସେମାନେ ଏହାକୁ ଅଳ୍ପ ସମୟ ପାଇଁ ଅଭ୍ୟାସ କରିବା ଉଚିତ। ଏହା ବ୍ୟତୀତ, ଯଦି ଆଣ୍ଠୁରେ ଆଘାତ ଲାଗିଥାଏ, ତେବେ ଦୀର୍ଘ ସମୟ ପର୍ଯ୍ୟନ୍ତ ଏହି ଅବସ୍ଥାରେ ବସନ୍ତୁ ନାହିଁ। ତେବେ ଆସନ ଓ ପ୍ରାଣାୟାମ କରିବା ପୂର୍ବରୁ ସର୍ବଦା ଯୋଗ ବିଶେଷଜ୍ଞଙ୍କ ସହିତ ପରାମର୍ଶ କରନ୍ତୁ।
