ଶାହରୁଖ ଥିଲେ ଗେମ୍ ଚେଞ୍ଜର୍; ୯୦ ଦଶକର ସୁପରଷ୍ଟାରର ସଂଜ୍ଞା କରିଦେଲେ ପରିବର୍ତ୍ତନ

ବଲିଉଡ୍ ଇଣ୍ଡଷ୍ଟ୍ରୀର ଭାଗ୍ୟବିଧାତା ସାଜିଛନ୍ତି କିଙ୍ଗ୍ ଖାନ୍। ମଝି ଦରିଆରେ ବୁଡିଯାଉଥିବା ବଲିଉଡ୍‌କୁ ଉଦ୍ଧାର କରିଦେଇଛନ୍ତି ଶାହରୁଖ। ଫିଲ୍ମ 'ପଠାନ' ମାଧ୍ୟମରେ ସେ ବଲିଉଡ୍‌ର ମର୍ଯ୍ୟାଦାର ରଖିନେଇଛନ୍ତି। ବର୍ତ୍ତମାନ ସେ ଫିଲ୍ମ ‘ଜବାନ’ର ସଫଳତାର ଉତ୍ସାହରେ ବ୍ୟସ୍ତଥିବା ବେଳେ ତାଙ୍କ ପ୍ରଶଂସକଙ୍କ ପାଇଁ ନଭେମ୍ବର ୨ ସବୁବେଳେ ଏକ ବିଶେଷ ଦିନ ହୋଇ ରହିବ। କାରଣ ଏହିଦିନ କିଙ୍ଗ ଖାନ୍‌ ଜନ୍ମ ଗ୍ରହଣ କରିଥିଲେ।

୫୮ଟି ବସନ୍ତ ପାର କରିଥିବା ଶାହରୁଖ ଖାନଙ୍କ ଦେଶ ତଥା ବିଶ୍ୱରେ କୋଟି କୋଟି ପ୍ରଶଂସକ ଅଛନ୍ତି। ଶାହରୁଖ ଖାନଙ୍କ ଚଳଚ୍ଚିତ୍ର 'ଜବାନ', ଯାହା ବକ୍ସ ଅଫିସରେ ସର୍ବକାଳୀନ ବ୍ଲକ୍‌ବଷ୍ଟର ହୋଇପାରିଛି ଏବଂ ୨୦୨୩ ବର୍ଷର ସବୁଠାରୁ ବଡ ଏଣ୍ଟରଟେନର ଭାବରେ ଉଭା ହୋଇଛି। ଆଜି ତାଙ୍କ ଜନ୍ମଦିନ ଅବସରରେ OTT ପ୍ଲାଟ୍‌ଫର୍ମ ମଧ୍ୟ ଏହା ମୁକ୍ତିଲାଭ କରୁଛି।

ଅଧିକ ପଢ଼ନ୍ତୁ: ବଢ଼ିଲା କିଙ୍ଗ ଖାନ୍‌ଙ୍କ ସୁରକ୍ଷା; ଏଣିକି ଶାହରୁଖଙ୍କୁ ମିଳିବ Y+ ସୁରକ୍ଷା

ପ୍ରଶଂସକମାନେ ଏହାକୁ ଶାହାରୁଖ ଖାନଙ୍କ ଜନ୍ମଦିନ ପାଇଁ ଏକ ରିଟର୍ନ ଉପହାର ଭାବରେ ବିଚାର କରୁଛନ୍ତି। ଶାହରୁଖ ଖାନଙ୍କ ‘ଜବାନ’ ଚଳଚ୍ଚିତ୍ର ରିଲିଜ୍‌ ହେବାର ୫୬ ଦିନ ବିତିଗଲାଣି, କିନ୍ତୁ ଏହି ଚଳଚ୍ଚିତ୍ରଟି ନୂଆ ରେକର୍ଡ ସୃଷ୍ଟି କରିବାରେ ପଛରେ ନାହିଁ।

ରୂପେଲି ପରଦାରେ 'ଜବାନ' ଭାବରେ ଶାହରୁଖ ଖାନଙ୍କ ଜଲୱା ଏବେ ବି ଜାରି ରହିଛି। ଯଦି ଆମେ ଏହି ଆକଳନକୁ ବିଶ୍ୱାସ କରାଯାଏ ତେବେ ‘ଜବାନ’ ୨୦୨୩ର ସର୍ବାଧିକ ଆୟ କରିଥିବା ହିନ୍ଦୀ ଚଳଚ୍ଚିତ୍ର ଏବଂ ଚତୁର୍ଥ ସର୍ବାଧିକ ଆୟ କରିଥିବା ଭାରତୀୟ ଚଳଚ୍ଚିତ୍ର ହୋଇପାରିଛି।

୫୮ ବର୍ଷରେ ପାଦ ଦେଇଥିବା ଶାହରୁଖ ଖାନଙ୍କ ଚଳଚ୍ଚିତ୍ର କ୍ୟାରିୟରକୁ ଦେଖିଲେ, ତେବେ ସେ ପ୍ରକୃତରେ ବଲିଉଡର କିଙ୍ଗ ଖାନ। ସେ ନିଜର ପରିଶ୍ରମ ଏବଂ ଦକ୍ଷତା ସହିତ ଏହି ପଦବୀ ହାସଲ କରିଛନ୍ତି। ବିଶେଷ କଥା ହେଉଛି ବୟସର ଏହି ପର୍ଯ୍ୟାୟରେ ବି ଯେତେବେଳେ ହିନ୍ଦୀ ସିନେମାର ଭୂମିକା ସୀମିତ ହୋଇଯାଉଥିଲା, ଶାହାରୁଖ ରୂପେଲି ପରଦାରେ ହିରୋମାନଙ୍କ ଭାବମୂର୍ତ୍ତିକୁ ବଦଳାଇ ଦେଇଥିବାର ଦେଖାଯାଆନ୍ତି ଏବଂ ପରଦାରେ ଏପରି ଜଣେ ହିରୋ ଭାବରେ ଦେଖାଯାଆନ୍ତି ଯାହା ସମସ୍ତଙ୍କୁ ଆଶ୍ଚର୍ଯ୍ୟ କରିଦିଏ।

ଫିଲ୍ମ 'ଦିୱାନା' ଠାରୁ ଆରମ୍ଭ କରି 'ଜବାନ' ପର୍ଯ୍ୟନ୍ତ ଶାହରୁଖ ଖାନ ପରଦାରେ ଅଭିନୟ କରିବାର ଚିହ୍ନ ଛାଡିଦେଇଛନ୍ତି। ଏହା କେବଳ ଜଣେ 'ବାଜିଗର୍‌' ହିଁ କରିପାରେ। ସେ ୧୯୮୧-୧୯୯୬ ପିଢି ହେଉ କି ୧୯୯୭-୨୦୧୨ ପିଢି ହେଉ ଶାହାରୁଖ ଖାନଙ୍କ ଅଭିନୟରେ ସମସ୍ତେ ପ୍ରଭାବିତ। ବର୍ତ୍ତମାନ, ହିନ୍ଦୀ ସିନେମାରେ ଏପରି କୌଣସି ଅଭିନେତା ନାହାଁନ୍ତି ଯିଏ ଏହିସବୁ ପିଢି ଉପରେ ଏମିତି ରାଜ କରିଛନ୍ତି।

ନବେ ଦଶକରେ ଶାହରୁଖ ଖାନ ବଲିଉଡରେ ପ୍ରବେଶ କରିଥିଲେ। ତାହା ଏହି ସମୟ ଥିଲା ଯେତେବେଳେ ଦେଶର ରାଜନୈତିକ, ସାମାଜିକ ତଥା ଅର୍ଥନୈତିକ କ୍ଷେତ୍ରରେ ଏକାସାଙ୍ଗରେ ଅନେକ ଘଟଣା ଘଟୁଥିଲା। ବିଶ୍ୱ ସ୍ତରରେ ମଧ୍ୟ ଏହା ଅଶାନ୍ତିର ସମୟ ଥିଲା। ସେତେବେଳେ ଅର୍ଥନୈତିକ ଉଦାରୀକରଣକୁ ନେଇ ଦେଶରେ ସ୍କ୍ରିପ୍ଟ ଲେଖାଯାଉଥିଲା। ଏସବୁ ମଧ୍ୟରେ ଶାହରୁଖ ଖାନ ପରଦାରେ ରୋମାନ୍ସର ଏକ ନୂଆ ସଂଜ୍ଞା ସୃଷ୍ଟି କରିଥିଲେ। ସେ ହିଁ ହିନ୍ଦୀ ସିନେମାରେ ସୁପରଷ୍ଟାରର ସଂଜ୍ଞା ପରିବର୍ତ୍ତନ କରିଥିଲେ।

ଶାହାରୁଖ ଖାନଙ୍କ ସଫଳତା ମଧ୍ୟ ଆଶ୍ଚର୍ଯ୍ୟଜନକ। ଏ ସବୁ ପଛରେ ତାଙ୍କର ଉତ୍ସାହ, ପରିଶ୍ରମ, ସଂଘର୍ଷ ଏବଂ ସମର୍ପଣକୁ ଅଣଦେଖା କରାଯାଇପାରିବ ନାହିଁ। ଶାହରୁଖ ଖାନଙ୍କ ସଂଘର୍ଷ ଏକ ଚଳଚ୍ଚିତ୍ର କାହାଣୀଠାରୁ ମଧ୍ୟ କମ୍ ନୁହେଁ। ବାପାଙ୍କୁ ଖୁବ୍ ଭଲ ପାଉଥିବା ଶାହରୁଖ ଖାନ ତାଙ୍କ ପିଲାଦିନକୁ ନ୍ୟାସ୍‌ନାଲ୍‌ ସ୍କୁଲ ଅଫ୍ ଡ୍ରାମା ପ୍ରାଙ୍ଗଣରେ ଅତିବାହିତ କରିଥିଲେ, ଯାହା ସବୁଠାରୁ ବଡ ଅଭିନୟ ବିଦ୍ୟାଳୟ ବୋଲି କୁହାଯାଏ। ଏହା ସତ ଯେ ସେ ଏଠାରେ କେବେ ଅଧ୍ୟୟନ କରିନାହାନ୍ତି, କିନ୍ତୁ ସମ୍ପର୍କ ଖୁବ ଗଭୀର।