ଆସନ୍ତା ଗୁରୁବାର ହେବ ଶ୍ରୀଜିଉଙ୍କ ବନକଲାଗି ନୀତି

ଆସନ୍ତା ଗୁରୁବାର ଶ୍ରୀମନ୍ଦିରରେ କରାଯିବ ଶ୍ରୀଜୀଉଙ୍କ ବନକ ଲାଗି । ଏହି ସୂଚନା ଦେଇଛନ୍ତି ଠାକୁରଙ୍କ ଏହି ଗୁପ୍ତ ନୀତି ସଂପାଦନ କରୁଥିବା ଦତ୍ତ ମହାପାତ୍ର ସେବକ । ଦତ୍ତ ମହାପାତ୍ର ନିଯୋଗର ସମ୍ପାଦକ ମଦନମୋହନ ଦତ୍ତଙ୍କ ସୂଚନା ଅନୁସାରେ- ଶ୍ରୀମନ୍ଦିର ସତ୍ତ୍ୱଲିପିରେ ଗୁରୁବାର ବନକଲାଗି ବା ଶ୍ରୀମୁଖ ଶିଙ୍ଗାର କରାଯିବା ବିଧି ରହିଛି । ତେଣୁ ଆଗାମୀ ଗୁରୁବାର ବନକଲାଗି ପାଇଁ ଆମେ ପ୍ରଶାସନକୁ ନିବେଦନ କରିଛୁ ।

ମନ୍ଦିରରେ ଭିଡ଼ ଥିଲେ ଏହି ନୀତି ଦିନକ ଆଗରୁ ଅର୍ଥାତ୍ ବୁଧବାର ବି କରାଯାଏ, ହେଲେ ଏବେ ସେଭଳି କିଛି ଭିଡ଼ନଥିବାରୁ ଗୁରୁବାର ବନକଲାଗି କରାଯିବ । ଯେହେତୁ ପ୍ରାକୃତିକ ରଙ୍ଗ ବୁଧବାର ପ୍ରସ୍ତୁତ କରିବା କଷ୍ଟକର ତେଣୁ ଆଗାମୀ ଗୁରୁବାର ପାଇଁ ବନକଲାଗି କରିବାକୁ ପ୍ରସ୍ତୁତ ଥିବା କହିଛନ୍ତି ଦତ୍ତମହାପାତ୍ର ନିଯୋଗ ସଂପାଦକ ।

ଶ୍ରୀମନ୍ଦିର ପ୍ରଶାସନ ଓ ଦତ୍ତମହାପାତ୍ର ନିଯୋଗ ମଧ୍ୟରେ ବିବାଦ ଯୋଗୁଁ ଗତ ନିଳାଦ୍ରୀ ବିଜେ ପରଠାରୁ ଆଉ ଠାକୁରମାନଙ୍କ ଶ୍ରୀମୁଖ ଶୃଙ୍ଗାର କରାଯାଇନାହିଁ । ଭକ୍ତମାନେ ଠାକୁରଙ୍କ ମଳିନ ମୁଖକୁ ଦର୍ଶନ କରି ଫେରୁଛନ୍ତି ।....