ସୋସିଆଲ ମିଡିଆରେ କିଛି ଦିନ ତଳେ ବିଜୁଳି ବେଗରେ ଭାଇରାଲ ହୋଇଥିଲେ କୁମ୍ଭମେଳାର ମୋନାଲିସ। । ହରିଣୀ ଆଖି, ଶ୍ୟାମଳ ରଙ୍ଗ ଏବଂ ଓଠରେ ଗୋଲାପ ପାଖୁଡ଼ା ଭଳି ହସ ପାଇଁ ସୋସିଆଲ ମିଡ଼ିଆରେ ଭାଇରାଲ ହୋଇଥିଲେ ଏହି ଶ୍ୟାମଳ ସୁନ୍ଦରୀ । ତାଙ୍କୁ ଯିଏ ଦେଖୁଥିଲା ଘଡ଼ିଏ ଚାହିଁ ରହୁଥିଲା । ସୌନ୍ଦର୍ଯ୍ୟ ପାଇଁ ସେ କୁମ୍ଭମେଳାରେ ଚର୍ଚ୍ଚାରେ ରହିଥିଲେ । ତାଙ୍କ ଆଖି ସମସ୍ତଙ୍କୁ ବିମୋହିତ କରିଥିଲା । ଉତ୍ତରପ୍ରଦେଶ ପ୍ରୟାଗରାଜରେ ଅନୁଷ୍ଠିତ ହେଉଥିବା ମହାକୁମ୍ଭରେ ଜଣେ ମାଳା ବିକୁଥିବା ଝିଅ ଖୁବ ଭାଇରାଲ ହେଉଥିଲେ । ତାଙ୍କ ନାମ ପରେ ମୋନାଲିସା ଭୋନ୍ସଲେ ବୋଲି ଜଣାପଡିଥିଲା । ଭାଇରାଲ ହେବାପରେ ମୋନାଲିସ।ଙ୍କ ପାଇଁ ସୃଷ୍ଟି ହୋଇଛି ସମସ୍ୟା । ତାଙ୍କ ମାଳା ବ୍ୟବସାୟ ପ୍ରଭାବିତ ହୋଇଛି ।
ଅନ୍ୟପଟେ କିଛି ଲୋକ ମୋନାଲିସାଙ୍କ ସହ କୁମ୍ଭମେଳାରେ ଅଭାଦ୍ରାମୀ କରିଛନ୍ତି । ଏନେଇ ନିଜେ ଅଭିଯୋଗ କରିଛନ୍ତି ମୋନାଲିସା । ଏହି ଘଟଣା ପରେ ପୁଣି ସୋସିଆଲ ମିଡ଼ିଆରେ ଭାଇରାଲ ହେଉଛନ୍ତି ଏହି ଯୁବତୀ । କିଛି ଲୋକ ତାଙ୍କ ସହ ଫଟୋ ଉଠାଇବା ପାଇଁ ବଳପୂର୍ବକ ତାଙ୍କ ତମ୍ବୁରେ ପ୍ରବେଶ କରିଥିବା ନେଇ କହିଛନ୍ତି ଏହି ଶ୍ୟାମଳ ସୁନ୍ଦରୀ । ମୋନାଲିସା ଭୋନ୍ସଲେଙ୍କ ଭାଇ ଉକ୍ତ ଯୁବକ ମାନଙ୍କୁ ବିରୋଧ କରିବା ସହ ଫଟୋ ଡିଲିଟ୍ କରିବା ପାଇଁ କହିଥିଲେ । ଏହାପରେ ସେହି ଲୋକମାନେ ତାଙ୍କ ଭାଇଙ୍କୁ ଆକ୍ରମଣ କରିବାକୁ ମଧ୍ୟ ପଛେଇ ନଥିଲେ ।
Also Read
କୁମ୍ଭମେଳାରେ ଭାଇରାଲ ହେବାପରେ ହଠାତ ତାଙ୍କ ପ୍ରସଂଶକଙ୍କ ସଂଖ୍ୟା ବଢିଯାଇଥିଲା । ମେଳାକୁ ଆସୁଥିବା ଲୋକମାନେ ତାଙ୍କ ପାଖକୁ ଯାଇ ଫଟୋ ଉଠାଇବା ଆରମ୍ଭ କରିଦେଇଥିଲେ । ଏହା ସହ ବଢିଥିଲା ମୋନାଲିସାଙ୍କ ସମସ୍ୟା । ତାଙ୍କ ସହ ଘଟିଥିବା ଘଟଣାକୁ ନେଇ ଏକ ଜାତୀୟ ଗଣମାଧ୍ୟମକୁ ସାକ୍ଷାତକାର ଦେଇ ମୋନାଲିସା କହିଛନ୍ତି, କିଛି ଲୋକ ତାଙ୍କ ପାଖକୁ ଆସି କହିଥିଲେ ତାଙ୍କ ବାପା ସେମାନଙ୍କୁ ତାଙ୍କ ସହିତ ଫଟୋ ଉଠାଇବାକୁ ସେମାନଙ୍କୁ ପଠାଇଛନ୍ତି । ମୁଁ ସେମାନଙ୍କ ସହିତ ଫଟୋ ଉଠାଇବି ନାହିଁ ବୋଲି ମନା କରିଦେବାରୁ । ସେମାନେ ବଳପୂର୍ବକ ତାଙ୍କ ତମ୍ବୁରେ ପ୍ରବେଶ କରିଥିଲେ । ତେବେ ଏହି ଘଟଣା ପରେ ସେ ଭୟଭୀତ ଅଛନ୍ତି । ତାଙ୍କ ୧୬ ବର୍ଷୀୟ ଭାଇଙ୍କୁ ଆକ୍ରମଣ କରାଯାଇଥିବାରୁ ସେ ଦୁଃଖ ମଧ୍ୟ ପ୍ରକାଶ କରିଛନ୍ତି ।