LIVE TV
ନିଆରା ଯାତ୍ରା, ନିଆରା ପରମ୍ପରା। ନୂଆପଡ଼ା କୋମନା ବ୍ଲକ ସୁନାବେଡ଼ାରେ ମହାସମାରୋହରେ ପାଳିତ ହୋଇଯାଇଛି ବିହନ ଛିନା ଯାତ୍ରା । ଯାତ୍ରାରେ ସୁନାବେଡା ଅଭୟାରଣ୍ୟରେ ବସବାସ କରୁଥିବା ୮୪ଟି ଗାଁର ଚକୋଟିଆ ଭୁଞ୍ଜିଆ ଲୋକ ସାମିଲ ହୋଇଥିଲେ । ସେମାନଙ୍କ ବିଶ୍ୱାସ ଯେ, ଇଷ୍ଟଦେବୀ ଯେଉଁ ଧାନ ବିହନ ଦିଅନ୍ତି ସେଥିରେ ପୋକ ଲାଗେନାହିଁ ।
Also Read
ଆଦିମ ଜନଜାତିଙ୍କ ଆଦି ପରମ୍ପରା ପାଇଁ ଉତ୍ସବ ମୁଖର ପରିବେଶ । ପାରମ୍ପରିକ ଆଦିବାସୀ ବାଦ୍ୟ ଯନ୍ତ୍ରରେ କମ୍ପୁଛି ପରିବେଶ । ଏହି ଉତ୍ସବରେ ଗାଁ ମୁରବୀମାନେ ନୂଆ ଜାମା ନୂଆ ବେଶରେ ସଜେଇ ହୋଇ ସୁନାଦେଇଙ୍କ ପାଖରେ ଏକାଠି ହୋଇଥାନ୍ତି । ଆଉ ଚିକୋଟିଆ ଭୁଞ୍ଜିଆ ଜନଜାତିର ମହିଳାମାନେ ହାତରେ ପୂଜା ଥାଳି ଧରି ଆସିଥାନ୍ତି । ଏମିତି ପାଳିତ ହୋଇଥାଏ ସେମାନଙ୍କ ଆଦି ପରମ୍ପରାର ମହାନ ପର୍ବ ବିହନ ଛିନା ଯାତ୍ରା ।
ଭୁଞ୍ଜିଆ ଜାତିର ଲୋକ ଚାଷ କରି ପରିବାର ଚଳାଇଥାନ୍ତି । କୃଷିର ପ୍ରଥମ ପର୍ବ ବିହନ ଛିନା ଯାତ୍ରା । ଏହି ଦିନ ବିହନ ଧାନକୁ ପାରମ୍ପରିକ ରୀତିରେ ଦେବୀଙ୍କ ପାଖରେ ପୂଜା କରାଯାଏ । ପରେ ଦେବୀ ସେହି ଧାନକୁ, ସେଠାରେ ଉପସ୍ଥିତ ଥିବା ସମସ୍ତ ଲୋକଙ୍କୁ ବଣ୍ଟନ କରନ୍ତି । ବିଶ୍ୱାସ ଅଛି ଦେବୀ ସୁନାଦେଈ ଦେଇଥିବା ଧାନରେ ରୋଗପୋକ ଲାଗେ ନାହିଁ । ଏହା ସହ ଅଧିକ ଅମଳ ହୁଏ ।
ସୁନାବେଡ଼ା ଅଞ୍ଚଳର ୮୪ଟି ଗାଁର ଭୁଞ୍ଜିଆ ଓ ଅନ୍ୟ ୧୦ ଜାତିର ଲୋକ ଏହି ଉତ୍ସବରେ ସାମିଲ ହୋଇଥାନ୍ତି । ଲୋକେ ପୂଜା ସହ ମାନସିକ ବଳି ମଧ୍ୟ ଦେଇଥାନ୍ତି । ଲୋକଙ୍କ ବିଶ୍ୱାସ ଏହା ବି ରହିଛି ଯେ, ଦେବୀଙ୍କ ପାଖରେ ଯାହା ମନୋକାମନା କଲେ ତାହା ପୂର୍ଣ୍ଣ ହୋଇଥାଏ ।
ନୂଆପଡ଼ା କୋମନାରେ ନିଆରା ପରମ୍ପରା । ସୁନାବେଡ଼ାରେ ପାଳିତ ହେଲା ବିହନ ଛିନା ଯାତ୍ରା । ସୁନାବେଡା ଅଭୟାରଣ୍ୟର ୮୪ ଗାଁର ଚକୋଟିଆ ଭୁଞ୍ଜିଆ ସାମିଲ । ଇଷ୍ଟଦେବୀ ଦେଉଥିବା ଧାନ ବିହନରେ ପୋକ ଲାଗୁନଥିବା ବିଶ୍ୱାସ#Odisha #Koraput #Nuapada pic.twitter.com/BywT9wMRWq
— ଓଟିଭି (@otvkhabar) April 18, 2023
- Reported by:
- MAYADHAR SARAF
