ଆଜି ଲାଲବାହାଦୂର ଶାସ୍ତ୍ରୀଙ୍କ ଜନ୍ମଜୟନ୍ତୀ : ଛାତ୍ର ଜୀବନରୁ ହିଁ ସ୍ୱାଧୀନତା ସଂଗ୍ରାମରେ ନିଜକୁ ଉତ୍ସଗୀକୃତ କରିଥିଲେ . . .

ନୂଆଦିଲ୍ଲୀ : ଭାରତର ପୂର୍ବତନ ପ୍ରଧାନମନ୍ତ୍ରୀ ଲାଲବାହାଦୁର ଶାସ୍ତ୍ରୀଙ୍କର ଆଜି ଜନ୍ମଦିନ । ୧୯୦୪ ମସିହା ଆଜିର ଦିନରେ ଉତ୍ତରପ୍ରଦେଶ ମୋଗଲସରାଇରେ ସେ ଜନ୍ମ ଗ୍ରହଣ କରିଥିଲେ । ତାଙ୍କ ପିତାଙ୍କ ନାମ ମୁନସି ଶାରଦା ପ୍ରସାଦ, ସେ ବୃତ୍ତିରେ ଶିକ୍ଷକ ଥିଲେ ଏବଂ ମାତାଙ୍କ ନାମ ରାମ ଦୁଲାରୀ । ଛାତ୍ର ଜୀବନରୁ ହିଁ ସ୍ୱାଧୀନତା ସଂଗ୍ରାମରେ ନିଜକୁ ଉତ୍ସଗୀକୃତ କରିଥିଲେ । ସଂଘର୍ଷ କରି ଉଚ୍ଚ ଶିକ୍ଷା ଲାଭ କରିଥିବା ଶାସ୍ତ୍ରୀ ସବୁବେଳେ ନିଜ ଅଦମ୍ୟ ସାହସ ଓ ଦକ୍ଷତା ପାଇଁ ପରିଚିତ ଥିଲେ । ଲାଲ ବାହାଦୂର ଶାସ୍ତ୍ରୀ ଗାନ୍ଧିଜୀଙ୍କ ଦ୍ୱାରା ବହୁତ ପ୍ରଭାବିତ ହୋଇଥିଲେ । ଗାନ୍ଧୀଙ୍କ ସହ ସେ ଅସହଯୋଗ ଆନ୍ଦୋଳନ, ଦାଣ୍ଡି ମାର୍ଚ୍ଚ ଏବଂ ଭାରତ ଛାଡ ଆନ୍ଦୋଳନରେ ଏକ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଥିଲେ।

୧୯୬୫ରେ ସେ ପ୍ରଧାନମନ୍ତ୍ରୀ ଥିଲାବେଳେ ଭାରତ ପାକିସ୍ତାନକୁ ହରାଇଥିଲା କୃଷକ ଓ ଯବାନ ମାନଙ୍କ ଉନ୍ନତି ପାଇଁ ସର୍ବଦା ଚେଷ୍ଟିତ ଥିଲେ ଶାସ୍ତ୍ରୀ । ଏଥିପାଇଁ ସେ ଜୟ ଯବାନ ଓ ଜୟ କିଶାନ୍ ନାରା ଦେଇଥିଲେ । ୧୯୬୫ ମସିହାରେ ଭାରତର ରାଜଧାନୀ ଦିଲ୍ଲୀର ରାମ୍‌ଲୀଲା ମୈଦାନ୍‌ଠାରେ ଏକ ଜନ ସମାବେଶରେ ଲାଲବାହାଦୁର ଶାସ୍ତ୍ରୀ ପ୍ରଥମ ଥର ପାଇଁ ଏହି ସ୍ଲୋଗାନ ଦେଇଥିଲେ ।

ଶାସ୍ତ୍ରୀଜୀ ଦେଶର ସର୍ବଭୌମତ୍ୱ ଏବଂ ସୁରକ୍ଷା ଦିଗରେ ଆଦୌ ବୁଝାମଣା କରିନାହାଁନ୍ତି ।  ୧୯୬୫ ମସିହାରେ ଯେତେବେଳେ ପାକିସ୍ତାନ ଭାରତ ଉପରେ ଆକ୍ରମଣ କରିଥିଲା, ସେତେବେଳେ ତାଙ୍କର ଏହି ବ୍ୟକ୍ତିତ୍ୱ ଦେଖିବାକୁ ମିଳିଥିଲା । ଏହି ସମୟ ମଧ୍ୟରେ ଶାସ୍ତ୍ରୀଜୀ ଶତ୍ରୁ ଦେଶକୁ କଡ଼ା ଜବାବ ଦେବା ପାଇଁ ଭାରତୀୟ ସେନାଙ୍କୁ ସମସ୍ତ ସ୍ୱାଧୀନତା ଦେଇଥିଲେ । ଫଳରେ ରଣହୁଙ୍କାର ଦେଇ ପାକିସ୍ତାନୀ ସେନା ସହ ଲଢ଼ି ପରାସ୍ତ କରିଥିଲା ଭାରତୀୟ ବୀର ସେନା ।

Also Read

ପଞ୍ଚାୟତ ନିର୍ବାଚନ ପାଇଁ ଆଉ ପାଦେ ଆଗକୁ ବଢ଼ିଲେ ରାଜ୍ୟ ସରକାର

ସାଂସଦ ଭାବେ ଶପଥ ନେବା ପୂର୍ବରୁ ବୈଜୟନ୍ତଙ୍କ ମାର୍ଗଦର୍ଶନ ଲୋଡ଼ିଲେ ସର୍ବାନନ୍ଦ

ଓଡ଼ିଶାରେ ଖୁବ୍‌ଶୀଘ୍ର ବ୍ରେନ୍ ବ୍ୟାଙ୍କ୍, ଏଣିକି ମସ୍ତିଷ୍କ ବି ଦାନ କରିପାରିବେ ଲୋକ

ତେବେ ଆଜି ଲାଲବାହାଦୁର ଶାସ୍ତ୍ରୀଙ୍କର ଜନ୍ମ ଜୟନ୍ତୀ ଅବସରରେ ନୂଆଦିଲ୍ଲୀ ବିଜୟ ଘାଟରେ ଆଜି ସ୍ୱତନ୍ତ୍ର କାର୍ଯ୍ୟକ୍ରମ ଆୟୋଜନ ହୋଇଛି । ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ସହ ଅନେକ ବିଶିଷ୍ଟ ବ୍ୟକ୍ତି ବିଜୟ ଘାଟରେ ଲାଲବାହାହାଦୂର ଶାସ୍ତ୍ରୀଙ୍କୁ ଶ୍ରଦ୍ଧାଞ୍ଜଳି ଅର୍ପଣ କରିଛନ୍ତି ।