LIVE TV
ହଳାସନ ଯୋଗ ହେଉଛି ସେହି ଯୋଗ ଅଭ୍ୟାସ ମଧ୍ୟରୁ ଗୋଟିଏ, ଯାହାର ନିୟମିତ ଅଭ୍ୟାସ ଆପଣଙ୍କୁ ଅନେକ ପ୍ରକାରର ସ୍ୱାସ୍ଥ୍ୟ ସମସ୍ୟାରୁ ସୁରକ୍ଷା ଦେଇପାରେ। ହଳାସନ ହେଉଛି ଏକ କ୍ଲାସିକ୍ ଯୋଗାସନ। ଏହି ଆସନରେ ଶରୀରର ସ୍ଥିତିକୁ ହଳ ପରି କରାଯାଏ। ଉଭୟ ଶାରୀରିକ ଏବଂ ମାନସିକ ସ୍ୱାସ୍ଥ୍ୟକୁ ବଜାୟ ରଖିବା ପାଇଁ ଏହି ଆସନ ଅଭ୍ୟାସ କରାଯାଏ।
ଏହା ସହିତ ରକ୍ତଚାପର ଉନ୍ନତି, ରକ୍ତରେ ଶର୍କରା ସ୍ତରର ନିୟନ୍ତ୍ରଣ ବଜାୟ ରଖିବା ଏବଂ ଶାରୀରିକ ସୁସ୍ଥତାକୁ ବଢେଇବା ନେଇ ଏହି ଆସନ ଅତ୍ୟନ୍ତ ଉପକାରୀ। ସମସ୍ତ ବୟସର ଲୋକମାନେ ଏହାକୁ ସେମାନଙ୍କର ଦକ୍ଷତା ଅନୁଯାୟୀ ଅଭ୍ୟାସ କରିବା ଜରୁରୀ।
ଯୋଗ ବିଶେଷଜ୍ଞଙ୍କ ଅନୁଯାୟୀ, ଯେଉଁମାନଙ୍କ ବେକ, କାନ୍ଧ ଏବଂ ଅଣ୍ଟା ଭଳି ଅଙ୍ଗରେ ସମସ୍ୟା ଥାଏ ସେମାନଙ୍କ ପାଇଁ ଏହି ଆସନ ନିୟମିତ ଅଭ୍ୟାସ ଅତ୍ୟନ୍ତ ଲାଭଦାୟକ ହୋଇପାରେ। ହଳାସନ ହଜମ ପ୍ରକ୍ରିୟାକୁ ମଧ୍ୟ ବଢେଇ ଦେଇଥାଏ, ଯାହା କୋଷ୍ଠକାଠିନ୍ୟରେ ପୀଡିତ ଲୋକମାନଙ୍କ ପାଇଁ ଅତ୍ୟନ୍ତ ଉପଯୋଗୀ ହୋଇଥାଏ।
କିପରି କରିବେ ହଳାସନ:
- ଏହି ଆସନ ଅପେକ୍ଷାକୃତ କଷ୍ଟସାଧ୍ୟ ହୋଇପାରେ, ତେଣୁ ଏହାକୁ ଦକ୍ଷ ଯୋଗ ପ୍ରଶିକ୍ଷକଙ୍କ ସାହାଯ୍ୟରେ କରିବା ଉଚିତ।
- ଏହି ଯୋଗ କରିବା ପାଇଁ, ପିଠି ଉପରେ ଶୋଇପଡନ୍ତୁ
- ଗୋଡକୁ ଉପରକୁ ଉଠାଇ ମୁଣ୍ଡର ପଛ ପାଖକୁ ନିଅନ୍ତୁ
- ହାତ ଓ ଅଣ୍ଟାକୁ ସିଧା ଭୂମିରେ ରଖନ୍ତୁ
- ଏହି ଅବସ୍ଥାରେ କିଛି ସମୟ ରୁହନ୍ତୁ
- ପରେ ଧୀରେ ଧୀରେ ଶ୍ୱାସ ଛାଡି ସାଧାରଣ ସ୍ଥିତିକୁ ଫେରନ୍ତୁ
ପେଟ ସମସ୍ୟା ଦୂର:
ପେଟ ସମ୍ବନ୍ଧୀୟ ସମସ୍ତ ସମସ୍ୟା ଯେପରି କୋଷ୍ଠକାଠିନ୍ୟ, ଅଜିର୍ଣ୍ଣ ଇତ୍ୟାଦି ହ୍ରାସ କରିବାରେ ଏହା ଆପଣଙ୍କ ପାଇଁ ଏକ ଲାଭଦାୟକ ଆସନ ଭାବରେ ବିବେଚନା କରାଯାଏ। ଜଙ୍କ୍ ଫୁଡ୍ ଏବଂ ଅନୁଚିତ ଖାଦ୍ୟ ଖାଇବା ଦ୍ୱାରା ହଜମ ପ୍ରକ୍ରିୟା ବ୍ୟାହତ ହୁଏ। ତେଣୁ ଏହି ଆସନ ଅଭ୍ୟାସ ଆପଣଙ୍କ ପାଇଁ ଅତ୍ୟନ୍ତ ଲାଭଦାୟକ ହୋଇପାରେ।
ମଧୁମେହ ରୋଗୀଙ୍କ ପାଇଁ ଉପକାରୀ:
ହଳାସନ ମଧୁମେହକୁ ମଧ୍ୟ ନିୟନ୍ତ୍ରଣ କରେ। ଏହା ରକ୍ତରେ ଶର୍କରା ଉତ୍ପାଦନକୁ ସୀମିତ କରି ସୁଗାର ସ୍ତରକୁ ପରିଚାଳନା କରେ। ନିୟମିତ ଏହି ଆସନ ଅଭ୍ୟାସ କରି ଆପଣ ଅନେକ ପ୍ରକାରର ସ୍ୱାସ୍ଥ୍ୟ ଉପକାର ପାଇପାରିବେ।
