World Poetry Day 2024: ଇଣ୍ଟର୍‌ନେଟ୍‌ ଯୁଗରେ ବି ଏକ ସୁନ୍ଦର କବିତା କଠୋର ହୃଦୟକୁ ତରଳେଇଦିଏ

ପ୍ରତିବର୍ଷ ୨୧ ମାର୍ଚ୍ଚରେ ‘ବିଶ୍ୱ କବିତା ଦିବସ’ ପାଳନ କରାଯାଏ। କବିତା ହୃଦୟର ସବୁଠାରୁ ନିକଟତମ ଅଂଶ। ଆମେ ଯେତେବେଳେ କୌଣସି କଥାକୁ ଅନେକ ପୃଷ୍ଠାରେ ବି ପ୍ରକାଶ କରିପାରିବୁ ନାହିଁ, କବିତାର ଗୋଟିଏ ଧାଡିରେ ଏହାକୁ କହିଦେଇ ପାରୁ। ଇତିହାସ ଏହାର ସାକ୍ଷୀ ଯେ କବିତାରେ କ୍ଷମତାର ଶକ୍ତି ମଧ୍ୟ ଦୋହଲିଯାଏ ଏବଂ ହୃଦୟ ମଧ୍ୟ ତରଳିଯାଏ।

ଯଦିଓ ଆଜିର ଯାନ୍ତ୍ରିକ ଯୁଗ ଇଣ୍ଟର୍‌ନେଟ୍‌ର କବ୍‌ଜାକୁ ଆସିଆଯାଇଛି, ତଥାପି ଏକ ସୁନ୍ଦର କବିତା ସମସ୍ତଙ୍କ ଆତ୍ମାକୁ ସ୍ପର୍ଶ କରେ। ତେବେ ଆସନ୍ତୁ ଜାଣିବା ଶବ୍ଦର ସୌନ୍ଦର୍ଯ୍ୟ ଏବଂ ଶକ୍ତି ବିଷୟରେ।

ଇତିହାସ:

‘ବିଶ୍ୱ କବିତା ଦିବସ’ ୟୁନେସ୍କୋ (ମିଳିତ ଜାତିସଂଘର ଶୈକ୍ଷିକ, ବୈଜ୍ଞାନିକ ଏବଂ ସାଂସ୍କୃତିକ ସଂଗଠନ) ଦ୍ୱାରା ପ୍ରତିଷ୍ଠିତ ହୋଇଥିଲା। ଏହାର ଉଦ୍ଦେଶ୍ୟ ହେଉଛି କବି ଏବଂ ସେମାନଙ୍କର ସୃଷ୍ଟିକୁ ସମ୍ମାନ ଦେବା। ୧୯୯୯ ମସିହାରେ, ପ୍ୟାରିସ୍‌ରେ ୟୁନେସ୍କୋର ୩୦ ତମ ଅଧିବେଶନରେ ନିଷ୍ପତ୍ତି ନିଆଯାଇଥିଲା ଯେ ମାର୍ଚ୍ଚ ୨୧କୁ ‘ବିଶ୍ୱ କବିତା ଦିବସ’ ଭାବରେ ପାଳନ କରାଯିବ। ଏହା ପରେ ଏହି ଘୋଷଣା କରାଯାଇଥିଲା।

ସେବେଠାରୁ ଆଜି ପର୍ଯ୍ୟନ୍ତ, ପ୍ରତିବର୍ଷ ମାର୍ଚ୍ଚ ୨୧ କୁ ‘ବିଶ୍ୱ କବିତା ଦିବସ’ ଭାବେ ପାଳନ କରାଯାଏ। ‘ବିଶ୍ୱ କବିତା ଦିବସ’ ଅବସରରେ ସଂସ୍କୃତି ମନ୍ତ୍ରଣାଳୟ ଏବଂ ସାହିତ୍ୟ ଏକାଡେମୀ ସହଯୋଗରେ ଭାରତ ସରକାରଙ୍କ ଦ୍ୱାରା ‘ବିଶ୍ୱ କବିତା ଦିବସ’ ଆୟୋଜିତ ହୋଇଥାଏ।

କୁହାଯାଏ ଯେ ‘ସାହିତ୍ୟ ହେଉଛି ସମାଜର ଦର୍ପଣ’। କବିତା ପ୍ରାଚୀନ କାଳରୁ ରହିଆସିଛି ଏବଂ ଆଜି ମଧ୍ୟ ଆମ ଜୀବନରେ ଏହାର ସମାନ ପ୍ରାସଙ୍ଗିକତା ଅଛି। ୟୁନେସ୍କୋ ସମର୍ଥନ କରେ ଯେ କବିତା ମାଧ୍ୟମରେ ହିଁ ଲୁପ୍ତ ହେଉଥିବା ଆଞ୍ଚଳିକ ଭାଷା ଏବଂ ଉପଭାଷାକୁ ରକ୍ଷା କରାଯାଇପାରିବ।

ଥିମ୍:

ପ୍ରତିବର୍ଷ ‘ବିଶ୍ୱ କବିତା ଦିବସ’ କୁ ଏକ ନିର୍ଦ୍ଦିଷ୍ଟ ଥିମ୍ ଆଧାରରେ ପାଳନ କରାଯାଏ। ଏହି ବର୍ଷ ‘ବିଶ୍ୱ କବିତା ଦିବସ’ର ଥିମ୍ ହେଉଛି “ଷ୍ଟାଣ୍ଡିଂ ଅନ୍ ଦ ସୋଲଡର୍ ଅଫ୍ ଜଏଣ୍ଟ୍ସ”।

ମହତ୍ତ୍ୱ:

• ‘ବିଶ୍ୱ କବିତା ଦିବସ’ କବିତା, କବି, କବିତା ସୃଷ୍ଟିର କଳା ଏବଂ ଭାଷାର ବିବିଧତାର ସୌନ୍ଦର୍ଯ୍ୟକୁ ନେଇ ଆଲୋକିତ କରେ। ଏହିଦିନ ଆମ ଜୀବନରେ ଗୁରୁତ୍ୱପୂର୍ଣ୍ଣ ପ୍ରଭାବ ପକାଇଥିବା ସେମାନଙ୍କର ଅବଦାନ ପାଇଁ କବିମାନଙ୍କୁ ସମ୍ମାନିତ କରାଯାଏ।
• କବିତା ମାଧ୍ୟମରେ ଲୋକଙ୍କୁ ଏକତ୍ର କରିବା
• ସମସ୍ତଙ୍କ ଜୀବନରେ କବିତାର ମହତ୍ତ୍ୱ ଏବଂ କବିତା ମାଧ୍ୟମରେ ମଣିଷକୁ ପ୍ରେରଣା ଦେବା, ଶିକ୍ଷା ଦେବା ଏବଂ ପରିବର୍ତ୍ତନ କରିବାର କ୍ଷମତା ବିଷୟରେ ସଚେତନତା ବିସ୍ତାର କରିବା
• ମାନବ ମନର ସୃଜନଶୀଳ ମନକୁ କାବୁ କରିବାରେ କବିତାର ଅନନ୍ୟ ଦକ୍ଷତାକୁ ପାଳନ କରିବା
• ସମଗ୍ର ବିଶ୍ୱରେ ଭାଷାଭିତ୍ତିକ ବିବିଧତାର ସୌନ୍ଦର୍ଯ୍ୟକୁ ସମର୍ଥନ କରିବା ଏବଂ ଏହାକୁ ବିଶ୍ୱବ୍ୟାପୀ କରିବା