LIVE TV
ଜୀବନକୁ ବଞ୍ଚେଇବା ପାଇଁ ଆମକୁ ଅମ୍ଳଜାନ, ଖାଦ୍ୟ, ଇନ୍ଧନ ସହିତ ସମସ୍ତ ପ୍ରାକୃତିକ ସମ୍ପଦର ଆବଶ୍ୟକତା ରହିଛି। ଏସବୁ ଆମେ ଜଙ୍ଗଲରୁ ହିଁ ପାଇଥାଉ। ଏଭଳି ପରିସ୍ଥିତିରେ ଜଙ୍ଗଲର ଗୁରୁତ୍ୱ ବହୁତ ଅଧିକ। ତଥାପି, ଦେଶ ବିକାଶ ଆଡକୁ ଏତେ ଆଗକୁ ଯାଉଛୁ ଯେ ଜଙ୍ଗଲ ନଷ୍ଟ ହେବାରେ ଲାଗିଛି ଏବଂ ଜଙ୍ଗଲ ସ୍ଥାନ ଉଚ୍ଚ ଉଚ୍ଚ ଅଟ୍ଟାଳିକା ଏବଂ ରାସ୍ତା ଇତ୍ୟାଦି ନେବାରେ ଲାଗିଛି। ସବୁଜୀମା ଭରା ଜଙ୍ଗଲ ଜାଗାରେ ଠିଆ ହୋଇଛି କଂକ୍ରିଟ୍ ଜଙ୍ଗଲ।
ଆମ ପୃଥିବୀର ୩୩ % ଜଙ୍ଗଲ ଦ୍ୱାରା ଆଚ୍ଛାଦିତ ହୋଇଥିବା ବେଳେ ୨୦ ଲକ୍ଷରୁ ଅଧିକ ଲୋକ ବଞ୍ଚିବା ପାଇଁ ଜଙ୍ଗଲ ଉପରେ ସମ୍ପୂର୍ଣ୍ଣ ନିର୍ଭରଶୀଳ? ଆମ ଜୀବନରେ ଜଙ୍ଗଲ ଅତ୍ୟନ୍ତ ଗୁରୁତ୍ୱପୂର୍ଣ୍ଣ କାରଣ ଆମେ ଆମର ଦୈନନ୍ଦିନ ଜୀବନରେ ବ୍ୟବହାର କରୁଥିବା ଜିନିଷଗୁଡ଼ିକ ଜଙ୍ଗଲଜାତ ଉପାଦାନଗୁଡ଼ିକ ଦ୍ୱାରା ପ୍ରସ୍ତୁତ। କିନ୍ତୁ ଆମେ ସମସ୍ତେ ଜଙ୍ଗଲର ଗୁରୁତ୍ୱକୁ ଭୁଲିଯାଉଛୁ ଏବଂ ଏହାକୁ ନଷ୍ଟ କରିଚାଲିଛୁ, ଯେଉଁ କାରଣରୁ ଆମେ ଆଜି ଜଳବାୟୁ ପରିବର୍ତ୍ତନର ସମ୍ମୁଖୀନ ହେଉଛୁ।
Also Read
ଅଧିକ ପଢ଼ନ୍ତୁ: ଦେଶର ଅର୍ଥନୀତିରେ କିପରି ସହଯୋଗ କରେ ସୀମା ଶୁଳ୍କ
ଏହାକୁ ଦୃଷ୍ଟିରେ ରଖି ମିଳିତ ଜାତିସଂଘର ଜଙ୍ଗଲ ଫୋରମ୍ ଏବଂ ଖାଦ୍ୟ ଏବଂ କୃଷି ସଂଗଠନ (FAO) ଦ୍ୱାରା ପ୍ରତିବର୍ଷ ମାର୍ଚ୍ଚ ୨୧ରେ ବିଶ୍ୱ ଅନ୍ତର୍ଜାତୀୟ ଦିବସ ପାଳନ କରାଯାଏ। ଏହାର ପ୍ରସ୍ତାବ ୨୦୧୨ରେ ମିଳିତ ଜାତିସଂଘ ସାଧାରଣ ସଭା ଦ୍ୱାରା ପାରିତ ହୋଇଥିଲା। ଆସନ୍ତୁ ଜାଣିବା ଅନ୍ତର୍ଜାତୀୟ ଜଙ୍ଗଲ ଦିବସ ସହିତ ଜଡିତ କେତେକ ଗୁରୁତ୍ୱପୂର୍ଣ୍ଣ କଥା-
ଚଳିତ ବର୍ଷର ଥିମ୍:
ପ୍ରତିବର୍ଷ ‘କୋଲାବୋରେଟିଭ୍ ପାର୍ଟନର୍ସିପ୍ ଅନ୍ ଫରେଷ୍ଟ୍’ ଦ୍ୱାରା ବିଶ୍ୱ ଜଙ୍ଗଲ ଦିବସର ବିଷୟବସ୍ତୁ ନିର୍ଣ୍ଣୟ କରାଯାଏ। ଚଳିତ ବର୍ଷ ଅନ୍ତର୍ଜାତୀୟ ଜଙ୍ଗଲ ଦିବସର ବିଷୟବସ୍ତୁ ହେଉଛି “ଜଙ୍ଗଲ ଏବଂ ଖାଦ୍ୟ”। ଏହି ଥିମର ଉଦ୍ଦେଶ୍ୟ ହେଉଛି ଖାଦ୍ୟ ସୁରକ୍ଷା, ପୁଷ୍ଟିକର ଖାଦ୍ୟ ଏବଂ ଜୀବିକା କ୍ଷେତ୍ରରେ ଜଙ୍ଗଲର ଗୁରୁତ୍ୱପୂର୍ଣ୍ଣ ଭୂମିକାକୁ ଆଲୋକପାତ କରିବା।
ଇତିହାସ:
୨୦୧୨ରେ ମିଳିତ ଜାତିସଂଘର ସାଧାରଣ ସଭା ‘ବିଶ୍ୱ ଜଙ୍ଗଲ ଦିବସ’ ପାଳନ କରିବାକୁ ନିଷ୍ପତ୍ତି ନେଇଥିଲା ଏବଂ ୨୦୧୩ରେ ପ୍ରଥମ ଥର ପାଇଁ ଅନ୍ତର୍ଜାତୀୟ ଜଙ୍ଗଲ ଦିବସ ପାଳନ କରାଯାଇଥିଲା।
ମହତ୍ତ୍ୱ:
ଅନ୍ତର୍ଜାତୀୟ ଜଙ୍ଗଲ ଦିବସର ଲକ୍ଷ୍ୟ ହେଉଛି ଲୋକଙ୍କ ମଧ୍ୟରେ ଜଙ୍ଗଲ ବିଷୟରେ ସଚେତନତା ସୃଷ୍ଟି କରିବା ଯାହା ଦ୍ୱାରା ଲୋକମାନେ ପରିବେଶ ସୁରକ୍ଷା ପ୍ରତି ଧ୍ୟାନ ଦେବେ। ଏହା ସହିତ ଅନ୍ୟାନ୍ୟ ଦିଗ ମଧ୍ୟ ରହିଛି।
ଆମ ଜୀବନର ପ୍ରାୟ ସମସ୍ତ ଦିଗ ଜଙ୍ଗଲ ସହିତ ଜଡିତ
- ଜଳବାୟୁ ପରିବର୍ତ୍ତନକୁ ମୁକାବିଲା କରିବା ଏବଂ ଆମର ଭବିଷ୍ୟତ ପିଢିର ଭବିଷ୍ୟତକୁ ସୁରକ୍ଷିତ କରିବା ପାଇଁ ଜଙ୍ଗଲ ଏବଂ ସେସବୁ ଉତ୍ସଗୁଡ଼ିକର ସ୍ଥାୟୀ ପରିଚାଳନା ହେଉଛି ଏକମାତ୍ର ଉପାୟ।
- ଅନ୍ତର୍ଜାତୀୟ ଜଙ୍ଗଲ ଦିବସ ମାଧ୍ୟମରେ ବିଶ୍ୱର ସମସ୍ତ ଦେଶର ନେତାମାନଙ୍କୁ ଜଳବାୟୁ ପରିବର୍ତ୍ତନ ବିଷୟରେ ସଚେତନ ହେବାକୁ ପଡିବ ଯାହା ଦ୍ୱାରା ସେମାନେ ଏହି ସମସ୍ୟା ପାଇଁ ଗମ୍ଭୀର ପଦକ୍ଷେପ ଗ୍ରହଣ କରିବେ।
- ଏହି ଦିନ ଆମକୁ ସ୍ମରଣ କରିଦିଏ ଯେ ଆମେ ଜଙ୍ଗଲରୁ ପାଉଥିବା ଉତ୍ସଗୁଡିକୁ ସମ୍ମାନ ଦେବା ଉଚିତ।
ଅଧିକ ପଢ଼ନ୍ତୁ: ସ୍ମୃତି ହେବାରେ ଲାଗିଛି ରେଡିଓ; ଦିନେ ଥିଲା ଘରେ ଘରେ ପରିଚିତ
