LIVE TV
ଓଡ଼ିଆ ନବବର୍ଷକୁ କେବଳ ଓଡ଼ିଶାରେ ନୁହେଁ, ଏହାକୁ ଅନ୍ୟ ରାଜ୍ୟ ଓ ବିଦେଶରେ ମଧ୍ୟ ପାଳନ କରାଯାଇଛି। ବାହାରିନରେ ରହୁଥିବା ଓଡ଼ିଆମାନେ ଓଡିଆ ନୂଆ ବର୍ଷ ଏବଂ ପଣା ସଂକ୍ତାନ୍ତି ପାଳନ କରିଛନ୍ତି।
ବାହାରିନ ଓଡିଆ ସମାଜ ପକ୍ଷରୁ ଏହାକୁ ଧୁମ୍ଧାମ୍ରେ ପାଳନ କରାଯାଇଛି। ଓଡିଆ ସମାଜର ପ୍ରତିଷ୍ଠାତା ଡ ଅରୁଣ କୁମାର ପ୍ରହରାଜଙ୍କ ବାସଭବନରେ ପଣା ସଂକ୍ରାନ୍ତି ଏବଂ ଓଡିଆ ନୂତନ ବର୍ଷ ପାଳନ କରାଯାଇଥିଲା।
ଅଧିକ ପଢ଼ନ୍ତୁ: ଓଡ଼ିଆ ନବ ବର୍ଷ, ଗାଁଠୁ ସହର ଜମିଲା ପଣାପାଣିର ଆସର
Also Read
ସମସ୍ତ ଓଡ଼ିଆ ମହାପ୍ରଭୂ ଜଗନ୍ନାଥଙ୍କୁ ବ୍ରହ୍ମାଣ୍ଡର ମଙ୍ଗଳ ପାଇଁ ପ୍ରାର୍ଥନା କରିଥିଲେ ଏବଂ ଓଡ଼ିଆମାନକୁ ନୂତନ ବର୍ଷର ଶୁଭେଚ୍ଛା ଜଣାଇଥିଲେ। ସୁମଧୁର ଓଡ଼ିଆ ଖାଦ୍ୟ ଏବଂ ପଣା ପ୍ରସ୍ତୁତ କରାଯାଇ ମହାପ୍ରଭୂ ଜଗନ୍ନାଥଙ୍କୁ ପ୍ରଦାନ କରାଯାଇଥିଲା। ପରେ ପରେ ସମସ୍ତେ କଦଳୀ ପତ୍ରରେ ପ୍ରସାଦ ସେବନ କରିଥିଲେ।
ବିଦେଶ ମାଟିରେ ଓଡ଼ିଶାର ବହୁମୂଲ୍ୟ ସାଂସ୍କୃତିକ ଐତିହ୍ୟ ବଜାୟ ରଖିବା ପାଇଁ ପଣା ସଂକ୍ରାନ୍ତି ଏବଂ ଓଡ଼ିଆ ନୂତନ ବର୍ଷ ପାଳନ କରିବା ବେଳେ ସମସ୍ତ ସଦସ୍ୟଙ୍କ ମଧ୍ୟରେ ବେଶ୍ ଉତ୍ସାହ ଲକ୍ଷ୍ୟ କରାଯାଇଥିଲା।
ଡକ୍ଟର ପ୍ରହରାଜ କହିଛନ୍ତି “ଯଦିଓ ଆମେ ବିଦେଶ ମାଟିରେ ଅଛୁ କିନ୍ତୁ ଆମର ହୃଦୟ ଓଡ଼ିଶାରେ ଅଛି।” ପଣା ସଂକ୍ରାନ୍ତି ଏବଂ ଓଡ଼ିଆ ନୂଆବର୍ଷ ଅବସରରେ ସେ ତାଙ୍କର ଶୁଭେଚ୍ଛା ପୃଥିବୀର ସମସ୍ତ ଓଡ଼ିଆ ଲୋକଙ୍କୁ ଜଣାଇଛନ୍ତି।
ଓଡ଼ିଆ ନୂଆବର୍ଷ ପାଳନ କରିବାକୁ ଡ. ପ୍ରହରାଜଙ୍କ ବାସଭବନରେ ଶହେରୁ ଅଧିକ ଓଡ଼ିଆ ଏକତ୍ରିତ ହୋଇଥିଲେ। LIC ଅନ୍ତର୍ଜାତୀୟ ବାହାରିନର ନିର୍ଦ୍ଦେଶକ ଦେବାଶିଷ ପଟ୍ଟନାୟକ ମଧ୍ୟ ଏହି କାର୍ଯ୍ୟକ୍ରମରେ ଯୋଗ ଦେଇ ପଣା ସଂକ୍ରାନ୍ତି ଏବଂ ଓଡ଼ିଆ ନୂଆ ବର୍ଷ ଅବସରରେ ସମସ୍ତଙ୍କୁ ଶୁଭେଚ୍ଛା ଜଣାଇଥିଲେ।
