Saraswati Puja 2024: ଦେବୀ ସରସ୍ୱତୀଙ୍କୁ ନେଇ ମନରେ ଆସୁଥିବା ପାଞ୍ଚଟି ପ୍ରଶ୍ନ ଓ ତା’ର ଉତ୍ତର

ହିନ୍ଦୁ କ୍ୟାଲେଣ୍ଡର ଅନୁଯାୟୀ ମାଘ ମାସ ଚାଲିଛି। ଏହି ମାସରେ ଅନେକ ପର୍ବ ପାଳନ କରାଯାଥାଏ। ସେ ମଧ୍ୟରୁ ବସନ୍ତ ପଞ୍ଚମୀ ବା ସରସ୍ୱତୀ ପୂଜା ଅନ୍ୟତମ। ମାଘ ମାସର ଶୁକ୍ଳ ପକ୍ଷର ବସନ୍ତ ପଞ୍ଚମୀରେ ଦେବୀ ସରସ୍ୱତୀଙ୍କୁ ପୂଜା କରାଯାଏ।

ଧାର୍ମିକ ବିଶ୍ୱାସ ଅନୁଯାୟୀ କୁହାଯାଏ ଯେ ଏହି ଦିନ ଜ୍ଞାନର ଦେବୀ ମାତା ସରସ୍ୱତୀ ଅବତାର ଗ୍ରହଣ କରିଥିଲେ। ମାତା ସରସ୍ୱତୀ ଶିକ୍ଷା, ସଙ୍ଗୀତ, ଜ୍ଞାନ ଏବଂ କଳାର ଦେବୀ ହୋଇଥିବାରୁ ବିଶେଷ କରି ତାଙ୍କୁ ବିଭିନ୍ନ ଶିକ୍ଷାନୁଷ୍ଠାନରେ ଏହି ଦିନ ବଡ ଧୁମଧାମରେ ପୂଜା କରାଯାଏ।

ଅଧିକ ପଢ଼ନ୍ତୁ: କିପରି ଓ କାହିଁକି ସୃଷ୍ଟିହେଲେ ଦେବୀ ସରସ୍ୱତୀ

ଦେବୀଙ୍କୁ ନେଇ ଅନେକ ସମୟରେ ମନରେ ଅନେକ ପ୍ରଶ୍ନ ମଧ୍ୟ ଆସେ। ଯେପରିକି ସେ କାହିଁକି ବିଦ୍ୟାର ଦେବୀ, ତାଙ୍କର ଅନ୍ୟ ନାମ କ’ଣ, ସେ କାହାକୁ ବିବାହ କରିଥିଲେ ଏମିତି ଅନେକ କିଛି। ଆପଣଙ୍କ ମନରେ ଯଦି ଏଭଳି କିଛି ପ୍ରଶ୍ନ ଆସୁଥାଏ ତେବେ ଆସନ୍ତୁ ଏହାର ଉତ୍ତର ଜାଣିନେବା।

ସରସ୍ୱତୀଙ୍କୁ ବିଦ୍ୟାର ଦେବୀ କାହିଁକି କୁହାଯାଏ:

ଦେବୀ ସରସ୍ୱତୀଙ୍କୁ ବିଦ୍ୟା, ବୁଦ୍ଧି ଏବଂ ସଙ୍ଗୀତର ଦେବୀ କୁହାଯାଏ। ଦେବୀ ସରସ୍ୱତୀଙ୍କ ଆଶୀର୍ବାଦରେ ସମସ୍ତ ସନ୍ଦେହ ଦୂର ହୁଏ ଏବଂ ଦେବୀ ସରସ୍ୱତୀଙ୍କୁ ପୂଜା କରି ଜଣେ ବିବେକ, ବୁଦ୍ଧି ଏବଂ ଜ୍ଞାନ ପ୍ରାପ୍ତ ହୁଏ। ସେଥିପାଇଁ ସରସ୍ୱତୀଙ୍କୁ ଜ୍ଞାନର ଦେବୀ କୁହାଯାଏ।

ସରସ୍ୱତୀଙ୍କ ଅନ୍ୟ ନାମ କ’ଣ:

ମା’ ସରସ୍ୱତୀଙ୍କୁ ସୌମ୍ୟା ମଧ୍ୟ କୁହାଯାଏ। ଏହି ନାମର ଅର୍ଥ ହେଉଛି ମଧୁର। ଦେବୀ ସରସ୍ୱତୀଙ୍କ ନାମ ଭାଚି ମଧ୍ୟ ରଖାଯାଇଛି କାରଣ ତାଙ୍କ ବାଣୀ ଅତ୍ୟନ୍ତ ସୁମଧୁର। ଏହାଛଡା ଦେବୀ ଭଗବତୀ, ଶାରଦା, ବାକ୍‌ଦେବୀ, ହଂସବାହିନୀ ମଧ୍ୟ କୁହାଯାଏ।

ମା’ ସରସ୍ୱତୀ ଭଗବାନ ବିଷ୍ଣୁଙ୍କୁ ବିବାହ କରିଥିଲେ କି:

କେତେକ ପରମ୍ପରା ଅନୁଯାୟୀ ସରସ୍ୱତୀ ପୂର୍ବରୁ ଭଗବାନ ବିଷ୍ଣୁଙ୍କ ପତ୍ନୀ ଥିଲେ। ପୂର୍ବରୁ ଭଗବାନ ବିଷ୍ଣୁଙ୍କ ଦୁଇ ପତ୍ନୀ ଥିବାରୁ ତାଙ୍କ ହାତ ପୂର୍ଣ୍ଣ ଥିଲା। ତେଣୁ ସେ ଦେବୀ ସରସ୍ୱତୀଙ୍କୁ ଭଗବାନ ବ୍ରହ୍ମାଙ୍କୁ ଦେଇଥିଲେ।

ଦେବୀ ସରସ୍ୱତୀ କାହାର ଝିଅ:

ପୁରାଣରେ ଦେବୀ ସରସ୍ୱତୀଙ୍କୁ ଉଭୟ ବ୍ରହ୍ମାଙ୍କ ଝିଅ ଏବଂ ସ୍ତ୍ରୀ ଭାବରେ ବିବେଚନା କରାଯାଏ। ବ୍ରହ୍ମାଣ୍ଡର ସୃଷ୍ଟି ପରେ ଭଗବାନ ବ୍ରହ୍ମା ନିଜର ଶକ୍ତି ଦ୍ୱାରା ଦେବୀ ସରସ୍ୱତୀଙ୍କୁ ସୃଷ୍ଟି କରିଥିଲେ।

ଦେବୀ ସରସ୍ୱତୀଙ୍କ ରଙ୍ଗ ଧଳା କାହିଁକି:

ଧଳା ହେଉଛି ଶୁଦ୍ଧତା, ଧୈର୍ଯ୍ୟ, ସତ୍ୟ ଏବଂ ଈଶ୍ୱରୀୟ ଜ୍ଞାନର ପ୍ରତୀକ। ସେଥିପାଇଁ ମାତା ସରସ୍ୱତୀଙ୍କୁ ଧଳା ରଙ୍ଗରେ ଦର୍ଶାଯାଏ।