Sonam Kapoor: ଅସଦାଚରଣର କଳା କାହାଣୀ କହିଲେ ସୋନମ; ଜଣେ ପୁଅ ପଛରୁ ଆସି ମୋ ଛାତିକୁ…

ସାଧାରଣ ଝିଅମାନଙ୍କ ପରି, ବଲିଉଡରେ ଅନେକ ଅଭିନେତ୍ରୀ ଅଛନ୍ତି ଯେଉଁମାନେ ପିଲାଦିନେ ଅସଦାଚରଣର ଶିକାର ହୋଇଛନ୍ତି। ସେହିପରି ଜଣେ ଅଭିନେତ୍ରୀ ଅଛନ୍ତି, ଯିଏ ଏକ ସୁପରଷ୍ଟାର ପରିବାରରୁ ଆସିଛନ୍ତି। ସେହି ଅଭିନେତ୍ରୀଙ୍କୁ ୧୩-୧୪ ବର୍ଷ ବୟସରେ ଜଣେ ଅଜଣା ବ୍ୟକ୍ତି ଅସଦାଚରଣ କରିଥିଲେ, ଯାହାକୁ ସେ ଆଜି ପର୍ଯ୍ୟନ୍ତ ଭୁଲିପାରି ନାହାଁନ୍ତି। ତେବେ ଆସନ୍ତୁ ଜାଣିବା ସେ କିଏ ଏବଂ କାହାଣୀ କ’ଣ।

ଏହି ଅଭିନେତ୍ରୀ ଆଉ କେହି ନୁହଁନ୍ତି, ସେ ହେଲେ ଅନିଲ କପୁରଙ୍କ ଝିଅ ସୋନମ କପୁର। ସୋନମ ଏମିତି ଜଣେ ଅଭିନେତ୍ରୀ ଯିଏ ସବୁବେଳେ ଖୋଲାଖୋଲି ଭାବରେ କଥା ହେବାକୁ ପସନ୍ଦ କରନ୍ତି। ଥରେ ସେ ଅସଦାଚରଣ ଘଟଣାରେ ପ୍ରତିକ୍ରିୟା ଦେଇଥିଲେ।

ବହୁ ବର୍ଷ ପୂର୍ବେ ସୋନମ କପୁର ଏକ ସାକ୍ଷାତକାରରେ ଏହି ଘଟଣା ବିଷୟରେ କହିଥିଲେ। ୨୦୧୬ରେ ରାଜୀବ ମସନ୍ଦଙ୍କ ସହ 'ଦି ବଲିଉଡ୍‌ ରାଉଣ୍ଡ ଟେବୁଲ' ଶୋ'ରେ ସୋନମ ନଜର ଆସିଥିଲେ। ତାଙ୍କ ସହିତ ଅନୁଷ୍କା ଶର୍ମା, ରାଧିକା ଆପ୍ଟେ, ଆଲିଆ ଭଟ୍ଟ ଏବଂ ବିଦ୍ୟା ବାଲାନଙ୍କ ଭଳି ବ୍ୟକ୍ତିତ୍ୱ ମଧ୍ୟ ଦେଖାଯାଇଥିଲେ। ଏହି ସମୟରେ ସୋନମ ତାଙ୍କ କିଶୋର ଅବସ୍ଥାରେ ଘଟିଥିବା ଘୃଣ୍ୟ କାର୍ଯ୍ୟର ଖୁଲାସା କରିଥିଲେ।

ଅଧିକ ପଢ଼ନ୍ତୁ:ଆରପାରିରେ ବଲିଉଡର ପ୍ରସିଦ୍ଧ ନିର୍ଦ୍ଦେଶକ ଜ୍ୟାକି ଶ୍ରଫ୍, ମନୀଷା କୋଇରାଲାଙ୍କ ସହ ଦେଇଥିଲେ ହୀଟ୍

ସୋନମ କପୁର କହିଥିଲେ ଯେ ତାଙ୍କୁ ସେତବେଳେ ୧୩-୧୪ ବର୍ଷ ବୟସ ହେବ। ଥରେ ସେ ତାଙ୍କ ବନ୍ଧୁମାନଙ୍କ ସହିତ ରବୀନା ଟଣ୍ଡନ ଏବଂ ଅକ୍ଷୟ କୁମାରଙ୍କ ଏକ ଫିଲ୍ମ ଦେଖିବାକୁ ଗୈଟି ଗାଲାକ୍ସି ଥିଏଟରକୁ ଯାଇଥିଲେ। ତାଙ୍କ ସହିତ ଅନେକ ବନ୍ଧୁ ଥିଲେ ଏବଂ ସେହି ଦିନ ତାଙ୍କ ବନ୍ଧୁଙ୍କ ଜନ୍ମଦିନ ମଧ୍ୟ ଥିଲା।

ଏପରି ପରିସ୍ଥିତିରେ, ସେମାନେ ସମସ୍ତେ ସମୋସା କିଣିବା ପାଇଁ ଦୋକାନକୁ ଯାଇଥିଲେ। ସବୁ ଝିଅ ପରସ୍ପରଙ୍କ କାନ୍ଧରେ ହାତ ରଖି ଠିଆ ହୋଇଥିଲେ। ସେତେବେଳେ ପଛରୁ ଜଣେ ଅଜଣା ବ୍ୟକ୍ତି ଆସି ତାଙ୍କ ସହିତ ଅସଦାଚରଣ କରିଥିଲା। ସୋନମ କପୁର ଆଜି ପର୍ଯ୍ୟନ୍ତ ସେହି ଘଟଣାକୁ ଭୁଲିପାରି ନାହାଁନ୍ତି।

ସୋନମ କପୁର କହିଥିଲେ, “ଜଣେ ବ୍ୟକ୍ତି ପଛରୁ ଆସି ମୋ ଛାତିକୁ ଚାପି ଦେଲା। ମୁଁ ହଠାତ ଥରି ଉଠିଲି। ମୁଁ ଭିତରୁ ପୂରା ଥରୁଥିଲି ଏବଂ କ’ଣ କରିବି ବୁଝି ପାରିଲି ନାହିଁ। ମୁଁ କେବଳ କାନ୍ଦିବାକୁ ଲାଗିଲି ଏବଂ ବହୁତ ସମୟ ପର୍ଯ୍ୟନ୍ତ କାନ୍ଦିଲି।”

ସୋନମ କପୁର କହିଥିଲେ ଯେ ସେ ବହୁତ ବର୍ଷ ଧରି ସେହି ଘଟଣା ବିଷୟରେ ସେ ଘରେ କାହାକୁ କହି ନଥିଲେ। ଯେତେବେଳେ ସୋନମ ଜାଣିଲେ ଯେ ପ୍ରତିଦିନ ଅନେକ ଲୋକ ଏପରି ଘଟଣା ଦେଇ ଗତି କରୁଛନ୍ତି ତେବେ ଯାଇ ସେ କହିଥିଲେ।

ସୋନମ କପୁର ସଞ୍ଜୟ ଲୀଲା ବଂଶାଲିଙ୍କ ଫିଲ୍ମ ‘ସାୱାରିଆ’ ସହିତ ଡେବ୍ୟୁ କରିଥିଲେ। ତାଙ୍କର ଶେଷ ଫିଲ୍ମ ୨୦୨୩ ମସିହାରେ ‘ବ୍ଲାଇଣ୍ଡ୍‌’ ଥିଲା। ଆଜିକାଲି ସେ ତାଙ୍କ ପୁଅ ବାୟୁ ଉପରେ ସମ୍ପୂର୍ଣ୍ଣ ଧ୍ୟାନ ଦେଉଛନ୍ତି ଏବଂ ପରିବାର ସହିତ ସମୟ ବିତାଉଛନ୍ତି।

ଅଧିକ ପଢ଼ନ୍ତୁ:ଦୀପିକା ପାଦୁକୋନ୍‌ଙ୍କ ନୂଆ ଫିଲ୍ମର ଟିଜର୍; ଆକ୍ସନ ମୁଡ୍‌ରେ ବଲିଉଡ୍ କ୍ୱିନ୍