LIVE TV
ବର୍ଷା ଋତୁରେ ମଶାମାନେ ହଇରାଣ କରୁଥିବା ବେଳେ ଗ୍ରୀଷ୍ମ ସମୟରେ ମଧ୍ୟ ଏମାନଙ୍କ ପ୍ରକୋପ ଯଥେଷ୍ଟ ବୃଦ୍ଧି ପାଇଥାଏ। ମଶା ଅଧିକାଂଶ ରୋଗ ବିସ୍ତାର କରନ୍ତି। ଏହି କାରଣରୁ, ଖରା ଦିନେ ପବନ ଖାଇବାକୁ ଚାହିଁଲେ ମଧ୍ୟ ବାଲକୋନୀରେ ବସିବା କଷ୍ଟକର ହୋଇଯାଏ। ତେଣୁ ସେଗୁଡିକୁ ଏଡାଇବା ପାଇଁ, ପରିଷ୍କାର ପରିଚ୍ଛନ୍ନତା, ପୂରା ହାତବାଲା ପୋଷାକ ପିନ୍ଧିବା ସହିତ କିଛି ଗଛ ଲଗାଇବା ଜରୁରୀ, ଯାହା ମଶାମାନଙ୍କୁ ଘଉଡାଇବାରେ ବହୁତ ସାହାଯ୍ୟକରେ। ଆସନ୍ତୁ ଏମିତି ୫ଟି ଗଛ ଉପରେ ନଜର ପକେଇବା।
ତୁଳସୀ:
ତୁଳସୀ ହେଉଛି ଏକ ହର୍ବାଲ ଉଦ୍ଭିଦ, ଯାହା କେବଳ ଥଣ୍ଡା ଏବଂ କାଶ ପାଇଁ ଔଷଧ ଭାବରେ ବ୍ୟବହୃତ ହୁଏ ନାହିଁ, ବରଂ ଏହା ମଶାମାନଙ୍କୁ ମଧ୍ୟ ତଡ଼ି ଦେଇପାରେ। ତୁଳସୀର ସୁଗନ୍ଧ ମଶା ଲାର୍ଭା ବୃଦ୍ଧିକୁ ରୋକିଥାଏ, ଯେଉଁ କାରଣରୁ ମଶାମାନେ ଅଣ୍ଡା ଦେବାରେ ସକ୍ଷମ ହୁଅନ୍ତି ନାହିଁ ଏବଂ ଏହା ଦ୍ୱାରା ସେମାନଙ୍କ ସଂଖ୍ୟା ବୃଦ୍ଧି ହୁଏ ନାହିଁ।
Also Read
ଅଧିକ ପଢ଼ନ୍ତୁ: କାହିଁକି ହୁଏ ମ୍ୟାଲେରିଆ, କିପରି କରିବେ ନିରାକରଣ ଜାଣନ୍ତୁ...
ଗେଣ୍ଡୁ:
ଗେଣ୍ଡୁ ଫୁଲ କେବଳ ବଗିଚାର ସୌନ୍ଦର୍ଯ୍ୟକୁ ବଢାଏ ନାହିଁ, ବରଂ ଏହା ମଶା ଏବଂ ଅନ୍ୟ କୀଟପତଙ୍ଗକୁ ମଧ୍ୟ ଦୂରେଇ ରଖିଥାଏ। ପାଇରେଥ୍ରମ୍ ପରି କୀଟନାଶକ ଗେଣ୍ଡୁରେ ମିଳିଥାଏ, ଯାହା କୀଟପତଙ୍ଗକୁ ବୃଦ୍ଧି କରିବାକୁ ଦେଇ ନଥାଏ। ଏହି ଫୁଲରୁ ଆସୁଥିବା ଗନ୍ଧ ମଣିଷକୁ ଆକର୍ଷିତ କରିଥାଏ ଏବଂ ଏହା ମଶାମାନଙ୍କୁ ଦୂରେଇ ଥାଏ।
ରସୁଣ-ଅଦା:
ରସୁଣ-ଅଦା ଗଛ ଲଗାଇଲେ ଆପଣ ଦୁଇ ପ୍ରକାରର ଲାଭ ପାଇବେ। ପ୍ରଥମତଃ ଆପଣ ଏହାକୁ ଖାଦ୍ୟ ଭାବେ ବ୍ୟବହାର କରିବେ ଏବଂ ଦ୍ୱିତୀୟରେ, ଆପଣ ମଶା ଏବଂ ଅନ୍ୟ କୀଟପତଙ୍ଗକୁ ଦୂରରେ ରଖିବାରେ ସକ୍ଷମ ହେବେ। ଏହି ଉଦ୍ଭିଦଗୁଡିକର ଡାଳରୁ ଆସୁଥିବା ଦୁର୍ଗନ୍ଧ ମଶା ଏବଂ କୀଟପତଙ୍ଗକୁ ଆସିବାକୁ ଦିଏ ନାହିଁ।
ପୋଦିନା:
ମଶା ଏବଂ ଅନ୍ୟାନ୍ୟ କୀଟମାନଙ୍କୁ ପାଖ ମଡେଇବାକୁ ଦିଏ ନାହିଁ। ଏହି ଉଦ୍ଭିଦର ସୁଗନ୍ଧ ମଶାମାନଙ୍କୁ ଘଉଡାଇବା ପାଇଁ କାମ କରେ।
ଲେମନ୍ଗ୍ରାସ୍:
ଲେମନ୍ଗ୍ରାସ୍ ସହଜରେ ବଢୁଥିବା ଏକ ଉଦ୍ଭିଦ, ଯାହା ଉଦ୍ୟାନର ସୌନ୍ଦର୍ଯ୍ୟ ବଢାଇବା ବ୍ୟତୀତ ମଶା ଏବଂ କୀଟପତଙ୍ଗକୁ ମଧ୍ୟ ଦୂରେଇ ରଖିଥାଏ। ଲେମନ୍ଗ୍ରାସ୍ରେ ସାଇଟ୍ରାଲ ନାମକ ଏକ ଯୌଗିକ ପଦାର୍ଥ ରହିଥାଏ, ଯାହା ମଶା ଏବଂ କୀଟପତଙ୍ଗକୁ ଘଉଡାଇଦିଏ।
