Health Tips: ନାକରୁ ପାଣି ବାହାରୁଥିଲେ ଆପଣାନ୍ତୁ ଏହି ଉପାୟ, ସାଙ୍ଗେ ସାଙ୍ଗେ ହୋଇଯିବ ବନ୍ଦ

ମୁହଁ ତଳେ ଥିବା ଟିସୁ ଫୁଲିଗଲେ ସାଇନସ୍ ସମସ୍ୟା ଆରମ୍ଭ ହୁଏ। ଏଥିରେ ମୁହଁର ଉପର ଅଂଶ, ଗାଲ ଏବଂ ନାକ ଭିତରେ ବାୟୁ ଭରିଯାଏ। ଏହାଦ୍ୱାରା ମୁହଁ ଯନ୍ତ୍ରଣା ହୁଏ। ଏଥିରେ ସବୁବେଳେ ନାକରୁ ପାଣି ବାହାରେ। ସାଧାରଣତଃ ଏହା ଥଣ୍ଡା କାରଣରୁ ହୋଇଥାଏ। କିନ୍ତୁ ଯଦି କେହି କ୍ରମାଗତ ଭାବରେ ଏହି ପ୍ରକାରର ସମସ୍ୟା ଭୋଗେ ତେବେ ଭୂତାଣୁ, ଜୀବାଣୁ ଏବଂ ଫଙ୍ଗସ୍ ମଧ୍ୟ ଏନେଇ ଦାୟୀ ହୋଇପାରନ୍ତି।

ଯଦି ଗ୍ରୀଷ୍ମ ସମୟରେ ସାଇନସ୍ କିମ୍ବା ନାକରୁ ପାଣି ବାହାରିବା ସମସ୍ୟା ଥାଏ, ତେବେ ଏହା ଥଣ୍ଡାଜନିତ ନୁହେଁ ବରଂ ଭୂତାଣୁ ବା ଜୀବାଣୁ କିମ୍ବା ଫଙ୍ଗସ୍ ଦ୍ୱାରା ହୋଇଥାଏ। ଏହି ସମସ୍ୟା ହେଲେ ପ୍ରାୟ ଆଧୁନିକ ଔଷଧ ଏହାକୁ ଭଲକରି ପାରେ ନାହିଁ। ଏହାକୁ କିନ୍ତୁ ଦୂର କରିବା ପାଇଁ ଘରୋଇ ଉପଚାର ଅତ୍ୟନ୍ତ ପ୍ରଭାବଶାଳୀ ହୋଇପାରେ।

ଅଧିକ ପଢ଼ନ୍ତୁ: ସବୁବେଳେ ଚାପଗ୍ରସ୍ତ ହେଉଛନ୍ତି କି… ଜାଣନ୍ତୁ ମୁକ୍ତି ପାଇବାର ୫ ଉପାୟ

ଆୟୁର୍ବେଦ ଅନୁସାରେ ନାକରୁ ପାଣି ବାହାରିବା କିମ୍ବା ସାଇନସ୍ ସମସ୍ୟା ପାଇଁ ତେଜପତ୍ର ରାମବାଣ ପରି କାମକରେ। ପ୍ରତ୍ୟେକ ରୋଷେଇ ଘରେ ତେଜପତ୍ର ସବୁବେଳେ ସହଜରେ ଉପଲବ୍ଧ ଏବଂ ଏଥିପାଇଁ ଅଧିକ ଟଙ୍କା ମଧ୍ୟ ଖର୍ଚ୍ଚ କରିବାର ଆବଶ୍ୟକତା ନାହିଁ।

ତେଜପତ୍ର ହେଉଛି ଅନେକ ଔଷଧିୟ ଗୁଣର ଉତ୍ସ। ଏଥିରେ ଭିଟାମିନ୍ ଏ, ଭିଟାମିନ୍ ସି, ଭିଟାମିନ୍ ବି ୬, କ୍ୟାଲ୍‌ସିୟମ୍, ଆଇରନ୍ ଏବଂ ମ୍ୟାଗ୍ନେସିୟମ୍ ଭଳି ଉପାଦାନ ଥାଏ। ଏହା ବ୍ୟତୀତ ଏହି ପତ୍ରରେ କପର୍, ରାଇବୋଫ୍ଲାଭିନ ଏବଂ ଜିଙ୍କ ମଧ୍ୟ ଥାଏ। ଅନେକ ପୋଷକ ତତ୍ତ୍ୱ କାରଣରୁ ତେଜପତ୍ର ଅନେକ ରୋଗର ଚିକିତ୍ସାରେ ବ୍ୟବହୃତ ହୁଏ।

ସାଇନସ୍ ଯନ୍ତ୍ରଣାରୁ ମୁକ୍ତି:

ତେଜପତ୍ରରେ ଆଣ୍ଟି-ଇନ୍‌ଫ୍ଲାମେଟୋରୀ ଗୁଣ ଥିବାରୁ ଏହା ନାକ ତଳେ ସୃଷ୍ଟି ହେଉଥିବା ଫୁଲାକୁ ଦୂର କରିଥାଏ। ଫଳରେ ନାକରୁ ବୋହୁଥିବା ପାଣି ସାଙ୍ଗେ ସାଙ୍ଗେ ବନ୍ଦ ହୋଇଯାଏ। ଅତଏବ, ଏହି ପତ୍ର ଶୀଘ୍ର ନାକ ପ୍ରବାହିତ ସମସ୍ୟାକୁ ଭଲ କରିପାରେ। ଏହାର ଅନେକ ସୁଗନ୍ଧିତ ଗୁଣ ଅଛି ଯାହା ସାଇନସ୍ ସମସ୍ୟାରୁ ମୁକ୍ତି ଦେଇଥାଏ।

ଏହା ନାକରେ ଥିବା ସମସ୍ତ ପ୍ରକାରର ସମସ୍ୟାକୁ ମଧ୍ୟ ଦୂର କରିଥାଏ। ତେଜପତ୍ରର ଅନ୍ୟାନ୍ୟ ଅନେକ ଉପକାର ମଧ୍ୟ ଅଛି। ଅଧ୍ୟୟନରେ ଦର୍ଶାଯାଇଛି ଯେ ମଧୁମେହ ରୋଗୀଙ୍କ ପାଇଁ ତେଜପତ୍ର ମଧ୍ୟ ଅତ୍ୟନ୍ତ ପ୍ରଭାବଶାଳୀ। ଏହା ରକ୍ତରେ ଶର୍କରା ସ୍ତରକୁ ହ୍ରାସ କରିବାରେ ସାହାଯ୍ୟ କରେ।

ଏହା ସହିତ ଶରୀରରେ ବଢିଯାଉଥିବା ଖରାପ କୋଲେଷ୍ଟ୍ରଲକୁ ମଧ୍ୟ ହ୍ରାସ କରିଥାଏ। ତେଜପତ୍ରରେ ଥିବା ଆଣ୍ଟି-ଅକ୍ସିଡାଣ୍ଟ ଗୁଣ ଏହି ସମସ୍ୟାକୁ ଦୂରକରେ। ଏଥିରେ କେଫିକ୍ ନାମକ ଏକ ଅର୍ଗାନିନ୍ କମ୍ପାଉଣ୍ଡ୍ ମିଳିଥାଏ, ଯାହା ହୃଦୟ ପାଇଁ ଭଲ ବୋଲି ବିବେଚନା କରାଯାଏ।

ଅଧିକ ପଢ଼ନ୍ତୁ: ଭୃସଙ୍ଗ ପତ୍ର ବ୍ୟବହାର କରି ତିଆରି କରନ୍ତୁ ସ୍ୱତନ୍ତ୍ର ତେଲ; ଚୁଟି ହେବ କଳା-ମୋଟା

ରୋଗ ପ୍ରତିରୋଧକ ଶକ୍ତି ବଢାଏ:

ତେଜପତ୍ରରେ ଭିଟାମିନ୍ C ଥାଏ ଯାହା ରୋଗ ପ୍ରତିରୋଧକ ଶକ୍ତି ବଢାଇଥାଏ। ତେଜପତ୍ରରେ ଭିଟାମିନ୍ A ଓ B6  ମଧ୍ୟ ଥାଏ। ଏହି ସମସ୍ତ ଭିଟାମିନ୍ ରୋଗ ପ୍ରତିରୋଧକ ଶକ୍ତି ବଢାଇଥାନ୍ତି। ତେଜପତ୍ର ମଧ୍ୟ ପେଟ ସମ୍ବନ୍ଧୀୟ ସମସ୍ୟାରୁ ମୁକ୍ତି ଦେଇଥାଏ।

କିପରି କରିବେ ବ୍ୟବହାର:

ଆପଣ ତେଜପତ୍ର ପକାଇ ହର୍ବାଲ୍ ଚା’ ତିଆରି କରି ପିଇପାରିବେ କିମ୍ବା ଆପଣ ଏହାକୁ ଚା’ରେ ମିଶାଇ ପିଇପାରିବେ। ଅନ୍ୟପକ୍ଷରେ ତେଜପତ୍ରକୁ ପାଣିରେ ପକେଇ ଏହାକୁ ଫୁଟାନ୍ତୁ ଏବଂ ପରେ ଏହାକୁ ଛାଣିକି ପିଇପାରିବେ। ଯଦି ଆପଣ ଏଥିରେ ମହୁ ମିଶାନ୍ତି ତେବେ ଏହା ଅଧିକ ଲାଭଦାୟକ ହେବ। ନଚେତ ଏହାକୁ ସାଧା ମଧ୍ୟ ପିଇ ପାରିବେ।