Sreeleela: କାର୍ତ୍ତିକ ଆର୍ଯ୍ୟନଙ୍କ ପରେ ସିଦ୍ଧାର୍ଥ ମଲହୋତ୍ରାଙ୍କ ସହ ରୋମାନ୍ସ କରିବେ ଶ୍ରୀଲୀଲା !

ସାଉଥ୍ ଫିଲ୍ମ ଇଣ୍ଡଷ୍ଟ୍ରିର ସୁନ୍ଦରୀ ଏବଂ ପ୍ରତିଭାଶାଳୀ ଅଭିନେତ୍ରୀ ଶ୍ରୀଲୀଲା ଏବେ ବଲିଉଡ୍‌କୁ କାବୁ କରିବାରେ ଲାଗିଲେଣି। ତାଙ୍କର ଦମଦାର୍ ଏଣ୍ଟ୍ରୀ ହେବାକୁ ଯାଉଛି। ପୂଜା ହେଗ୍‌ଡେ, ରଶ୍ମିକା ମନ୍ଦାନାଙ୍କ ଭଳି ଅଭିନେତ୍ରୀଙ୍କ ପରେ ଏବେ ଶ୍ରୀଲୀଳା ମଧ୍ୟ ହିନ୍ଦୀ ଫିଲ୍ମ ଜଗତରେ ଲଗାତର ନଜର ଆସୁଛନ୍ତି।

ପ୍ରଥମେ ସେ କାର୍ତ୍ତିକ ଆର୍ଯ୍ୟନଙ୍କ ସହ ଏକ ରୋମାଣ୍ଟିକ ଫିଲ୍ମ ସୁଟିଂ କରୁଥିବାର ଦେଖାଯାଇଥିଲେ ଏବଂ ଏବେ ସଦ୍ୟତମ ରିପୋର୍ଟ ଅନୁଯାୟୀ, ତାଙ୍କୁ ବଲିଉଡର ଆଉ ଜଣେ ବଡ଼ ନା ସିଦ୍ଧାର୍ଥ ମଲହୋତ୍ରାଙ୍କ ବିପକ୍ଷରେ କାମ କରିବାର ସୁଯୋଗ ମିଳିଛି।

ରିପୋର୍ଟରେ ଦାବି କରାଯାଇଛି ଯେ ସିଦ୍ଧାର୍ଥ ମଲହୋତ୍ରାଙ୍କ ପରବର୍ତ୍ତୀ ଫିଲ୍ମରେ ଶ୍ରୀଲୀଲାଙ୍କୁ କାଷ୍ଟ୍‌ କରାଯାଇଛି। ଏହି ଫିଲ୍ମଟିକୁ ଆଉ କେହି ନୁହେଁ ବରଂ 'ଡ୍ରିମ୍‌ଗର୍ଲ' ଭଳି ସୁପରହିଟ୍ ଫିଲ୍ମ ତିଆରି କରିଥିବା ରାଜ ଶାଣ୍ଡିଲ୍ୟଙ୍କ ଦ୍ୱାରା ନିର୍ଦ୍ଦେଶିତ ହେବାକୁ ଯାଉଛି।

ଅଧିକ ପଢ଼ନ୍ତୁ: ଦୀପିକା ଚିଖ୍‌ଲିଆ କିପରି ହେଲେ ରାମାନନ୍ଦ ସାଗରଙ୍କ 'ରାମାୟଣ'ରେ ସୀତା

ତେବେ ହାଲ୍‌କା-ଫୁଲ୍‌କା କିନ୍ତୁ ହୃଦୟସ୍ପର୍ଶୀ କାହାଣୀ ପାଇଁ ରାଜ୍ ଜଣାଶୁଣା। ଯଦି ଏହି ଯୋଡ଼ି ଠିକ୍ ହୁଏ, ତେବେ ଲୋକମାନେ ଏକ ମଜାଦାର, ନୂଆ ରୋମାଣ୍ଟିକ ଆଙ୍ଗେଲ୍ ଦେଖିବାକୁ ପାଇବେ।

ଯଦିଓ ଏହି ଫିଲ୍ମ ବିଷୟରେ ଏପର୍ଯ୍ୟନ୍ତ କୌଣସି ଆନୁଷ୍ଠାନିକ ଘୋଷଣା କରାଯାଇ ନାହିଁ, କିନ୍ତୁ ବଲିଉଡ୍‌ ମହଲରେ ଏହି ଖବରକୁ ନେଇ ବହୁତ ଚର୍ଚ୍ଚା ଚାଲିଛି। ଆଶା କରାଯାଉଛି ଯେ ନିର୍ମାତା ଖୁବ୍ ଶୀଘ୍ର ଏହି ନୂଆ ଯୋଡ଼ିଙ୍କ କାଷ୍ଟିଂ ସମ୍ପର୍କରେ ଏକ ଆନୁଷ୍ଠାନିକ ମତ ଦେବେ।

ଯଦି ଆମେ ଶ୍ରୀଲୀଲାଙ୍କ ବର୍ତ୍ତମାନର ଫିଲ୍ମ ବିଷୟରେ କଥା ହେବା, ତେବେ ସେ ଖୁବ୍ ଶୀଘ୍ର କାର୍ତ୍ତିକ ଆର୍ଯ୍ୟନଙ୍କ ସହ ଅନୁରାଗ ବସୁଙ୍କ ରୋମାଣ୍ଟିକ ଡ୍ରାମା ଫିଲ୍ମରେ ନଜର ଆସିବେ। ଫିଲ୍ମର ଟିଜର ରିଲିଜ୍ ହୋଇସାରିଛି। ଏଥିରେ ଉଭୟଙ୍କ ମଧ୍ୟରେ ଥିବା କେମେଷ୍ଟ୍ରିର ଝଲକ ଲୋକଙ୍କ ଦୃଷ୍ଟି ଆକର୍ଷଣ କରିଛି।

ଅନ୍ୟପକ୍ଷରେ, ସିଦ୍ଧାର୍ଥ ମଲହୋତ୍ରା ମଧ୍ୟ ଆଜିକାଲି ବ୍ୟସ୍ତ ଅଛନ୍ତି। ସେ ଜାହ୍ନବୀ କପୁରଙ୍କ ସହ ତାଙ୍କର ଆଗାମୀ ଫିଲ୍ମ 'ପରମ ସୁନ୍ଦରୀ'ର ସୁଟିଂ କରୁଛନ୍ତି। ଏହି ଫିଲ୍ମଟି ତୁଷାର ଜଲୋଟାଙ୍କ ଦ୍ୱାରା ନିର୍ଦ୍ଦେଶିତ ଏବଂ ଏହାକୁ ଏକ ଇମୋସନାଲ୍-ଡ୍ରାମା ବୋଲି କୁହାଯାଉଛି।

ତେବେ ବଲିଉଡ୍‌ରେ ତାଜା ଏବଂ ଆକର୍ଷଣୀୟ ଯୋଡ଼ିଙ୍କୁ ନେଇ ଲୋକମାନେ ସର୍ବଦା ଜିଜ୍ଞାସୁ ଥାଆନ୍ତି। ଏପରି ପରିସ୍ଥିତିରେ, ଯଦି ସିଦ୍ଧାର୍ଥ ଏବଂ ଶ୍ରୀଲୀଲା  ପ୍ରକୃତରେ ପରଦାରେ ଏକାଠି ହୁଅନ୍ତି, ତେବେ ଏହି ନୂଆ ଯୋଡ଼ି ବଲିଉଡ୍‌ରେ ଏକ ନୂଆ ରୋମାଣ୍ଟିକ ଟ୍ରେଣ୍ଡ୍ ସୃଷ୍ଟି କରିପାରିବେ। ଶ୍ରୀଲୀଲାଙ୍କ ନିରୀହ ଏବଂ ଫ୍ରେସ୍ ଚେହେରା ସହିତ ସିଦ୍ଧାର୍ଥଙ୍କ ଚାର୍ମ ଦର୍ଶକଙ୍କୁ ନିଶ୍ଚିତ ଭାବରେ ପସନ୍ଦ ଆସିବ।

ଅଧିକ ପଢ଼ନ୍ତୁ: ‘ରାମାୟଣ’ର ସୀତା ବି ‘ରାମ ତେରୀ ଗଙ୍ଗା ମୈଲି’ରେ ନାୟିକା ହେବାକୁ ଚାହିଁଥିଲେ