Salman Khan: ଅସ୍ତ୍ରବିରତିକୁ ନେଇ ସଲମାନ ଖାନ କହିଲେ ଏମିତି; ଲୋକେ ତାତିଲେ, ଟ୍ରୋଲ୍ କଲେ

ସୋସିଆଲ ମିଡିଆରେସଲମାନ ଖାନଙ୍କୁ ଟ୍ରୋଲ୍‌ କରାଯାଉଛି। ସେ ଭାରତ ଏବଂ ପାକିସ୍ତାନ ମଧ୍ୟରେ ହୋଇଥିବା ଅସ୍ତ୍ରବିରତି ଚୁକ୍ତିନାମା ଉପରେ ଆଶ୍ୱସ୍ତି ପ୍ରକାଶ କରି ଟ୍ୱିଟ୍ କରିଛନ୍ତି। କିନ୍ତୁ ଟ୍ରୋଲ୍ ହେଲା ପରେ ସେ ଏହି ଟ୍ୱିଟ୍ ଡିଲିଟ୍‌ କରିଦେଇଛନ୍ତି। ସଲମାନ ତାଙ୍କ ଟ୍ୱିଟରେ ଲେଖିଥିଲେ, "ଭଗବାନଙ୍କୁ ଧନ୍ୟବାଦ ଯୁଦ୍ଧବିରତି ହୋଇଛି..."

୨୨ ଏପ୍ରିଲରେ ପହଲଗାମ ଆତଙ୍କବାଦୀ ଆକ୍ରମଣ ପରେ ଭାରତ ‘ଅପରେସନ ସିନ୍ଦୂର’ ଆରମ୍ଭ କରିଥିଲା। ଭାରତ ଏବଂ ପାକିସ୍ତାନ ମଧ୍ୟରେ ଉତ୍ତେଜନା ବୃଦ୍ଧି ପାଇଥିଲା। ଉଭୟ ପାର୍ଶ୍ୱରୁ ନିରନ୍ତର ଗୁଳିବର୍ଷା ଏବଂ କ୍ଷେପଣାସ୍ତ୍ର ଆକ୍ରମଣକୁ ବନ୍ଦ କରିବା ପାଇଁ, ଉଭୟ ଦେଶ ଶନିବାର ସନ୍ଧ୍ୟାରେ ଯୁଦ୍ଧବିରତି ଘୋଷଣା କରିଛନ୍ତି।

ଯୁଦ୍ଧବିରତି ଘୋଷଣା ହେବା ପରେ, ସଲମାନ ଖାନ ଟ୍ୱିଟ୍ କରିଥିଲେ ଏବଂ ପରେ ତାହାକୁ ଡିଲିଟ୍ କରିଦେଇଛନ୍ତି। ଯୁଦ୍ଧବିରତିକୁ ନେଇ ଅବିନେତାଙ୍କ ଏଭଳି ମନ୍ତବ୍ୟ ପାଇଁ ଅନେକ ତାଙ୍କୁ ସମାଲୋଚନା କରିଛନ୍ତି। କାରଣ ଏହା ପୂର୍ବରୁ ସଲମାନ ଆତଙ୍କବାଦୀ ଆକ୍ରମଣ, ଭାରତୀୟ ସେନାର ଜବାବ ଏବଂ ପହଲଗାମ ଆତଙ୍କବାଦୀ ଆକ୍ରମଣ ବିଷୟରେ ଗୋଟିଏ ବି ଶବ୍ଦ କହି ନଥିଲେ।

ଅଧିକ ପଢ଼ନ୍ତୁ:ପହଲଗାମ ଆକ୍ରମଣ ପରେ ଦୁଃଖରେ ସଲମାନ ଖାନ; ନେଲେ ଏହି ବଡ଼ ପଦକ୍ଷେପ

ସଲମାନ ଏହାକୁ ନେଇ ସାଧାରଣରେ କୌଣସି ବୟାନ ଦେଇ ନଥିଲେ କି ସୋସିଆଲ ମିଡିଆରେ କିଛି ବି ପୋଷ୍ଟ କରି ନଥିଲେ।

ଅନେକ ସୋସିଆଲ୍ ମିଡିଆ ୟୁଜର୍ସ ସଲମାନ ଖାନଙ୍କୁ ଭାରତୀୟ ସୈନିକ ଏବଂ ଆତଙ୍କବାଦର ଶିକାର ହୋଇଥିବା ବ୍ୟକ୍ତିଙ୍କୁ ଅଣଦେଖା କରିବାର ଅଭିଯୋଗ କରୁଛନ୍ତି। ଜଣେ ଲେଖିଛନ୍ତି ଯେ ସଲମାନ ଭାରତର ଯନ୍ତ୍ରଣାକୁ ନେଇ କିଛି କହିବା ଅପେକ୍ଷା ପାକିସ୍ତାନର ମଙ୍ଗଳ ବିଷୟରେ ଅଧିକ ଚିନ୍ତିତ ଥିବା ମନେହୁଏ। ହଙ୍ଗାମା ଏତେ ବଢ଼ିଗଲା ଯେ ସଲମାନ ଶେଷରେ ଟ୍ୱିଟ୍ ଡିଲିଟ୍‌ କରିଦେଲେ।

ଅସ୍ତ୍ରବିରତିକୁ ନେଇ ସଲମାନ ଖାନ କହିଲେ ଏମିତି

ତଥାପି, ସଲମାନ ଖାନଙ୍କ ଟ୍ୱିଟର ସ୍କ୍ରିନ୍‌ସଟ୍ ସୋସିଆଲ ମିଡିଆରେ ଭାଇରାଲ୍‌ ହେଉଛି। ବର୍ତ୍ତମାନ, ସଲମାନ ଖାନ ଏହି ବିଷୟରେ କୌଣସି ସରକାରୀ ସ୍ପଷ୍ଟୀକରଣ ଜାରି କରି ନାହାଁନ୍ତି, କିମ୍ବା କୌଣସି ନୂଆ ଟ୍ୱିଟ୍ କରିନାହାଁନ୍ତି।

ଜଣେ ଲେଖିଛନ୍ତି, "ସଲମାନ ଖାନ ତାଙ୍କ ଟ୍ୱିଟ୍ ଡିଲିଟ୍‌ କରିଦେଇଛନ୍ତି, ପହଲଗାମ ଉପରେ କିଛି ପୋଷ୍ଟ କରି ନାହାଁନ୍ତି। ଭାରତରେ ଆତଙ୍କବାଦୀ ଆକ୍ରମଣ ସମୟରେ ଶାହରୁଖ ଖାନ ଏବଂ ଆମିର ଖାନ ମଧ୍ୟ ନୀରବ ରହିଥିଲେ।"

ଆଉ ଜଣେ ଲେଖିଛନ୍ତି, "ଭାରତ ସଲମାନ ଖାନଙ୍କୁ ବୟକଟ କରିବା ଉଚିତ।" ଅନ୍ୟ ଜଣେ ଲେଖିଛନ୍ତି, "ଯଦି ବିସ୍ଫୋରଣ ପାକିସ୍ତାନରେ ହୋଇଥାନ୍ତା, ତେବେ ସେମାନେ କହିଥାନ୍ତେ ଯେ ଭାରତ ଏହା କରିଛି? ସଲମାନ ଖାନ ଏହି ଟ୍ୱିଟ୍ ୨୬/୧୧ ରେ ପୋଷ୍ଟ କରିଥିଲେ ଏବଂ ପରେ ଏହାକୁ ଡିଲିଟ୍ କରିଦେଇଥିଲେ। ପହଲଗାମ ଉପରେ କୌଣସି ଟ୍ୱିଟ୍ ନାହିଁ। ଭାରତରେ ଆତଙ୍କବାଦୀ ଆକ୍ରମଣ ଉପରେ ଶାହରୁଖ ଖାନ, ଆମିର ଖାନ – ନୀରବ ରହିଛନ୍ତି। ସବୁବେଳେ ମନେରଖନ୍ତୁ - ଫାଇଟ୍ ବ୍ୟାକ୍ ଇଣ୍ଡିଆ।”

ଅଧିକ ପଢ଼ନ୍ତୁ:ପହଲଗାମ ଆକ୍ରମଣ ପରେ ଦୁଃଖରେ ସଲମାନ ଖାନ; ନେଲେ ଏହି ବଡ଼ ପଦକ୍ଷେପ