LIVE TV
ଛତୁ ଭଲ କରିବ କ୍ୟାନସର। ଗୋଆ ବିଶ୍ୱବିଦ୍ୟାଳୟର ଅନୁସନ୍ଧାନକାରୀମାନେ ଛତୁରୁ କର୍କଟ ରୋଗକୁ ଭଲ କରି ପାରିବା ଭଳି ଏକପ୍ରକାର ଔଷଧ ଆବିଷ୍କାର କରିଛନ୍ତି। ଛତୁରୁ ସୁନାର ନାନୋ ପାର୍ଟିକିଲ୍ ଉତ୍ପାଦନ ପାଇଁ ଗବେଷଣା ଚାଲିଥିବା ବେଳେ ଏଥିରେ ସଫଳତା ମିଳିଛି । ଯାହାକି କ୍ୟାନସର ଭଳି ରୋଗର ଉପଚାର କରିପାରିବ।
Also Read
ସାଧାରଣତଃ ସୁନା ନାନୋ ପାର୍ଟିକିଲ୍ ଆଣ୍ଟି କ୍ୟାନସର ଡ୍ରଗ ଭାବେ ବ୍ୟବହୃତ ହୁଏ। ବର୍ତ୍ତମାନ ଏହାକୁ ଖୁବ କମ୍ କମ୍ପାନୀ ଉତ୍ପାଦନ କରୁଛି। ଏଥିପାଇଁ ବିଦେଶ ଉପରେ ଆମକୁ ନିର୍ଭର କରିବାକୁ ପଡୁଛି। ଏପରିସ୍ଥଳେ ଗୋଆ ବିଶ୍ୱବିଦ୍ୟାଳୟର ବୈଜ୍ଞାନିକମାନେ ଏହାକୁ ଉତ୍ପାଦନ କରିବା ପାଇଁ ଏକ ପ୍ରଣାଳୀ ଖୋଜି ବାହାର କରିଛନ୍ତି। ସୁଜାତା ଡାବୋଲକର ଏବଂ ବୈଜ୍ଞାନିକ ନନ୍ଦକୁମାର କାମାଟ ଏହି ଆବିଷ୍କାର କରିଛନ୍ତି। ଯାହାକି ନାନୋ ପାର୍ଟିକିଲ୍ କ୍ଷେତ୍ରରେ ବୈପ୍ଳବିକ ପରିବର୍ତ୍ତନ ଆଣିବା ସହ ଭାରତର ଆତ୍ମନିର୍ଭରଶୀଳତାକୁ ବୃଦ୍ଧି କରିବ।
ଏହି ଆବିଷ୍କାର ବିଶ୍ୱରେ ପ୍ରଥମ ବୋଲି ବୈଜ୍ଞାନିକ ନନ୍ଦକୁମାର କାମାଟ କହିଛନ୍ତି। ବର୍ତ୍ତମାନ ନାନୋ ପାର୍ଟିକିଲ୍ ବ୍ୟବସାୟ ପାଇଁ ୪୫୦ମିଲିୟନ ଡଲାର ଖର୍ଚ୍ଚ ହେଉଛି। ଏହାକୁ ବିଦେଶରୁ ଆମଦାନୀ କରୁଛି ଭାରତ । ମାତ୍ର ଏଯାବତ କେହି ମଧ୍ୟ ଏହାକୁ ଖାଦ୍ୟ ଉପଯୋଗୀ କରିପାରିନାହାନ୍ତି। ଏହା ବିଷାକ୍ତ ବୋଲି ସମସ୍ତେ ଜାଣନ୍ତି। ମାତ୍ର ଏବେ ଏହି ପ୍ରଣାଳୀରେ ଉତ୍ପାଦନ ହେବାକୁ ଥିବା ନାନୋ ପାର୍ଟିକିଲ୍ ବ୍ୟବହାର ଯୁକ୍ତ। ବୈଜ୍ଞାନିକଙ୍କ ସୂଚନା ଅନୁସାରେ, ୧୦୪ଟି ଛତୁ ପ୍ରଜାତିରୁ ୩୫ଟି ପ୍ରଜାତି ଗୋଆରେ ଅଛି।
ବିଶେଷତଃ ଚିକିତ୍ସା କ୍ଷେତ୍ରରେ ସୁନା ନାନୋ ପାର୍ଟିକଲ୍ସର ଚାହିଦା ବୃଦ୍ଧି ପାଇବାରେ ଲାଗିଛି। ଜିଓମିକ୍ରୋବିଓଲୋଜି ଜର୍ଣ୍ଣାଲରେ ପ୍ରକାଶିତ ଏହି ଟିମର ଅନୁସନ୍ଧାନରେ ସ୍ୱଦେଶୀ ପଦ୍ଧତି ମାଧ୍ୟମରେ ଏହି ଶିଳ୍ପ ଅଗ୍ରଣୀ ହେବାର ସମ୍ଭାବନା ରହିଛି। ପରବର୍ତ୍ତୀ ପଦକ୍ଷେପଗୁଡିକ ଉତ୍ପାଦନ ଆରମ୍ଭ କରିବା ପାଇଁ ଷ୍ଟାର୍ଟଅପ୍ ଏବଂ ହିତାଧିକାରୀମାନଙ୍କ ସହିତ ଜଡିତ ହେବା ସହିତ ସୁନା ନାନୋ ପାର୍ଟିକଲ୍ ଉତ୍ପାଦନ ଏକ ନୂତନ ଇକୋସିଷ୍ଟମ୍ ସୃଷ୍ଟି କରିବାକୁ ଲକ୍ଷ୍ୟ ରଖିଛି। ଯାହାକି ଉଭୟ ଆର୍ଥିକ ଦୃଷ୍ଟିରୁ ସକ୍ଷମ ଏବଂ ପରିବେଶ ସ୍ଥାୟୀ ।
ଗୋଆ ବିଶ୍ୱବିଦ୍ୟାଳୟର ବୈଜ୍ଞାନିକଙ୍କ ଦ୍ୱାରା ହୋଇଥିବା ଏହି ଆବିଷ୍କାର ଭାରତକୁ ନାନୋ ପାର୍ଟିକଲ ଶିଳ୍ପରେ କେବଳ ଗୁରୁତ୍ୱପୂର୍ଣ୍ଣ ସ୍ଥାନ ଦେବ ତାହା ନୁହେଁ, ଏହା ବୈଷୟିକ ପ୍ରଗତି ପାଇଁ ସ୍ଥାନୀୟ ଜୈବବିବିଧତାକୁ ଉପଯୋଗ କରିବାରେ ସାହାଯ୍ୟ କରିବ।
