LIVE TV
ଅମିତାଭ ବଚ୍ଚନ ଏବଂ ଜୟା ବଚ୍ଚନ ୦୩ ଜୁନ୍ ୧୯୭୩ରେ ପରସ୍ପରଙ୍କୁ ସାତ ଜନ୍ମ ପାଇଁ ନିଜର କରିଥିଲେ। କିଛି ଦିନ ପରେ ଦୁହେଁ ବିବାହର ୫୦ ବର୍ଷ ପୂରଣ କରିବାକୁ ଯାଉଛନ୍ତି। ଯେତେବେଳେ ଜୟା ବିଗ୍ ବିଙ୍କୁ ବିବାହ କରିଥିଲେ, ସେତେବେଳେ ତାଙ୍କୁ ୨୫ ବର୍ଷ ହୋଇଥିଲା। ଆଜି ଉଭୟଙ୍କୁ ବଲିଉଡର ଆଇକନିକ୍ ଦମ୍ପତି ଭାବେ ବିବେଚନା କରାଯାଏ।
କୁହାଯାଏ ଯେ ସମ୍ପର୍କ ଯେତେ ଭଲ ହେଉନା କାହିଁକି, କିନ୍ତୁ କଳି ଝଗଡା ସମସ୍ତଙ୍କ ଘରେ ରହିଛି। ଏହା ମଧ୍ୟ କୁହାଯାଏ ଯେ କଳି ଝଗଡା ପ୍ରେମକୁ ମଜଭୁତ କରିଥାଏ। ଲୋକମାନେ ବହୁତ ଭଲ ଭାବରେ ଜାଣନ୍ତି ଯେ ଜୟା କେତେ ନିରବ ଏବଂ ଅପରପକ୍ଷେ ଅମିତାଭ ମଧ୍ୟ ଶାନ୍ତ ଏବଂ ମଜାଳିଆ। କିନ୍ତୁ ଆପଣ ଜାଣନ୍ତି କି ଶତାବ୍ଦୀର ମେଗାଷ୍ଟାର ଅମିତାଭ ଥରେ ଜୟାଙ୍କ ଉପରେ କ୍ରୋଧିତ ହୋଇଥିଲେ।
ଅଧିକ ପଢ଼ନ୍ତୁ: ଅମିତାଭଙ୍କ ସହ କାମ ନ କରିବାକୁ ଶ୍ରୀଦେବୀ ନେଇଥିଲେ ଶପଥ, ହେଲେ କାହିଁକି…
Also Read
ଅମିତାଭ ବଚ୍ଚନ ଏବଂ ଜୟା ବଚ୍ଚନଙ୍କ ପ୍ରେମ କାହାଣୀ ଏବଂ ବିବାହ ବିଷୟରେ ଲୋକମାନେ ଜାଣନ୍ତି, କିନ୍ତୁ ଉଭୟଙ୍କ ମଧ୍ୟରେ ମନମାଳିନ୍ୟ କଥା କେବେ ଘରୁ ବାହାରକୁ ଆସି ନଥିଲା, କିନ୍ତୁ ଯେତେବେଳେ ଦୁହିଁଙ୍କ ମଧ୍ୟରେ ଝଗଡା ସାମ୍ନାକୁ ଆସିଥିଲା ବିଗ୍ ବି ଗଣମାଧ୍ୟମ ସାମ୍ନାରେ ଜୟାଙ୍କ ଉପରେ ନିଜର ଅସନ୍ତୋଷ ବ୍ୟକ୍ତ କରିଥିଲେ ଏବଂ ଏହାର କାରଣ ରେଖା ହିଁ ଥିଲେ। ତେବେ କ’ଣ ଥିଲା ଏହି ଘଟଣା ଆସନ୍ତୁ ଜାଣିବା।
ଅମିତାଭ ଏବଂ ରେଖାଙ୍କ ସମ୍ପର୍କକୁ ନେଇ ବିଗ୍ ବି କେବେ ବି କହି ନଥିଲେ, କିନ୍ତୁ ରେଖା ସେମାନଙ୍କ ସମ୍ପର୍କକୁ ସର୍ବଦା ଗ୍ରହଣ କରିଥିଲେ। ବିବାହ ପୂର୍ବରୁ ସେ ରେଖାଙ୍କ ସହ ତାଙ୍କର ଚାପ୍ଟର ବନ୍ଦ କରିଦେଇଥିଲେ, କିନ୍ତୁ ସେ ସମ୍ପର୍କ ଉପରେ ପ୍ରଶ୍ନ କେବେ ବି ବନ୍ଦ ହୋଇ ନଥିଲା।
ତେବେ ଅମିତାଭଙ୍କ ୫୦ତମ ଜନ୍ମଦିନ ଅବସରରେ ଅମିତାଭ ଜୟାଙ୍କ ସହ ଅନେକ ମିଡିଆ ଚ୍ୟାନେଲକୁ ସାକ୍ଷାତକାର ଦେଇଥିଲେ। ଗଣମାଧ୍ୟମ ସହିତ ଆଲୋଚନା ବେଳେ ସେ ରେଖା ଏବଂ ଅନ୍ୟମାନଙ୍କୁ ନେଇ ତୀକ୍ଷ୍ଣ ପ୍ରଶ୍ନର ଅତି ସରଳ ଭାବରେ ଉତ୍ତର ଦେଇଥିଲେ। କିନ୍ତୁ କ୍ରୋଧ ଭିତରେ ଭିତରେ ହିଁ ଥିଲା। ସାକ୍ଷାତକାର ଶେଷ ହେବା ପରେ ସେ ସାମ୍ବାଦିକମାନଙ୍କୁ ମଧ୍ୟାହ୍ନ ଭୋଜନ ମଧ୍ୟ ଦେଇଥିଲେ।
ଡାଇନିଂ ରୁମ୍ରେ ପହଞ୍ଚିବା ମାତ୍ରେ ଅମିତାଭ ଜୟାଙ୍କ ଉପରେ ରାଗିଗଲେ। ପ୍ରକୃତ କଥା ହେଲା ମଧ୍ୟାହ୍ନ ଭୋଜନ ସମୟରେ ଜୟା ତାଙ୍କୁ 'ଭାତ ପରଷିବା' ପଚାରିଥିଲେ। ସେ ଏହା ଉପରେ କ୍ରୋଧିତ ହୋଇ କହିଥିଲେ- “ତୁମେ କ’ଣ ଜାଣିନ ମୁଁ ଭାତ ଖାଏ ନାହିଁ, ତେବେ ତୁମେ ମୋତେ କାହିଁକି ପଚାରୁଛ।”
ଅମିତାଭଙ୍କୁ କ୍ରୋଧିତ ହେବାର ଦେଖି ଜୟା ଶାନ୍ତ ଭାବରେ କହିଥିଲେ, “ମୁଁ ତୁମକୁ ଏଥିପାଇଁ ପଚାରୁଛି, କାରଣ ରୁଟି ଏପର୍ଯ୍ୟନ୍ତ ଆସି ନାହିଁ। ଏହା ଶୁଣି ବିଗ୍ ବି ଆହୁରି ରାଗିଯାଇଥିଲେ ଆଉ ପାଟି କରି କହିଥିଲେ – “ମୁଁ ଭାତ ଖାଇବାକୁ ଚାହେଁ ନାହିଁ। ଆଉ ଏହା ତୁମେ ଭଲ ଭାବରେ ଜାଣ। ଠିକ୍ ଅଛି ଯଦି ବି ଏପର୍ଯ୍ୟନ୍ତ ରୁଟି ଆସିନାହିଁ, ତେବେ ତୁମେ ମୋତେ ଭାତ ଦିଅ ନାହିଁ। ତୁମକୁ ମୋ କଥା କାହିଁକି ବୁଝାପଡୁନି? ମୁଁ ତୁମକୁ କ’ଣ କହିବାକୁ ଚାହୁଁଛି ତୁମେ କାହିଁକି ବୁଝୁନାହଁ?”
ଯେତେବେଳେ ବିଗ୍ ବି’ଙ୍କ ରାଗ କମିଯାଇଥିଲା, ସେ ମଧ୍ୟ ଜୟାଙ୍କୁ ଗାଳିଗୁଲଜ କରିବା ପାଇଁ ଦୁଃଖ ଅନୁଭବ କରିଥିଲେ।
