କମ୍ ଖର୍ଚ୍ଚରେ ବନାନ୍ତୁ ଅଟାରେ ତିଆରି ଏହି ମିଠା ରେସିପି

ଆମେ ଘରେ ବିଭିନ୍ନ ପ୍ରକାରର ମିଠାର ରେସିପି ତିଆରି କରିଥାଉ । ଆଜି ବହୁତ କମ୍ ଖର୍ଚ୍ଚ ଓ କମ୍ ସମୟରେ ଅଟାର ରେସିପି ପ୍ରସ୍ତୁତ କରିବୁ । ତେବେ ଚାଲନ୍ତୁ ଜାଣିବା ‘ଅଟା ରସା’ କିଭଳି ପ୍ରସ୍ତୁତ କରାଯାଏ ।

'ଅଟା ରସା' ବନେଇବା ପାଇଁ ଆବଶ୍ୟକ ସାମଗ୍ରୀ:

ଅଟା,କ୍ଷୀର,ଚିନି,ଗୁଆଘିଅ,ଗୁଜୁରାତି ଗୁଣ୍ଡ ଓ ଲେମ୍ବୁରସ

ପ୍ରସ୍ତୁତି ପ୍ରଣାଳୀ:

• ପ୍ରଥମେ ଚିନିରେ ଗୁଜୁରାତି ଗୁଣ୍ଡ ଓ ଲେମ୍ବୁରସ ମିଶାଇ ଶିରା ପ୍ରସ୍ତୁତ କରି ରଖନ୍ତୁ।
• ଏବେ କଡ଼େଇ ଗରମ କରି ଅଟାକୁ ହାଲକା ଭାଜି ଦିଅନ୍ତୁ।
• ଏହାପରେ ଏକ ପ୍ୟାନ୍‌ରେ କ୍ଷୀରକୁ ଫୁଟାଇ ସେଥିରେ ଗୁଜୁରାତି ଗୁଣ୍ଡ ଓ ଗୁଆଘିଅ ପକାଇ ଭଲ ଭାବେ ଗୋଳାଇ ଦିଅନ୍ତୁ।
• ଏହାପରେ ସେଥିରେ ଭଜା ଅଟାକୁ ପକାଇ ଜନ୍ତି ଦିଅନ୍ତୁ।
• ଏବେ ଏହି ଅଟା ଜନ୍ତୁଣିକୁ ଗୋଲ ଗୋଲ ପିଠା ଆକାରର କରି ଗଢ଼ି ରଖନ୍ତୁ।
• ଏହାପରେ କଡ଼େଇରେ ତେଲ ଗରମ କରି ଏହି ଅଟା ଗୁଳାଗୁଡ଼ିକୁ ଛାଣି ଦିଅନ୍ତୁ।
• ହାଲକା ଲାଲ୍‌ ହୋଇଆସିଲେ ଏଗୁଡ଼ିକୁ କାଢ଼ି ପୂର୍ବରୁ ପ୍ରସ୍ତୁତ ଥିବା ଚିନି ଶିରାରେ ପକାଇ ଦିଅନ୍ତୁ।
• ୧୫ ରୁ ୨୦ ମିନିଟ୍‌ ପର୍ଯ୍ୟନ୍ତୁ ଏହାକୁ ଛାଡି ଦିଅନ୍ତୁ ।

ଏବେ ପ୍ରସ୍ତୁତ ହୋଇଗଲା ସୁଆଦିଆ ‘ଅଟା ରସା’। ଏହି ମିଠାର ରେସିପିକୁ ଏକ ପ୍ଲଟ୍ ରେ କାଢି ପରଷନ୍ତୁ । ଏହି ମିଠାର ରେସିପିକୁ ଆପଣ ଫ୍ରିଜ୍ ରେ ବହୁଦିନ ଧରି ରଖି ଖାଇପାରିବେ । ଏହି ରେସିପିଟିକୁ ଘରେ ବନେଇ ନିଜେ ଖାଆନ୍ତୁ ଓ ଘର ଲୋକଙ୍କୁ ପରଷନ୍ତୁ ।