Smriti Irani:ପୁଣି ବଡ଼ ପରଦାରେ ତୁଲସୀ, ୨୫ ବର୍ଷ ପରେ ଦମଦାର୍ କମବ୍ୟାକ୍

ପାଖାପାଖି ୮ବର୍ଷରୁ ଅଧିକ ସମୟ ଧରି ଦର୍ଶକଙ୍କ ହୃଦୟରେ ରାଜ କରୁଥିଲା ହିନ୍ଦୀ ଟେଲିଭିଜନ ଧାରାବାହିକ ‘କ୍ୟୁଁକି ଶାଶ୍ ଭି କଭି ବହୂ ଥି’ । ଧାରାବାହିକର ଲୋକପ୍ରିୟତା ଏତେ ଅଧିକ ଥିଲା ଯେ ଲୋକମାନେ ଖାଇବା ପିଇବା ଭୁଲି ଟିଭି ଆଗରେ ବସିପଡୁଥିଲେ । ଘରେ ଘରେ ଏହାର ଚର୍ଚ୍ଚ। ହେଉଥିଲା । ଏହି ସିରିଏଲରୁ ଘରେ ଘରେ ପରିଚିତ ହୋଇଥିଲେ ସ୍ମୃତି ଇରାନୀ ।

ଏବେ ୨୫ ବର୍ଷ ପରେ ଦମଦାର୍ କମବ୍ୟାକ୍ କରିବେ ଛୋଟପରଦାକୁ । ତାହା ପୁଣି ‘କ୍ୟୁଁକି ଶାଶ୍ ଭି କଭି ବହୂ ଥି-୨’ ରେ । ପୁଣି ଦର୍ଶକ କାନ୍ଦିବେ ଓ ହସିବେ ତୁଲସୀଙ୍କ ସହ । ଟିଭି ଇଣ୍ଡଷ୍ଟ୍ରୀକୁ ପୁଣିଥରେ ହ୍ୟାଲୋ ହାଏ କହିଛନ୍ତି ତୁଲସୀ ଓରଫ୍ ସ୍ମୃତି ଇରାନୀ ।

ତୁଲସୀ ଚରିତ୍ରରେ ଅଭିନୟ କରି ପୁଣି ଦର୍ଶକଙ୍କ ମନୋରଞ୍ଜନ କରିବେ ସେ । ପରଦାକୁ ଆସିବ ସବୁଠୁ ଆଇକନିକ୍ ଟିଭି ଶୋ' ' କ୍ୟୁଁକି ଶାଶ୍‌ ଭି କଭି ବହୂ ଥି -୨' । ନିକଟରେ ' କ୍ୟୁଁକି ଶାଶ୍‌ ଭି କଭି ବହୂ ଥି -୨'ର ପ୍ରୋମୋ ସେୟାର କରିଛନ୍ତି ମେକର୍ସ ।

ଅଧିକ ପଢନ୍ତୁ: ଦିନେ ମାସକୁ ୧୫୦ ଟଙ୍କା ରୋଜଗାର , ଆଜି ଘଣ୍ଟାକୁ ନେଉଛନ୍ତି ଲକ୍ଷାଧିକ ଟଙ୍କା

ସାମନାକୁ ଆସିଛି ସ୍ମୃତି ଇରାନୀଙ୍କ ଫାଷ୍ଟଲୁକ୍‌, ଯାହାକି ଫ୍ୟାନ୍ସଙ୍କ ମଧ୍ୟରେ ବଢାଇଦେଇଛି ଏକ୍ସାଇଟମେଣ୍ଟ । ଜୁଲାଇ ୨୯ରୁ ଏକ ଘରୋଇ ଏଣ୍ଟରଣ୍ଟେନମେଣ୍ଟ ଚ୍ୟାନେଲରେ ପ୍ରସାରିତ ହେବ । ଅଭିନେତ୍ରୀରୁ ନେତ୍ରୀ ଏବେ ପୁଣି ନେତ୍ରୀରୁ ଅଭିନେତ୍ରୀ ।

ନେତ୍ରୀ ହେବା ପୂର୍ବରୁ ୨୦୦୦ ମସିହାରେ ଏକତା କପୁରଙ୍କ ପପୁଲାର ଶୋ' ‘କ୍ୟୁଁକି ଶାଶ୍ ଭି କଭି ବହୂ ଥି'ରୁ ଘରେ ଘରେ ଫେମସ୍‌ ହୋଇଥିଲେ ସ୍ମୃତି ଇରାନୀ । ଏହା ପରେ ଅଭିନୟ କ୍ୟାରିୟରକୁ ଅଲବିଦା କହି ରାଜନୀତିରେ ମାରିଥିଲେ ଏଣ୍ଟ୍ରି ।

୨୦୦୩ରେ ବିଜେପିରେ ମିଶିଥିଲେ ସ୍ମୃତି ଇରାନୀ । ପରେ ସାଧାରଣ ନିର୍ବାଚନ ଜିତି କେନ୍ଦ୍ରରେ ଗୁରୁତ୍ୱପୂର୍ଣ୍ଣ ମନ୍ତ୍ରୀ ପଦ ସମ୍ଭାଳିଥିଲେ । ମାତ୍ର ଗତ ଲୋକସଭା ନିର୍ବାଚନରେ ପରାଜୟର ସ୍ବାଦ ଚାଖିଥିଲେ ସ୍ମୃତି ।

ନିର୍ବାଚନରେ ହାରିବା ପରେ ଏବେ ପୁଣି ପରଦାକୁ ଫେରିଛନ୍ତି ସମସ୍ତଙ୍କ ପ୍ରିୟ ତୁଲସୀ ଓରଫ୍‌ ସ୍ମୃତି ଇରାନୀ ।

ଅଧିକ ପଢନ୍ତୁ: ଫିଲ୍ମର ମୋସନ ପୋଷ୍ଟର ରିଲିଜ, ପସନ୍ଦ ଆସୁଛି ଭାଇଜାନଙ୍କ ଦମଦାର ଲୁକ୍