Salman Khan: Y+ ସୁରକ୍ଷା ପରେ ବି ଜଣେ ଯୁବତୀ ସଲମାନ ଖାନଙ୍କ ଫ୍ଲାଟ୍‌କୁ ପଶିଲେ; ପଚାରିବାରୁ କହିଲେ ଏମିତି

ବଲିଉଡ୍‌ ଭାଇଜାନ ସଲମାନ ଖାନ ୨୦୨୪ ମସିହାରୁ ତାଙ୍କ ସୁରକ୍ଷାକୁ ନେଇ ନିରନ୍ତର ଖବରରେ ଅଛନ୍ତି। ଗତବର୍ଷ ସଲମାନ ଖାନଙ୍କ ବାନ୍ଦ୍ରା ବାସଭବନ 'ଗାଲାକ୍ସି ଆପାର୍ଟମେଣ୍ଟ'ରେ ଗ୍ୟାଙ୍ଗଷ୍ଟର ଲରେନ୍ସ ବିଷ୍ନୋଇ ଗ୍ୟାଙ୍ଗ୍‌ ଦ୍ୱାରା ଗୁଳିଚାଳନା ପରେ ଅଭିନେତାଙ୍କୁ Y+ ସୁରକ୍ଷା ଦିଆଯାଇଛି।

କିନ୍ତୁ ଏହା ପରେ ମଧ୍ୟ ଦୁଇଜଣ ଅଜଣା ଲୋକ ପୁଣିଥରେ ସଲମାନଙ୍କ ଘରେ ପଶିଛନ୍ତି, ଯାହା ପରେ ପୋଲିସ ଉଭୟଙ୍କୁ ଗିରଫ କରିଛି। ଦୁଇ ଦିନ ଭିତରେ ଏହି ଦୁଇଟି ଘଟଣା ପରେ, ପୋଲିସ ସଲମାନଙ୍କ ସୁରକ୍ଷାକୁ ବୃଦ୍ଧି କରିଛି।

ସୂଚନା ଅନୁଯାୟୀ, ପ୍ରଥମେ ମେ’ ୨୦ରେ ଜଣେ ଯୁବକ ଏବଂ ତା’ପରେ ମେ’ ୨୧ରେ ଜଣେ ଯୁବତୀ ସଲମାନ ଖାନଙ୍କ ଡୋରବେଲ୍ ବଜାଇଥିଲେ। ସେହି ଯୁବତୀଙ୍କ ସିସିଟିଭି ଫୁଟେଜ୍ ଏବେ ଭାଇରାଲ୍‌ ହେବାରେ ଲାଗିଛି। ରାତି ୩ଟାରେ ସେ ସୁରକ୍ଷା କର୍ମୀଙ୍କୁ ବୋକା ବନାଇ ସଲମାନ ଖାନଙ୍କ ଘରେ ପହଞ୍ଚିଥିଲେ। ସଲମାନ ଖାନଙ୍କ ଘରେ ପଶି ତାଙ୍କ ଫ୍ଲାଟରେ ପହଞ୍ଚିବା ମାମଲାରେ ଗିରଫ ହୋଇଥିବା ଯୁବତୀଙ୍କ ନାଁ ଈଶା ଛାବରିଆ ବୋଲି ଜଣାପଡିଛି।

ଅଧିକ ପଢ଼ନ୍ତୁ:ପହଲଗାମ ଆକ୍ରମଣ ପରେ ଦୁଃଖରେ ସଲମାନ ଖାନ; ନେଲେ ଏହି ବଡ଼ ପଦକ୍ଷେପ

ବର୍ତ୍ତମାନ ପଚରାଉଚରା ସମୟରେ ଯୁବତୀ ଜଣକ କହିଛନ୍ତି ଯେ ସଲମାନ ଖାନ ନିଜେ ତାଙ୍କୁ ଫୋନ୍ କରିଥିଲେ। ଯାହା ପରେ ପୋଲିସ ଏହି ମାମଲାରେ ତଦନ୍ତକୁ ଜୋରଦାର କରିଛି। ପୋଲିସ ଆଗରେ ମହିଳା ଜଣକ ଆଉ କ’ଣ ପ୍ରକାଶ କରିଛନ୍ତି ଆସନ୍ତୁ ଜାଣିବା।

ଏକ ରିପୋର୍ଟ ଅନୁଯାୟୀ, ଗିରଫ ମହିଳା ଈଶା ଛାବରିଆ ପଚରାଉଚରା ସମୟରେ ପୋଲିସକୁ କହିଛନ୍ତି ଯେ ସେ ଜଣେ ମଡେଲ, ଯିଏ ଛଅ ମାସ ପୂର୍ବେ ଏକ ପାର୍ଟିରେ ସଲମାନ ଖାନଙ୍କୁ ଭେଟିଥିଲେ। ତା'ପରେ ସଲମାନ ଖାନ ତାଙ୍କୁ ତାଙ୍କ ଘରକୁ ନିମନ୍ତ୍ରଣ କରିଥିଲେ।

ଖାରରେ ରହୁଥିବା ଈଶା କହିଛନ୍ତି ଯେ ବିଲ୍‌ଡିଂ ପରିସରରେ ପ୍ରବେଶ କରିବା ପରେ, ଯେତେବେଳେ ସେ ବେଲ୍‌ ବଜାଇଲେ ସଲମାନଙ୍କ ପରିବାରର ଜଣେ ସଦସ୍ୟ କବାଟ ଖୋଲିଲେ। କିନ୍ତୁ, ଯେତେବେଳେ ସେମାନେ ତାଙ୍କୁ ଚିହ୍ନି ନଥିବା କହିଲେ, ବିଲ୍‌ଡିଂ କର୍ମଚାରୀମାନେ ତୁରନ୍ତ ତାଙ୍କୁ ପୋଲିସକୁ ହସ୍ତାନ୍ତର କରିଥିଲେ।

ତଥାପି, ଏପର୍ଯ୍ୟନ୍ତ ଈଶାଙ୍କ ଏହି ଦାବିର କୌଣସି ପ୍ରମାଣ ମିଳି ନାହିଁ। ତେଣୁ ତାଙ୍କ ଉପରେ ବିଶ୍ୱାସ କରାଯାଇପାରିବ ନାହିଁ। କିଛି ରିପୋର୍ଟରେ ଏହା ମଧ୍ୟ ଦାବି କରାଯାଇଛି ଯେ ଈଶା ଫିଲ୍ମରେ ଏକ ଭୂମିକା ପାଇଁ ସଲମାନଙ୍କୁ ଭେଟିବାକୁ ଚାହୁଁଥିଲେ। ସଲମାନ ତାଙ୍କୁ ଏ ବିଷୟରେ କଥା ହେବା ପାଇଁ ସମୟ ମଧ୍ୟ ଦେଇଥିଲେ।

ସଲମାନ ଖାନଙ୍କୁ ମହାରାଷ୍ଟ୍ର ସରକାରଙ୍କ ପକ୍ଷରୁ Y+ ବର୍ଗର ସୁରକ୍ଷା ମିଳିଛି। ତଥାପି ତାଙ୍କ ସୁରକ୍ଷାରେ ଏଭଳି ତ୍ରୁଟିର ମାମଲା ସାମ୍ନାକୁ ଆସିଛି, ଯାହା ପ୍ରଶ୍ନ ଉଠାଇଛି। ଈଶାଙ୍କ ପୂର୍ବରୁ, ମଙ୍ଗଳବାର ଦିନ ଜିତେନ୍ଦ୍ର କୁମାର ସିଂହ ନାମକ ଜଣେ ଯୁବକ ମଧ୍ୟ ସଲମାନଙ୍କ ଆପାର୍ଟମେଣ୍ଟ କମ୍ପ୍ଲେକ୍ସରେ ପ୍ରବେଶ କରିଥିଲେ।

ଅଧିକ ପଢ଼ନ୍ତୁ:ଲୋକଙ୍କ ଉପରେ ରାଗିଲେ ସଲମାନ ଖାନଙ୍କ ବଡିଗାର୍ଡ୍, କହିଲେ ସବୁ ଏଠୁ ଚାଲିଯାଅ