ଛୋଟ ପରଦାରେ ବକ୍ସି ଜଗବନ୍ଧୁଙ୍କ ବୀରତ୍ୱର ଗାଥା, ନୂଆ ହିନ୍ଦୀ ଧାରାବାହିକ ‘ବିଦ୍ରୋହୀ’

ନୂଆଦିଲ୍ଲୀ: ଛୋଟ ପରଦାରେ ବକ୍ସି ଜଗବନ୍ଧୁଙ୍କ ବୀରତ୍ୱର ଗାଥା । ଜାତୀୟ ସ୍ତରର ଘରୋଇ ଟିଭି ଚ୍ୟାନେଲ ଷ୍ଟାରପ୍ଲସ୍‌ର ନୂଆ ହିନ୍ଦୀ ଧାରାବାହିକ ବିଦ୍ରୋହୀର ପ୍ରୋମୋକୁ ନେଇ ଏବେ ସବୁଠି ଚର୍ଚ୍ଚା । ଏଥିରେ ଇଂରେଜ ଶାସନ କାଳରେ ଶ୍ରୀମନ୍ଦିରରେ ପ୍ରବେଶ ପାଇଁ କର ଲଗାଯିବା କାହାଣିକୁ ସ୍ଥାନୀତ କରାଯାଇଥିବା କୁହାଯାଉଛି । ପ୍ରୋମୋରୁ ମଧ୍ୟ ସେହି କାହାଣିର କିଛି ଅଂଶ ବେଶ ସ୍ପଷ୍ଟ ବାରି ହୋଇପଡ଼ୁଛି । ଇଂରେଜଙ୍କଏହି ନିୟମ ପରେ ବକ୍ସି ଜଗବନ୍ଧୁଙ୍କ ବିରୋଧର ପୁରା କାହାଣି ଏହି ଧାରାବାହିକ ବିଦ୍ରୋହୀରେ ଦେଖିବାକୁ ମିଳିବ ।

ଏଥିରେ ବକ୍ସି ଜଗବନ୍ଧୁଙ୍କ ଭୂମିକାରେ ଅଭିନୟ କରିଛନ୍ତି ଶରଦ ମାଲହୋତ୍ରା । ଭାରତର ସ୍ୱାଧୀନତା ପାଇଁ ପ୍ରଥମ ସଂଗ୍ରାମ କୁହାଯାଉଥିବା ପାଇକ ବିଦ୍ରୋହକୁ ଏଥିରେ ଚିତ୍ରଣ କରାଯାଇଛି ।

Also Read

'ଖତରୋଁ କେ ଖିଲାଡି ୧୧'ର ବିଜେତା ହେଲେ ଅର୍ଜୁନ ବିଜଲାନି

ଲଢେଇ ଚାଲିଛି ପିପିଲିରେ: ଆଜି ପ୍ରଚାର ମୈଦାନକୁ ଓହ୍ଲାଇଛନ୍ତି ସମ୍ବିତ ପାତ୍ର

ଫେସ୍‌ବୁକ୍‌ର ଆଞ୍ଜେଲ ପିୟୁ ଗିରଫ, ଯୁବକଙ୍କୁ ପ୍ରସାଦ ଦେଇ ଘରୁ କରିଥିଲା ଲୁଟ୍‌

ତେବେ ଏହି ଧାରାବାହିକର ଆକର୍ଷଣୀୟ ପ୍ରୋମୋକୁ ଦେଖିବା ପରେ ଓଡ଼ିଶାବାସୀ ତଥା ଯୁବପିଢ଼ିଙ୍କ ମନରେ ପୁରା ଧାରାବାହିକ ଦେଖିବାକୁ ବେଶ ଆଗ୍ରହ ଥିବା ଦେଖାଯାଇଛି । ସୋସିଆଲ ମିଡିଆରେ ଏହାର ପ୍ରୋମୋକୁ ବହୁଳ ମାତ୍ରାରେ ସେୟାର କରାଯାଇଛି । ଏମିତିକି ଫେସବୁକ୍‌ ୟୁଜର୍ସ ଏହି ଭିଡିଓକୁ ଡାଉନଲୋଡ କରି ନିଜ ନିଜ ଆକାଉଣ୍ଟରେ ପୁଣି ଥରେ ଅପଲୋଡ୍ କରିଛନ୍ତି । ଖାଲି ସେତିକି ନୁହେଁ ଟ୍ୱିଟର, କୁ’, ଇନ୍‌ଷ୍ଟାଗ୍ରାମ ଭଳି ବିଭିନ୍ନ ସୋସିଆଲ ସାଇଟ୍‌ରେ ମଧ୍ୟ ବିଦ୍ରୋହୀ ପ୍ରୋମୋକୁ ବେଶ ପ୍ରଶଂସା ମିଳିଛି । ଏମିତିକି ଲୋକଙ୍କ ହ୍ୱାଟ୍ସଆପ୍‌ ଷ୍ଟାଟସ୍‌ରେ ମଧ୍ୟ ପ୍ରୋମୋ ଭିଡିଓ ଦେଖିବାକୁ ମିଳିଛି ।

ଓଡ଼ିଶାବାସୀଙ୍କ ବୀର ଗାଥା ସହ ଜଡ଼ିତ ଥିବାରୁ ଏହି କାହାଣି ଓଡ଼ିଶାରେ ବେଶ୍‌ ଲୋକପ୍ରିୟତା ହାସଲ କରିବ ବୋଲି କୁହାଯାଉଛି । ଏହି ଧାରାବାହିକ କେବେ ମୁକ୍ତିଲାଭ କରିବ, ତା’ଉପରେ ସମସ୍ତଙ୍କ ନଜର । 

OTV is now on Whatsapp

Join and get latest news update delivered to you via whatsapp

Join Now