ସୋନାଲି ବେନ୍ଦ୍ରେଙ୍କ ସଂଘର୍ଷର କାହାଣୀ: ଘର ଭଡା ପାଇଁ ବି ନଥିଲା ଟଙ୍କା

ବଲିଉଡ୍‌ର ଝଲମଲ ଦୁନିଆରେ କଳାକାରଙ୍କ ସଂଘର୍ଷର କାହାଣୀ ପ୍ରାୟତଃ କୌଣସି ନା କୌଣସି ଜାଗାରେ ହଜିଯାଏ। ସେ ଅମିତାଭ ବଚ୍ଚନ ହୁଅନ୍ତୁ କି ଆମୀର ଖାନ, ସେମାନଙ୍କ ସଫଳତା ପଛରେ ଏକ ଦୀର୍ଘ ଦିନ ସଂଘର୍ଷର କାହାଣୀ ଲୁଚି ରହିଛି। ବଲିଉଡ୍‌ ହିରୋମାନଙ୍କ ସଂଘର୍ଷ ପ୍ରାୟତଃ ଜନସାଧାରଣଙ୍କ ନିକଟରେ ପହଞ୍ଚିଯାଏ, କିନ୍ତୁ ବଡ ପରଦାରେ ଚମକ ଭରୁଥିବା ଅଭିନେତ୍ରୀମାନଙ୍କର ସଂଘର୍ଷର କାହାଣୀ ଅନେକ ସମୟରେ ପରଦା ପଛରେ ରହିଯାଏ।

ଆଜି ଆମେ ୯୦ ଦଶକର ସେହି ଅଭିନେତ୍ରୀଙ୍କ ବିଷୟରେ କହିବା, ଯିଏ ବଲିଉଡକୁ ଅନେକ ଚଳଚ୍ଚିତ୍ର ଦେବାପରେ ହଠାତ୍ ତାଙ୍କ କ୍ୟାରିଅରରୁ ବିରତି ନେଇ ପାରିବାରିକ ସମୟକୁ ଉପଭୋଗ କରିଥିଲେ ଏବଂ ପରେ କର୍କଟ ରୋଗକୁ ପରାସ୍ତ କରିଥିଲେ।

ଅଧିକ ପଢ଼ନ୍ତୁ: ବଲିଉଡ୍‌ର ପ୍ରଥମ ମହିଳା ଷ୍ଟଣ୍ଟ୍‌ କଳାକାରଙ୍କ ସଂଘର୍ଷ ଓ ସଫଳତାର କାହାଣୀ

ଆପଣଙ୍କର ନିଶ୍ଚିତ ମନେଥିବ, “ତୁମ୍ ହୁସ୍ନ ପରୀ, ତୁମ୍ ଜାନେ ଜହାଁ। ତୁମ୍ ସବ୍‌ସେ ହସୀ, ତୁମ୍ ସବ୍‌ସେ ଜୱାଁ। ସୌନ୍ଦର୍ଯ୍ୟା ସାବୁନ୍ ନିର୍ମା” ବିଜ୍ଞାପନଟି। ଏହା ୯୦ ଦଶକର ସବୁଠାରୁ ପ୍ରଭାବଶାଳୀ ବିଜ୍ଞାପନ ମଧ୍ୟରୁ ଗୋଟିଏ। ବଲିଉଡ୍‌ରେ ଅନେକ ହିଟ୍ ଫିଲ୍ମ ଦେଇଥିବା ସୋନାଲି ବେନ୍ଦ୍ରେ ଏହି ବିଜ୍ଞାପନରେ ସମସ୍ତଙ୍କ ହୃଦୟ ଜିତିଯାଇଥିଲେ। ସୋନାଲିଙ୍କ ସଂଘର୍ଷ ଏବଂ ପ୍ରତିବଦ୍ଧତାକୁ ଏଥିରୁ ଅନୁମାନ କରାଯାଇ ପାରିବ ଯେ କିଛି ଦିନ ପୂର୍ବରୁ ସେ କର୍କଟ ଭଳି ମାରାତ୍ମକ ରୋଗକୁ ପରାସ୍ତ କରି ନୂଆ ଜୀବନ ପାଇଛନ୍ତି। ତେବେ ଆସନ୍ତୁ ତାଙ୍କର କିଛି ସଂଘର୍ଷର କାହାଣୀ ଉପରେ ନଜର ପକେଇ ନେବା।

ଗର୍ଭାବସ୍ଥାରେ କରିଥିଲେ ଆଇଟମ୍ ଗୀତର ସୁଟିଂ:

ଅଭିନେତ୍ରୀ ତାଙ୍କ ଚଳଚ୍ଚିତ୍ର କ୍ୟାରିୟରର କାହାଣୀକୁ ଅନେକ ଥର କହିଛନ୍ତି। ଥରେ ସେ ଏକ ଆଶ୍ଚର୍ଯ୍ୟଜନକ କାହାଣୀ କହିଥିଲେ। ଏକ ପୋର୍ଟାଲକୁ ଦିଆଯାଇଥିବା ଏକ ସାକ୍ଷାତକାରରେ ସୋନାଲି ତାଙ୍କ ଗର୍ଭଧାରଣ ବିଷୟକୁ ନେଇ ଆଶ୍ଚର୍ଯ୍ୟଜନକ ସୂଚନା ଦେଇଛନ୍ତି। ସେ କହିଥିଲେ ଯେ ସେ ଏକ ମରାଠୀ ଚଳଚ୍ଚିତ୍ର 'ଆଗା ବାଇ ଅରେଚା'ର ସୁଟିଂ କରୁଥିଲେ ଏବଂ ତାଙ୍କୁ ଆଇଟମ୍ ଗୀତ 'ଚମ୍‌ ଚମ୍‌ କର୍‌ତା'ରେ ନାଚିବାକୁ ଥିଲା। ସେ କହିଥିଲେ ଯେ ତାଙ୍କର ବିଲ୍‌କୁଲ୍ ଧାରଣା ନଥିଲା ଯେ ସେ ସେତେବେଳେ ଗର୍ଭବତୀ ଥିଲେ।

ଫରାହ ଖାନ ଏହି ଗୀତକୁ କୋରିଓଗ୍ରାଫି କରୁଥିଲେ ଏବଂ ସେ ସୋନାଲିଙ୍କ ପେଟକୁ ଦେଖି ପରିହାସ କରୁଥିଲେ। ସେ କହୁଥିଲେ, 'ଗୋଲ୍ଡି ବହଲଙ୍କ ଦ୍ୱାରା ତିଆରି ପରଟା ପ୍ରଭାବ ଦେଖାଉଛି'। ଏହାକୁ ନେଇ ଉଭୟ ଜମେଇକି ହସୁଥିଲେ, କିନ୍ତୁ ସୋନାଲି ଜାଣି ନଥିଲେ ଯେ ସେ ଜଣେ ମା’ ହେବାକୁ ଯାଉଛନ୍ତି। ଏହାର କିଛି ଦିନ ପରେ ସୋନାଲି ପୁଅ ରଣବୀର ବହଲଙ୍କୁ ଜନ୍ମ ଦେଇଥିଲେ।

ଘର ଭଡା ପାଇଁ ନଥିଲା ଟଙ୍କା:

ଏହି ସାକ୍ଷାତକାରରେ ସୋନାଲି କହିଥିଲେ, ବଲିଉଡରେ ସଫଳ ପାଇବା କଦାପି ସହଜ ନୁହେଁ। ଛୋଟ ବଜେଟ୍ ଚଳଚ୍ଚିତ୍ରରେ କାମ କରିବା ଏବଂ ଟଙ୍କା ପାଇଁ ଆଇଟମ୍ ଗୀତ କରିବା ଜରୁରୀ ହୋଇପଡେ। ତାଙ୍କ ଅସୁବିଧାକୁ ମନେପକାଇ ଅଭିନେତ୍ରୀ କହିଛନ୍ତି, ଏମିତି ଏକ ସମୟ ଥିଲା ଯେତେବେଳେ ସେ ଭଡ଼ାରେ ରହୁଥିଲେ ଏବଂ ଘର ଭଡା ପାଇଁ ତାଙ୍କ ପାଖରେ ଟଙ୍କା ନଥିଲା। ଏଭଳି ପରିସ୍ଥିତିରେ ତାଙ୍କୁ ଯାହା ଫିଲ୍ମ ମିଳୁଥିଲା ​​ତାହା କରିବାକୁ ପଡୁଥିଲା।

୨୦୦୨ରେ ଗୋଲ୍ଡି ବହଲଙ୍କୁ ବିବାହ:

ମହାରାଷ୍ଟ୍ରରେ ରହୁଥିବା ସୋନାଲି ବେନ୍ଦ୍ରେଙ୍କୁ ପ୍ରତ୍ୟେକ ସମୟରେ ତାଙ୍କ ଜୀବନସାଥୀ ଗୋଲ୍ଡି ବହଲ ସମର୍ଥନ କରୁଥିଲେ। କର୍କଟ ଭଳି ରୋଗକୁ ସୋନାଲି ପରାସ୍ତ କରିବା ପଛରେ ତାଙ୍କ ସ୍ୱାମୀ ଗୋଲ୍ଡି ବହଲ ତାଙ୍କର ସବୁଠାରୁ ବଡ ପ୍ରେରଣା ବୋଲି ବିବେଚନା କରାଯାଏ। ସୋନାଲି ଏବଂ ଗୋଲ୍ଡି ୨୦୦୨ରେ ବିବାହ କରିଥିଲେ ଏବଂ ୨୦୦୫ରେ ସେମାନଙ୍କର ଏକ ପୁଅ ହୋଇଥିଲା।

ବଲିଉଡ୍‌ରେ ଡେବ୍ୟୁ:

ସୋନାଲି ବେନ୍ଦ୍ରେଙ୍କ କ୍ୟାରିୟର ବିଷୟରେ କହିବାକୁ ଗଲେ ସେ ୧୯୯୪ମସିହାରେ ଫିଲ୍ମ 'ଆଗ୍‌'ରେ ଡେବ୍ୟୁ କରିଥିଲେ। ଅଭିନେତ୍ରୀ 'ଜଖମ୍‌', 'ସରଫରୋଶ', 'ହମ୍‌ ସାଥ୍‌ ସାଥ୍‌ ହେ' ଏବଂ 'ହମାରା ଦିଲ୍‌ ଆପ୍‌କେ ପାସ୍‌ ହେ' ଭଳି ଅନେକ ବଲିଉଡ୍‌ ଫିଲ୍ମ କରିଛନ୍ତି।