LIVE TV
ଭାରତରେ ବୟସ୍କମାନଙ୍କ ଉପରେ ଯକ୍ଷ୍ମା ଟିକା MTBVACର କ୍ଲିନିକାଲ୍ ପରୀକ୍ଷଣ ଆରମ୍ଭ ହୋଇଛି। ସ୍ପେନର ବାୟୋଫାର୍ମାସ୍ୟୁଟିକାଲ୍ କମ୍ପାନୀ ବାୟୋଫାବ୍ରି ଦ୍ୱାରା ମାନବ ଉତ୍ସରୁ ମିଳିଥିବା ଯକ୍ଷ୍ମା ବିରୁଦ୍ଧରେ ଏହା ପ୍ରଥମ ଟିକା ହେବ। ଭରତ ବାୟୋଟେକ ଇଣ୍ଟରନ୍ୟାସନାଲ ଲିମିଟେଡ ଏନେଇ ସୂଚନା ଦେଇଛି।
ବିଜ୍ଞପ୍ତିରେ କୁହାଯାଇଛି, MTBVACକୁ ଦୁଇଟି ଉଦ୍ଦେଶ୍ୟ ପୂରଣ ପାଇଁ ବିକଶିତ କରାଯାଉଛି। ପ୍ରଥମଟି ନବଜାତ ଶିଶୁମାନଙ୍କ ପାଇଁ BCG (Bacillus Calmette Guerin) ଅପେକ୍ଷା ଅଧିକ ପ୍ରଭାବଶାଳୀ ଏବଂ ଦୀର୍ଘସ୍ଥାୟୀ ଟିକା ହେବ। ଅନ୍ୟପକ୍ଷରେ, ଏହା ବୟସ୍କ ଏବଂ କିଶୋରମାନଙ୍କଠାରେ ଯକ୍ଷ୍ମାକୁ ରୋକିବା ପାଇଁ ସହାୟକ ହେବ।ତେବେ ବୟସ୍କ କିମ୍ୱା ଯୁବବର୍ଗଙ୍କ ପାଇଁ ବର୍ତ୍ତମାନ ସୁଦ୍ଧା କୌଣସି ପ୍ରଭାବଶାଳୀ ଟିକା ପ୍ରସ୍ତୁତ କରାଯାଇ ନାହିଁ।
Also Read
ବାୟୋଫାବ୍ରି ସହଯୋଗରେ ଭାରତ ବାୟୋଟେକ୍ ଦ୍ୱାରା ଏହି ପରୀକ୍ଷଣ କରାଯାଇଛି। MTBVACର ନିରାପତ୍ତା ଏବଂ ପ୍ରତିରୋପଣର ମୂଲ୍ୟାଙ୍କନ ପାଇଁ ପରୀକ୍ଷା ଏକ ପ୍ରମୁଖ ସୁରକ୍ଷା, ପ୍ରତିରୋପଣ ଏବଂ କାର୍ଯ୍ୟକ୍ଷମତା ପରୀକ୍ଷା ସହିତ ଆରମ୍ଭ ହୋଇଛି । ଏହାକୁ ୨୦୨୫ ସୁଦ୍ଧା ଆରମ୍ଭ କରିବାକୁ ଯୋଜନା କରାଯାଇଛି।
ବର୍ତ୍ତମାନ ବିଶ୍ୱରେ ୨୮ପ୍ରତିଶତ ଲୋକ ଯକ୍ଷ୍ମାରେ ପୀଡିତ। ଏପରି କ୍ଷେତ୍ରରେ ଦେଶର ବୟସ୍କ ଏବଂ କିଶୋରମାନଙ୍କ ମଧ୍ୟରେ ପରୀକ୍ଷା ପାଇଁ ଏହା ଏକ ପ୍ରମୁଖ ପଦକ୍ଷେପ। ବାୟୋଫାବ୍ରିର ସିଇଓ ଏଷ୍ଟବେନ୍ ରୋଡ୍ରିଗେଜ୍ କହିଛନ୍ତି ଯେ, ବିଶ୍ୱରେ ବିଶେଷ କରି ଭାରତରେ ଯକ୍ଷ୍ମା ମୃତ୍ୟୁର ପ୍ରମୁଖ କାରଣ ।
ଭାରତ ବାୟୋଟେକର କାର୍ଯ୍ୟକାରୀ ଅଧ୍ୟକ୍ଷ କୃଷ୍ଣା ଏଲା କହିଛନ୍ତି, ‘’ଭାରତରେ କ୍ଲିନିକାଲ ପରୀକ୍ଷା ସମାପ୍ତ ହେବା ସହିତ ଯକ୍ଷ୍ମା ବିରୋଧରେ ଅଧିକ ପ୍ରଭାବଶାଳୀ ଟିକା ପ୍ରସ୍ତୁତ ପାଇଁ ଆମର ଅନୁସନ୍ଧାନ ଆଜି ସଫଳ ହୋଇଛି। ବୟସ୍କ ଏବଂ କିଶୋରମାନଙ୍କଠାରେ ଏହି ରୋଗକୁ ରୋକିବା ପାଇଁ ଯକ୍ଷ୍ମା ଟିକା ବିକଶିତ କରିବାର ଆମର ଲକ୍ଷ୍ୟ ଆଜି ଏକ ପ୍ରମୁଖ ପଦକ୍ଷେପ ନେଇଛି। ”
