ସୋନୁଙ୍କ ବର୍ଥ ଡେ ଉଇସ୍,’ହସପିଟାଲରେ ୧୦୦୦ ବେଡ୍ ଓ ଛାତ୍ରଙ୍କୁ ବୃତ୍ତି ମିଳିବା ଦରକାର’

ମୁମ୍ବାଇ: ବଲିଉଡ ଅଭିନେତା ସୋନୁ ସୁଦଙ୍କର ଆଜି ଜନ୍ମଦିନ । ସୋନୁ ଭଲ ଅଭିନୟ କରି ରିଲ୍ ହିରୋ ପାଲଟିଥିବା ବେଳେ ନିଜର ଭଲ କାମ ଓ ଗରିବଙ୍କୁ ସାହାଯ୍ୟ କରି ରିଅଲ ହିରୋ ପାଲଟି ଯାଇଛନ୍ତି । କରୋନା ସମୟରେ ବିଭିନ୍ନ ଉପାୟରେ ଲକ୍ଷ ଲକ୍ଷ ଗରିବ ଲୋକଙ୍କୁ ସାହାଯ୍ୟ କରିଥିଲେ ସୋନୁ । ଆଜି ତାଙ୍କ ଜନ୍ମଦିନରେ ମଧ୍ୟ ତାଙ୍କର ବଡ ହୃଦୟକୁ ପରିଚୟ ଦେଇଛନ୍ତି।  ତାଙ୍କ ଜନ୍ମଦିନ ଅବସରରେ ସୋନୁ ସୁଦ ତାଙ୍କ ହୃଦୟରେ ଏପରି ଏକ କଥା ସେୟାର କରିଛନ୍ତି ଯେ, ଯାହାକୁ ଫ୍ୟାନ୍ସମାନେ ବେଶ ପ୍ରଶଂସା କରିଛନ୍ତି  ।

ତାଙ୍କ ଜନ୍ମଦିନ ଅବସରରେ ସୋନୁ ସୁଦ୍ ଛାତ୍ରମାନଙ୍କ ପାଇଁ ଛାତ୍ରବୃତ୍ତି ଏବଂ ରୋଗୀମାନଙ୍କ ପାଇଁ ଶଯ୍ୟା ବ୍ୟବସ୍ଥା କରିବା ପାଇଁ ଇଚ୍ଛା ପ୍ରକାଶ କରିଛନ୍ତି । ଆଗାମୀ ଜନ୍ମଦିନ ସୁଦ୍ଧା ହସ୍ପିଟାଲରେ ଅତି କମରେ ୧୦୦୦-୧୫୦୦ ଶଯ୍ୟା ଏବଂ ଛାତ୍ରମାନଙ୍କ ପାଇଁ ଦଶ ଗୁଣ ଅଧିକ ଛାତ୍ରବୃତ୍ତି ବ୍ୟବସ୍ଥା କରିବି ବୋଲି ଆଶା ପ୍ରକାଶ କରିଛନ୍ତି ସୋନୁ।

Also Read

ପିଏସ୍‌ଙ୍କ ଘରେ ଭିଜିଲାନ୍ସ ରେଡ୍ ଘଟଣା, ନଗଦ ୨୫ ଲକ୍ଷ ଟଙ୍କା ଜବତ ! OSSC ସଦସ୍ୟ କହିଲେ ‘କିଛି ଜାଣିନି’..

'ବଡେ ଅଛେ ଲଗ୍‌ତେ ହେଁ ୨'କୁ ନା’ କଲେ ଦିବ୍ୟାଙ୍କା ତ୍ରିପାଠୀ

ହିମାଚଳରେ ଭୂସ୍ଖଳନ: ଚାହୁଁ ଚାହୁଁ ଗାଏବ ହୋଇଗଲା ରାସ୍ତା

ସୋନୁ କହିଛନ୍ତି ଯେ 'ଏହା ଏକ ବଡ କଥା, ମୋର ପ୍ରଶଂସକ ଏବଂ ଦେଶର ଲୋକମାନଙ୍କ ଭଲ ପାଇବା ଦେଖି ମୁଁ ବହୁତ ଖୁସି । ଲୋକଙ୍କୁ ସାହାଯ୍ୟ କରିବା ପାଇଁ ମୁଁ ଯେଉଁ ଅଭିଯାନ ଆରମ୍ଭ କରିଛି ତାହା କେବଳ  ଗାଁ ବା ରାଜ୍ୟରେ ସୀମିତ ନୁହେଁ। ବରଂ ସମଗ୍ର ଦେଶ ପାଇଁ ସାହାଯ୍ୟ କରିବାକୁ ଚାହୁଁଛି । ନିକଟରେ ହିନ୍ଦୁସ୍ଥାନ ଟାଇମ୍ସର ଏକ  ସାକ୍ଷାତକାରରେ ସୋନୁ କହଥିଲେ ଯେ, ଆଗାମୀ ବର୍ଷରେ ମୁଁ ଦେଶରେ ସମସ୍ତଙ୍କ ପାଇଁ ଶିକ୍ଷା ମୁକ୍ତ କରିବାକୁ ଚାହୁଁଛି । ଏହାଛଡ଼ା ସୋନୁ କହିଛନ୍ତି କି ମୋତେ ବିଭିନ୍ନ ରାଜ୍ୟରୁ କଲ୍ ଆସୁଛି ଏବଂ ମୋ ଜନ୍ମଦିନରେ ୭ରୁ ୮ ଜଣ ଲୋକ ବାଇକରେ ମୁମ୍ବାଇ ଆସୁଛନ୍ତି । ଲୋକଙ୍କୁ ସାହାଯ୍ୟ କରିବା ଓ ତାଙ୍କ ପାଖରେ ପହଞ୍ଚିବା ମୋ ପାଇଁ ଏକ ବଡ଼ ଚ୍ୟାଲେଞ୍ଜ ବୋଲି ସୋନୁ କହିଛନ୍ତି ।