LIVE TV
ହିନ୍ଦୀରେ ଏକ କଥା ଅଛି, “ଆଙ୍ଖ୍ ମେ ଅଞ୍ଜନ୍, ଦାନ୍ତ ମେ ମଞ୍ଜନ୍”। ଅର୍ଥାତ୍ ପ୍ରତିଦିନ ଆଖିରେ କଜଳ ଲଗାଇବା ଏବଂ ଦାନ୍ତ ଘଷିବା ଉଚିତ। ଦାନ୍ତ ସଫା କରିବା ଏବଂ ପାଟିର ସ୍ୱଚ୍ଛତା ସ୍ୱାସ୍ଥ୍ୟର ଏକ ଗୁରୁତ୍ୱପୂର୍ଣ୍ଣ ଅଂଶ ହୋଇଥାଏ, ଯାହା ଆପଣଙ୍କୁ ସୁସ୍ଥ ରଖେ।
କିନ୍ତୁ ଯଦି ଆପଣ ଭାବୁଥିବେ ଯେ ଦାନ୍ତ ସଫା କରିବା କେବଳ ପାଟିର ସ୍ୱଚ୍ଛତା ସହିତ ଜଡିତ, ତେବେ ଆପଣଙ୍କୁ ଏହି ଖବର ପଢିବାକୁ ପଡିବ। ବିଶେଷଜ୍ଞଙ୍କ ମତରେ ପାଟିର ପରିଷ୍କାର ଆପଣଙ୍କ ହୃଦୟ ସ୍ୱାସ୍ଥ୍ୟ ସହିତ ସିଧାସଳଖ ଜଡିତ ଅଛି।
Also Read
ବିଶେଷଜ୍ଞଙ୍କ ଅନୁଯାୟୀ, ରାତିରେ ଶୋଇବା ପୂର୍ବରୁ ବ୍ରଶ୍ କରିବା କେବଳ ଦାନ୍ତ ସଫା କରିବା ପାଇଁ ନୁହେଁ ବରଂ ଆମ ହୃଦୟକୁ ସୁସ୍ଥ ରଖିବା ପାଇଁ ମଧ୍ୟ ଗୁରୁତ୍ୱପୂର୍ଣ୍ଣ ହୋଇଥାଏ। ଏହାର ଅର୍ଥ, ଯଦି ଆପଣ ଦାନ୍ତ ସଫା କରୁନାହାଁନ୍ତି ତେବେ ଆପଣ ନିଜ ହୃଦୟ ପାଇଁ ବିପଦ ସୃଷ୍ଟି କରୁଛନ୍ତି।
ଅଧିକ ପଢ଼ନ୍ତୁ: କିପରି ଜାଣିବେ ସ୍ତନ କର୍କଟର ପ୍ରାରମ୍ଭିକ ଲକ୍ଷଣ; କେଉଁମାନଙ୍କ ପାଇଁ ହୁଏ ସାଙ୍ଘାତିକ…
ଖରାପ ଖରାପ ଦାନ୍ତ-ଖରାପ ହୃଦୟ:
ବିଶେଷଜ୍ଞଙ୍କ ମତରେ ପାଟିରେ ଥିବା ଜୀବାଣୁ ରକ୍ତ ପ୍ରବାହରେ ଭିତରକୁ ପ୍ରବେଶ କରନ୍ତି, ଯାହା ଶରୀରରେ ପ୍ରଦାହ ସୃଷ୍ଟି କରିପାରେ ଏବଂ ସମୟ ସହିତ ଏହା ହୃଦୟକୁ ପ୍ରଭାବିତ କରିଥାଏ। ଏହା ବ୍ୟତୀତ ମାଢି ସମସ୍ୟା ରୋଗ ହୃଦ୍ରୋଗ ସହିତ ଜଡିତ।
ଯଦି ଆପଣ ଦାନ୍ତ ସଫା କରିବାରେ ଯତ୍ନ ନ ନିଅନ୍ତି, ତେବେ ଏହା ମାଢି ରୋଗର କାରଣ ହୋଇପାରେ, ଯାହା ହୃଦୟ ସମ୍ବନ୍ଧୀୟ ସମସ୍ୟାର ଆଶଙ୍କାକୁ ବଢାଇଥାଏ। ଅନୁସନ୍ଧାନରୁ ଜଣାପଡିଛି ଯେ ଯେଉଁମାନେ ନିୟମିତ ଭାବରେ ଦାନ୍ତ ଘଷନ୍ତି ଏବଂ ଦାନ୍ତ ଯାଞ୍ଚ କରନ୍ତି, ସେମାନଙ୍କ ହୃଦଘାତ ହେବାର ଆଶଙ୍କା କମ୍ ଥାଏ।
ରାତିରେ ବ୍ରଶ କରିବା କାହିଁକି ଜରୁରୀ:
ସକାଳୁ ଉଠିବା ପରେ ଦାନ୍ତ ଘଷିବା ପ୍ରାୟତଃ ଲୋକଙ୍କ ଦୈନନ୍ଦିନ ଅଭ୍ୟାସ। କିନ୍ତୁ ଅନେକ ରାତିରେ ଦାନ୍ତ ଘଷିବା ଉପରେ ଧ୍ୟାନ ଦିଅନ୍ତି ନାହିଁ। ଏହା ମଧ୍ୟ ଅତ୍ୟନ୍ତ ଗୁରୁତ୍ୱପୂର୍ଣ୍ଣ। ରାତିରେ ଘଷିବା ଦ୍ୱାରା ଦାନ୍ତ ଓ ମାଧି ସୁସ୍ଥ ରହିଥାଏ ଏବଂ ହୃଦଘାତରୁ ମଧ୍ୟ ରକ୍ଷା ମିଳିଥାଏ।
ଏହା ଏକ ଅତି ସରଳ ଆଉ ପ୍ରଭାବଶାଳୀ ଉପାୟ ଯାହା ଦ୍ୱାରା ଆପଣ ନିଜ ହୃଦୟକୁ ସୁସ୍ଥ ରଖିପାରିବେ ଏବଂ ଗୁରୁତର ରୋଗରୁ ରକ୍ଷା ପାଇପାରିବେ। ତେଣୁ, ଯେତେବେଳେ ଆପଣ ଶୋଇବାକୁ ଯାଉଛନ୍ତି, ନିଶ୍ଚିତ କରନ୍ତୁ ଯେ ଦାନ୍ତକୁ ଭଲ ଭାବରେ ବ୍ରଶ୍ କରିବେ।
ଅଧିକ ପଢ଼ନ୍ତୁ: ମହିଳାମାନଙ୍କଠାରେ ହେଉଥିବା ୫ କ୍ୟାନ୍ସର୍; କରନ୍ତୁ ଏହି ୩ ଯୋଗ, ମିଳିବ ରକ୍ଷା
