ପଞ୍ଚୁକର ପ୍ରଥମ ଦିନରେ ଖାଁ ଖାଁ ପଡ଼ିଛି ବାବ ଧବଳେଶ୍ୱର ପୀଠ । ଆଜି ରାତି ୩ଟାରୁ ଧବଳେଶ୍ୱର ପୀଠରେ ପହୁଡ଼ ଖୋଲା ଯାଇଛି । ବାବାଙ୍କୁ ସୁବାସିତ ଜଳରେ ସ୍ନାନ କରାଯାଇ ମଙ୍ଗଳ ଆଳତୀ କରାଯାଇ ଖେଚୁଡ଼ି ଭୋଗ ଲଗାଯାଇଥିଲା । ଏହା ପରେ ଦର୍ଶନ ପାଇଁ ଦ୍ୱାର ଫିଟାଯାଇଥିଲା ।
ଏଥର କିନ୍ତୁ ପଞ୍ଚୁକରେ ବାବା ଧବଳେଶ୍ୱରଙ୍କୁ ସ୍ୱଚକ୍ଷୁରେ ଦର୍ଶନ କରିପାରିବେନି ଭକ୍ତ । ୧୪୪ ଧାରା ଲଗାଯାଇଥିବାରୁ ଏଲଇଡି ଟିଭି ମାଧ୍ୟମରେ ଧବଳେଶ୍ୱରଙ୍କୁ ଦର୍ଶନ ପାଇଁ ପ୍ରଶାସନ ନିଷ୍ପତ୍ତି ନେଇଛି । କଟକ ଆଠଗଡ଼ ଉପ-ଜିଲ୍ଲାପାଳଙ୍କ ସୂଚନା ଅନୁସାରେ ପଞ୍ଚୁକରେ ଝୁଲା ପୋଲ ପାଖରେ ନୁହେଁ, ବରଂ ପୀଠର ମୁଖ୍ୟ ରାସ୍ତା ଗେଟ୍ ପାଖରେ ଏକ LED ଲଗାଯାଇଛି ।
Also Read
ଅଧିକ ପଢ଼ନ୍ତୁ: ପଞ୍ଚୁକରେ ବି ନିରାଶ ହେବେ ଭକ୍ତ; ଧବଳେଶ୍ୱର ପୀଠ ଯିବାକୁ ମନା କଲା ପ୍ରଶାସନ
LED ପରଦା ଜରିଆରେ ଶ୍ରଦ୍ଧାଳୁମାନେ ମହାଦେବଙ୍କୁ ଦର୍ଶନ କରିପାରିବେ । ହେଲେ ସେଠି କୌଣସି ପ୍ରକାର ପୂଜାର୍ଚ୍ଚନା ହେବନି କି ଭୋଗ ଲାଗିବନି । ଭକ୍ତମାନେ ଚାହିଁଲେ ସେଇଠୁ ପୂଜକଙ୍କ ମାଧ୍ୟମରେ ଭୋଗ ଠାକୁରଙ୍କ ପାଖକୁ ପଠାଇ ପାରିବେ । ଗଜଭୋଗ ନିଜସ୍ୱ ଉଦ୍ୟମରେ ସେବକଙ୍କ ଘରୁ ସଂଗ୍ରହ କରିବେ । ତାସହ ପୂର୍ବଭଳି ଯାତ୍ରା ଚାଲିବ ବୋଲି କୁହାଯାଇଛି ।