LIVE TV
ଆନ୍ଦୋଳନରୁ ଓହରିଲେ ପ୍ରଥା ଚଳଚିତ୍ରର ପ୍ରଯୋଜିକା ସନଲିଶା ପଟେଲଙ୍କ ସହ ଆନ୍ଦୋଳନରତ ଅଭିନେତା ଅଭିନେତ୍ରୀ । ଓଡ଼ିଆ ସିନେମା ବଞ୍ଚାଅ ନାରା ସହ ବିଭିନ୍ନ ଦାବି ନେଇ ଏମାନେ ଭୁବନେଶ୍ୱର ଗାନ୍ଧୀ ମାର୍ଗରେ ଧାରଣା ଦେଇଥିଲେ । ଆଜି ଶିଳ୍ପ ସଚିବ ହେମନ୍ତ ଶର୍ମାଙ୍କ ଅଧକ୍ଷତାରେ ବସିଥିବା ଏକ ବୈଠକରେ ଆଲୋଚନା ପରେ ଆନ୍ଦୋଳନରୁ ଓହରିଛନ୍ତି ।
Also Read
୨୦୨୪ ମାର୍ଚ୍ଚ ପୂର୍ବରୁ ରାଜ୍ୟ ସରକାର ଆଣିବେ ନୂଆ ସିନେମା ପଲିସି । ୨୦୧୯ ପଲିସିର ହେବ ସରଳୀକରଣ । ଓଡିଆ ଭାଷାରେ ସିନେମା ନିର୍ମାଣ ପ୍ରତି ଗୁରୁତ୍ୱ ଦିଆଯିବ। ଯେଉଁମାନେ ଭଲ କାହାଣୀର ଓଡିଆ ସିନେମା ପ୍ରସ୍ତୁତ କରିବେ ପ୍ରଯୋଜକମାନଙ୍କୁ ସବସିଡି ମଧ୍ୟ ଯୋଗାଇ ଦିଆଯିବ ।
ସେହିପରି ଗ୍ରାମାଞ୍ଚଳରେ ସିଙ୍ଗଲ୍ ମଲ୍ଟିପ୍ଲେକ୍ସ ନିର୍ମାଣ କରିବାକୁ ଦିଆଯିବ ଗୁରୁତ୍ୱ । ଗାଁ ଗାଁରେ ମିଶନ୍ ଶକ୍ତି ମାଧ୍ୟମରେ ସିନେମାର ପ୍ରଚାର ପ୍ରସାର କରାଯିବା ନେଇ ପ୍ରସ୍ତାବ ରହିଛି । ବିଗତ ତିନିରୁ ଚାରି ବର୍ଷ ମଧ୍ୟରେ ରାଜ୍ୟରେ ପଖାପାଖି ୪୦ରୁ ଅଧିକ ସିନେମା ହଲ୍ ବନ୍ଦ ହୋଇସାରିଥିବା ବେଳେ ସେଗୁଡିକୁ ପୁନରୁଦ୍ଧାର କରାଯିବ । ଯେଉଁମାନେ ନୂଆ ସିନେମା ହଲ୍ ନିର୍ମାଣ କରିବେ ସେମାନଙ୍କ ପାଇଁ ସବସିଡି ଦେବେ ସରକାର ।
ଏହି ବୈଠକରେ ଓଏଫଡିସିର ଚେୟାରମ୍ୟାନ୍ କୁନା ତ୍ରିପାଠୀ, ପ୍ରୟୋଜକ ସବ୍ୟସାଚ୍ଚୀ ମହାପାତ୍ର, ଅଭିନେତ୍ରୀ ମହାଶ୍ୱତା ରାୟ, ପ୍ରଯୋଜକ ତାପସ ସରଘରିଆ, ଅଭିନେତା ବୁଦ୍ଧାଦିତ୍ୟ ମହାନ୍ତି, ପ୍ରଯୋଜିକା ସନଲିସା ପ୍ରମୁଖ ଏହି ବୈଠକରେ ଉପସ୍ଥିତ ଥିଲେ ।
