LIVE TV
ଦୁନିଆର ଅନ୍ୟତମ ଶ୍ରେଷ୍ଠ ବ୍ୟାଟ୍ସମ୍ୟାନ୍ ସଚିନ ତେନ୍ଦୁଲକର ଆଜି ତାଙ୍କର ୫୦ ତମ ଜନ୍ମଦିନ ପାଳନ କରୁଛନ୍ତି। ସଚିନ ୨୪ ଏପ୍ରିଲ ୧୯୭୩ରେ ମୁମ୍ବାଇରେ ଜନ୍ମଗ୍ରହଣ କରିଥିଲେ। ୧୯୮୯ରେ ପାକିସ୍ତାନ ବିପକ୍ଷରେ କ୍ରିକେଟ୍ କ୍ୟାରିୟର ଆରମ୍ଭ କରିଥିବା ସଚିନ୍ ଦେଶର କ୍ରିକେଟର୍ମାନଙ୍କୁ ନୂଆ ଦିଗ ଦେବାରେ ଉଦାହରଣ ପାଲଟି ଯାଇଛନ୍ତି।
ସଚିନ ତେନ୍ଦୁଲକର ୨୪ ବର୍ଷର କ୍ୟାରିଅରରେ ଅନେକ ବଡ଼ ରେକର୍ଡ ସୃଷ୍ଟି କରିଛନ୍ତି, ଯାହାକୁ ଭାଙ୍ଗିବା କଷ୍ଟକର। ଯେବେ ବି ତେନ୍ଦୁଲକର ପଡ଼ିଆକୁ ଆସୁଥିଲେ, ସେ ନିଜ ବ୍ୟାଟିଂ ସହିତ ଏକ ରେକର୍ଡ ସୃଷ୍ଟି କରୁଥିଲେ। ତାଙ୍କର ଏହି ଚମତ୍କାର ହେତୁ ତାଙ୍କୁ ଭାରତୀୟ ପ୍ରଶଂସକମାନେ 'ଗଡ୍ ଅଫ୍ କ୍ରିକେଟ୍' ବୋଲି କୁହନ୍ତି। ତାଙ୍କର ଅନେକ ରେକର୍ଡ ମଧ୍ୟରୁ ଆସନ୍ତୁ ୧୦ଟି ବଡ ରେକର୍ଡ ବିଷୟରେ ଜାଣିନେବା ଯାହାକୁ ଭାଙ୍ଗିବା କଷ୍ଟକର।
Also Read
ଅନ୍ତର୍ଜାତୀୟ କ୍ରିକେଟ୍ ରେ ସବୁଠାରୁ ଅଧିକ ଶତକ:
ସଚିନ ତେନ୍ଦୁଲକର ଅନ୍ତର୍ଜାତୀୟ କ୍ରିକେଟ୍ରେ ତିନୋଟି ଫର୍ମାଟ୍ରେ ମୋଟ ୧୦୦ଶତକ ହାସଲ କରିଛନ୍ତି। ଏହା ଏକ ବଡ ରେକର୍ଡ ଯାହା ଅନ୍ୟ କୌଣସି ବ୍ୟାଟ୍ସମ୍ୟାନଙ୍କ ପାଇଁ ଭାଙ୍ଗିବା କଷ୍ଟକର।
ସବୁଠାରୁ ଅଧିକ ଅନ୍ତର୍ଜାତୀୟ ରନ୍:
ୱାନ୍ ଡେ’ ଏବଂ ଟେଷ୍ଟ୍ କ୍ରିକେଟରେ ସଚିନ ତେନ୍ଦୁଲକର ସର୍ବାଧିକ ରନ୍ ସ୍କୋରର ଅଟନ୍ତି। ସେ ଅନ୍ତର୍ଜାତୀୟ କ୍ରିକେଟରେ ୩୦,୦୦୦ରୁ ଅଧିକ ରନ୍ କରିଛନ୍ତି। ତାଙ୍କର ମୋଟ ରନ୍ ହେଉଛି ୩୪,୩୫୭।
ଅଧିକ ପଢ଼ନ୍ତୁ: ଅର୍ଜୁନ ତେନ୍ଦୁଲକରଙ୍କୁ ଆୱାର୍ଡ ଦେଲେ ବାପା ସଚିନ
ସବୁଠାରୁ ଅଧିକ ଟେଷ୍ଟ ଏବଂ ୱାନ୍ ଡେ’ ଖେଳାଳି:
ସଚିନ ହେଉଛନ୍ତି ବିଶ୍ୱର ଏକମାତ୍ର ଖେଳାଳି ଯିଏକି ୨୦୦ଟି ଅନ୍ତର୍ଜାତୀୟ ଟେଷ୍ଟ; ମ୍ୟାଚ୍ ଖେଳିଛନ୍ତି। ସଚିନ ଏହି ତାଲିକାରେ ପ୍ରଥମ ସ୍ଥାନରେ ଥିବାବେଳେ ଷ୍ଟିଭ୍ ୱେ ୧୬୮ ଟେଷ୍ଟ୍ ମ୍ୟାଚ ସହ ଦ୍ୱିତୀୟ ସ୍ଥାନରେ ଅଛନ୍ତି। କେବଳ ଟେଷ୍ଟ୍ରେ ନୁହେଁ, ଦୁନିଆରେ ସବୁଠାରୁ ଅଧିକ ୱାନ୍ ଡେ’ ଖେଳିବାର ରେକର୍ଡ ମଧ୍ୟ ରହିଛି, ସଚିନ ୪୬୩ ଟି ୱାନ୍ ଡେ’ ଖେଳିଛନ୍ତି। ତାଙ୍କ ପରେ ୪୪୫ ଟି ୱାନ୍ ଡେ’ ଖେଳିଥିବା ଖେଳାଳି ହେଲେ ସନଥ ଜୟସୁରିଆ।
ବିଶ୍ୱକପ୍ରେ ସର୍ବାଧିକ ରନ୍ ସ୍କୋରର୍:
ସଚିନ ତେନ୍ଦୁଲକର ଇତିହାସର ଏକମାତ୍ର କ୍ରିକେଟର୍ ଯିଏକି ବିଶ୍ୱକପ୍ରେ ୨୦୦୦ରୁ ଅଧିକ ରନ୍ ସଂଗ୍ରହ କରିଛନ୍ତି। ସେ ୬ଟି ବିଶ୍ୱକପ୍ରେ ୨୨୭୮ରନ୍ ସଂଗ୍ରହ କରିଛନ୍ତି। ଏଥିସହ ତେନ୍ଦୁଲକର ୨୦୦୩ର ପ୍ରତିଯୋଗିତାରେ ୬୭୩ରନ୍ ସହ ବିଶ୍ୱକପ୍ରେ ସର୍ବାଧିକ ସ୍କୋରର ହେବାର ରେକର୍ଡ ରଖିଛନ୍ତି।
ୱାନ୍ ଡେ’ ରେ ସବୁଠାରୁ ଅଧିକ ମ୍ୟାନ୍ ଅଫ୍ ଦି ମ୍ୟାଚ୍:
ସଚିନ୍ ତେନ୍ଦୁଲକର ଦିନିକିଆରେ ମ୍ୟାନ୍ ଅଫ୍ ଦି ମ୍ୟାଚ୍ ପୁରସ୍କାର ପାଇଁ ରେକର୍ଡ ରଖିଛନ୍ତି। ସେ ଏହି ପୁରସ୍କାର ୬୨ଥର ପାଇଛନ୍ତି। ତାଙ୍କ ପରେ ରିକି ପଣ୍ଟିଙ୍ଗଙ୍କ ନାମ ଏହି ତାଲିକାରେ ଅଛି। ତାଙ୍କ ନାଁରେ ୪୭ଟି ପୁରସ୍କାର ଅଛି।
ଅଧିକାଂଶ ଚୌକା ମାରିଥିବା ଖେଳାଳି:
କୌଣସି ଖେଳାଳି ଟେଷ୍ଟ୍ ଏବଂ ୱାନ୍ ଡେ’ ଫର୍ମାଟ୍ରେ ସଚିନ ତେନ୍ଦୁଲକରଙ୍କ ଚୌକାକୁ ଅତିକ୍ରମ କରିବାରେ ସକ୍ଷମ ହେବେ ନାହିଁ। ସେ ଟେଷ୍ଟ୍ କ୍ରିକେଟରେ ପ୍ରାୟ ୨,୦୫୮ (+) ଏବଂ ୱାନ୍ ଡେ’ ଫର୍ମାଟ୍ରେ ୨,୦୧୬ ଚୌକା ମାରିଛନ୍ତି।
ୱାନ୍ ଡେ’ରେ ଦ୍ୱିଶତକ ହାସଲ କରିଥିବା ପ୍ରଥମ ଖେଳାଳି:
ଦିନିକିଆ କ୍ରିକେଟ୍ରେ ଦ୍ୱିଶତକ ହାସଲ କରିଥିବା ସଚିନ ତେନ୍ଦୁଲକର ହେଉଛନ୍ତି ବିଶ୍ୱର ପ୍ରଥମ ବ୍ୟାଟ୍ସମ୍ୟାନ୍। ସେ ୨୪ ଫେବୃଆରୀ ୨୦୧୦ରେ ଗ୍ୱାଲିଅରରେ ଦକ୍ଷିଣ ଆଫ୍ରିକା ବିପକ୍ଷରେ ଅପରାଜିତ ୨୦୦ ସ୍କୋର କରିଥିଲେ।
ସବୁଠାରୁ ଅଧିକ ଅର୍ଦ୍ଧ ଶତକର ଖେଳାଳି:
ସଚିନ୍ ତେନ୍ଦୁଲକର ମଧ୍ୟ ଅନେକ ଅର୍ଦ୍ଧଶତକ ହାସଲ କରିଛନ୍ତି। ସେ ଏହାକୁ ଏକ ଶତକରେ ପରିଣତ କରିବାକୁ ଚେଷ୍ଟା କରୁଥିଲେ। ସଚିନ ତାଙ୍କ କ୍ୟାରିୟରରେ ୧୬୪ ଅର୍ଦ୍ଧ ଶତକ ମାରିଛନ୍ତି।
ୱାନ୍ ଡେ’ରେ ଶେଷ ଓଭରରେ କମାଲ:
ବ୍ୟାଟିଂ ବ୍ୟତୀତ ସଚିନ ତେନ୍ଦୁଲକର ମଧ୍ୟ ବୋଲିଂରେ ଅନେକ ବଡ଼ ରେକର୍ଡ ସୃଷ୍ଟି କରିଛନ୍ତି। ଶେଷ ଓଭରରେ ସେ ଦୁଇଥର ୬ ରୁ କମ୍ ରନ୍ରେ ବଞ୍ଚେଇଛନ୍ତି। ୧୯୯୩ରେ ‘ହିରୋ କପ୍’ର ସେମିଫାଇନାଲରେ ଦକ୍ଷିଣ ଆଫ୍ରିକା ବିପକ୍ଷରେ ଏବଂ ୧୯୯୬ରେ ଅଷ୍ଟ୍ରେଲିଆ ବିପକ୍ଷରେ ସଚିନ ତେନ୍ଦୁଲକର ଏହି ପ୍ରଦର୍ଶନ କରିଥିଲେ।
ଦୀର୍ଘ ସମୟ ଧରି ଅନ୍ତର୍ଜାତୀୟ କ୍ରିକେଟ୍ ଖେଳିବାର ରେକର୍ଡ:
ସଚିନ ତେନ୍ଦୁଲକର ୧୬ ବର୍ଷ ବୟସରେ କ୍ରିକେଟ୍ରେ ଡେବ୍ୟୁ କରିଥିଲେ। ଏହା ପରେ ସେ ଖେଳିବା ଜାରି ରଖିଥିଲେ। ସେ ୨୪ ବର୍ଷ ଧରି ଅନ୍ତର୍ଜାତୀୟ କ୍ରିକେଟ୍ ଖେଳିଥିଲେ। ଏହା ଏକ ବଡ ରେକର୍ଡ ହୋଇଥିବା ବେଳେ କୌଣସି ଖେଳାଳି ଏହାକୁ ଭାଙ୍ଗିବା କଷ୍ଟକର।
