Sunny Deol: ସବୁଠାରୁ ଆଗରେ ସନ୍ନି ଦେଓଲ୍; ୪ ନମ୍ବରରେ ରଜନୀକାନ୍ତ, ୮ରେ ପ୍ରଭାସ

IMDbର 2025 ର ବହୁ ପ୍ରତୀକ୍ଷିତ ଭାରତୀୟ ଚଳଚ୍ଚିତ୍ର ଏବଂ ଶୋ’ର ତାଲିକାରେ ଅନେକ ମଜାଦାର ନାଁ ଦେଖାଯାଉଛି। ଏଥିରେ ଭାରତୀୟ ସିନେମାର ଭେଟେରାନ୍ ତାରକା ଏବଂ ରୋମାଞ୍ଚକର କାହାଣୀର ଏକ ଅଦ୍ଭୁତ ମିଶ୍ରଣ ମଧ୍ୟ ଅଛି।

ଦର୍ଶକଙ୍କ କୌତୁହଳ ଏବଂ ଲୋକପ୍ରିୟତା ଆଧାରରେ IMDb ର ଏହି ତାଲିକା ପ୍ରସ୍ତୁତ କରାଯାଇଛି, ଯାହା ଭାରତୀୟ ମନୋରଞ୍ଜନ ଶିଳ୍ପ ପାଇଁ ଏକ ଭଲ ଆରମ୍ଭ ବୋଲି ସୂଚାଇଥାଏ। ରଜନୀକାନ୍ତ ଏବଂ ପ୍ରଭାସଙ୍କ ଚଳଚ୍ଚିତ୍ର ମଧ୍ୟ IMDb ତାଲିକାରେ ଅନ୍ତର୍ଭୁକ୍ତ ହୋଇଥିଲେ ମଧ୍ୟ ଏହି ତାଲିକାରେ ସନ୍ନି ଦେଓଲ ଶୀର୍ଷରେ ଅଛନ୍ତି।

ସନ୍ନି ଦେଓଲଙ୍କ ‘ଜାଟ୍‌’ IMDb ୨୦୨୫ର ମୋଷ୍ଟ ଆଣ୍ଟିସିପେଟେଡ୍ ଭାରତୀୟ ଫିଲ୍ମ ଏବଂ ଶୋ’ର ତାଲିକାରେ ପ୍ରଥମ ସ୍ଥାନ ଅଧିକାର କରିଛି, ଯେଉଁଥିରେ ଏକ ଆକ୍ସନ୍ ଏବଂ ଡ୍ରାମା ଦେଖିବାକୁ ମିଳିବ। ଫିଲ୍ମରେ ସନ୍ନି ଦେଓଲ ଏବଂ ରଣଦୀପ ହୁଡାଙ୍କ ମଧ୍ୟରେ ଦମଦାର ଫାଇଟ୍ ହେବ।

ଅଧିକ ପଢ଼ନ୍ତୁ: ଫିଲ୍ମ 'ସିକନ୍ଦର'କୁ ବଏକଟ୍ କରନ୍ତୁ, ଗାଜାକୁ ଦାନ କରନ୍ତୁ: ମୁସଲମାନ ସାମାଜିକ କର୍ମୀ

ଏହା ପରେ ‘ସାଡି’ ଦ୍ୱିତୀୟ ସ୍ଥାନରେ ଅଛନ୍ତି, ଯାହା ଏହାର ଅନନ୍ୟ କାହାଣୀ ସହିତ ଦର୍ଶକଙ୍କୁ ଆକର୍ଷିତ କରୁଛି। ତିନି ନମ୍ବରରେ ରହିଛି ‘ସନ୍ଥ ଜ୍ଞାନେଶ୍ୱରାଞ୍ଚି ମୁଖ୍‌ତାଇ’, ଯାହା ଏକ ଐତିହାସିକ ଏବଂ ଆଧ୍ୟାତ୍ମିକ କାହାଣୀ ଉପରେ ଆଧାରିତ।

IM25b ୨୦୨୫ର ବହୁ ପ୍ରତୀକ୍ଷିତ ଭାରତୀୟ ଚଳଚ୍ଚିତ୍ର ଏବଂ ଶୋ’ର ତାଲିକାରେ ଚତୁର୍ଥ ସ୍ଥାନରେ ରହିଛି ଆକ୍ସନ୍ ଏବଂ କମେଡିର ମିଶ୍ରଣ ସୁପରଷ୍ଟାର ରଜନୀକାନ୍ତଙ୍କ ‘କୁଲି’। ସେହିପରି ପଞ୍ଚମ ସ୍ଥାନରେ ରହିଛି ‘ଗ୍ରାଉଣ୍ଡ ଜିରୋ’, ଯାହା ଏକ ରୋମାଞ୍ଚକର ଥ୍ରୀଲର ହେବ ବୋଲି ଆଶା କରାଯାଏ। ‘ଗୁଡ୍ ବ୍ୟାଡ୍‌ ଅଗଲୀ’ ଷଷ୍ଠ ନମ୍ବରରେ ନିଜର ସ୍ଥାନ ସୃଷ୍ଟି କରିଛି, ଯେଉଁଥିରେ ସସ୍‌ପେନ୍ସ ଏବଂ ଡ୍ରାମାର ଏକ ତଡ୍‌କା ମିଳିବ।

ସପ୍ତମ ସ୍ଥାନରେ ରହିଛି ‘ରେଟ୍ରୋ’, ଯେଉଁଥିରେ ସିଙ୍ଘମ୍ ସୂର୍ଯ୍ୟାଙ୍କୁ ଦେଖିବାକୁ ମିଳିବ। ଆଠ ନମ୍ବରରେ ରହିଛି ପ୍ରଭାସଙ୍କ ‘ଦି ରାଜା ସାବ୍‌’, ଯେଉଁଥିରେ ହରର-କମେଡି ଏବଂ ରୋମାନ୍ସର ଏକ ନିଆରା ସଂଗମ ଦେଖିବାକୁ ମିଳିବ। ସେହିପରି ‘କିଙ୍ଗଷ୍ଟନ୍’ ନବମ ସ୍ଥାନରେ ଏବଂ ‘ଭୁଲ୍ ଚୁକ୍ ମାଫ୍’ ଦଶମ ସ୍ଥାନରେ ରହିନ୍ତି, ଯାହା ଦର୍ଶକଙ୍କୁ ଏକ ଭାବପ୍ରବଣ ଏବଂ ମନୋରଂଜନର ଖୋରାକ୍ ଦେବ।

ଅଧିକ ପଢ଼ନ୍ତୁ: ସଲମାନ ଖାନଙ୍କ ବଡ ପ୍ରଶଂସକ; ବାଣ୍ଟିଲେ ଲକ୍ଷାଧିକ ଟଙ୍କାର ଟିକେଟ୍‌