Tarang Plus Web Series: ତରଙ୍ଗ ପ୍ଲସ୍‌ର ନୂଆ ସିରିଜ୍ ଖିଟ୍‌ପିଟ୍; ଏହି ସମୟରେ ମାଗଣା ଦେଖନ୍ତୁ

ସ୍ୱାମୀ-ସ୍ତ୍ରୀଙ୍କ ଭିତରେ ଝଗଡା କାହା ଘରେ ବା ନ ହୁଏ। ସବୁ ବିବାହିତ ନାରୀ-ପୁରୁଷ ଏହାକୁ ନିଶ୍ଚିତ ଭାବେ ଅଙ୍ଗେ ଲିଭାଉଥିବେ। କିନ୍ତୁ ଏହି ସବୁ ଛୋଟମୋଟ ଝଗଡା ଭିତରେ ବି ଲୁଚି ରହିଥାଏ ପ୍ରେମଟିଏ।

ଦର୍ଶକଙ୍କ ମନୋରଂଜନ ପାଇଁ ‘ତରଙ୍ଗ ପ୍ଲସ୍‌’ସବୁବେଳେ କିଛି ନୂଆ କରିବା ଭଳି ଏଥର ବି ସେମିତି କିଛି କରିଛି। ବର୍ତ୍ତମାନ ସ୍ୱାମୀ-ସ୍ତ୍ରୀଙ୍କ ଏହି ଛୋଟମୋଟ କଳି ଆଉ ପ୍ରେମକୁ ନେଇ ଏକ ନୂଆ ଧରଣର ୱେବ୍ ସିରିଜ୍ ନେଇ ଆସିଛି, ଯାହାର ଟାଇଟଲ୍ ହେଉଛି ‘ଖିଟ୍‌ପିଟ୍’। ଏହା ସବୁ ପ୍ରକାର ଦର୍ଶକଙ୍କୁ ମନୋରଂଜନ କରିବାର ଖୋରାକ ରଖେ।

ଆସନ୍ତୁ ଜାଣିବା କ’ଣ କୁହେ କାହାଣୀ:

ଆନ୍ସ ଏବଂ ପ୍ରିୟା ଏକ ଓଡିଆ ଯୁବ ଦମ୍ପତି ଭୁବନେଶ୍ୱର ଏକ ଆପାର୍ଟମେଣ୍ଟରେ ସେମାନଙ୍କର ଆରାମଦାୟକ ଜୀବନ ବିତାନ୍ତି। ସେମାନଙ୍କ ଦାମ୍ପତ୍ୟ ଜୀବନରେ କିଛି ଖଟା-ମିଠା ଘଟଣା ଦେଖିବାକୁ ମିଳେ। ଆନ୍ସ ଓ ପ୍ରିୟା ଅନଶ ଉଭୟ ଭିନ୍ନ ଭିନ୍ନ ବିଚାରର ହୋଉଥିବା ବେଳେ ସେମାନଙ୍କ ମଧ୍ୟରେ ହେଉଥିବା ଯୁକ୍ତି ସବୁବେଳେ ହୃଦୟସ୍ପର୍ଶୀ ମିଳାମିଶା ଆଡକୁ ନେଇଯାଏ।

ଅଧିକ ପଢ଼ନ୍ତୁ: ଭିକି କୌଶଲଙ୍କୁ ମରାଠାଙ୍କ ବିରୋଧ, ଶମ୍ଭାଜୀ ରାଓଙ୍କ ଚରିତ୍ରରେ ନାଚିଥିଲେ

ଏହି ସିରିଜ୍‌ରେରେ ବର୍ତ୍ତମାନ ସମୟର ଓଡିଆ ନବ ଦମ୍ପତିଙ୍କ ମଧ୍ୟରେ ଥିବା ଖଟା-ମିଠା କାହାଣୀ ଦେଖିବାକୁ ମିଳିବ। ଏଥିରେ ଦେଖିବାକୁ ମିଳେ ଯେ ନୂଆ ନୂଆ ବିବାହ କରିଥିବା ଯୋଡିଙ୍କ ମଧ୍ୟ ହେଉଥିବା କଳି କିପରି ସେମାନଙ୍କର ଯାତ୍ରାକୁ ଉଭୟ ପ୍ରାମାଣିକ ଏବଂ ଆକର୍ଷଣୀୟ କରିଥାଏ। ପ୍ରତ୍ୟେକ ସ୍ଥିତି ଏକ କୋମଳ ଭଲ ପାଇବା ସହିତ ଶେଷ ହୁଏ ଏବଂ ଛୋଟ ଛୋଟ ମୁହୂର୍ତ୍ତରେ ଏବଂ ବଡ ବଡ ମତଭେଦ ଭିତରେ ପ୍ରେମ କିପରି ବଢେ ତାହା ଦେଖିବାକୁ ମିଳେ।

ଏହି ସିରିଜ୍‌ର ମୁଖ୍ୟ ଭୂମିକାରେ ଅଭିଶେକ୍ ପଣ୍ଡା ଓ ବିଏମ୍ ବୈଶାଳୀ ଅଭିନୟ କରିଥିବା ବେଳେ ହରିଶ ଦାଶ ଏହାର ନିର୍ଦ୍ଦେଶନା ଦେଇଛନ୍ତି। ରାଧାମାଧବ ଦାସ ମହାପାତ୍ର ଏହାର ସହକାରୀ ପ୍ରଯୋଜକ ଭୂମିକା ତୁଲାଇଥିବା ବେଲେ ରଂଜନ ଶତପଥି ଏହାର କ୍ରିଏଟିଭ୍ ହେଡ୍ ଅଛନ୍ତି।

ଏହି ସିରିଜ୍ ଭାଲେଣ୍ଟାଇନ୍ସ ଡେ ଅବସରରେ ୧୪ ଫେବୃଆରୀରୁ ତରଙ୍ଗ ପ୍ଲସ୍‌ରେ ମାଗଣା ଷ୍ଟ୍ରିମିଂ ହେଉଛି। ଏଥିରେ ୧୦ ଟି ଏପିସୋଡ୍ ଥିବା ବେଳେ ସବୁଦିନ ସନ୍ଧ୍ୟା ୫ଟାରେ ଗୋଟିଏ ନୂଆ ଏପିସୋଡ୍ ଦେଖିବାକୁ ମିଳେ।

ଅଧିକ ପଢ଼ନ୍ତୁ: କୁମ୍ଭମେଳାରେ ବିମୋହିତ କରୁଛି ମୋନାଲିସାଙ୍କ ଆଖି; ଭିଡ ଭିତରେ ବି ସମସ୍ତଙ୍କୁ କରୁଛନ୍ତି ଆକର୍ଷିତ...