LIVE TV
ଚଳିତ ବର୍ଷ ଅକ୍ଟୋବର ୯ ତାରିଖରେ ଦେଶ ତଥା ତାଙ୍କ ପ୍ରିୟଜନମାନେ ଦିଗ୍ଗଜ ବ୍ୟବସାୟୀ ରତନ ଟାଟାଙ୍କୁ ହରାଇଥିଲେ। ପ୍ରଶଂସକମାନେ ତାଙ୍କୁ ଭୁଲି ନଥିବା ବେଳେ ବର୍ତ୍ତମାନ ୧୮ ଡିସେମ୍ବରରେ ତାଙ୍କ ଜନ୍ମଦିନରେ ତାଙ୍କର ସ୍ମୃତି ପୁଣି ତାଜା ହୋଇଯାଇଛି।
Also Read
ଲୋକମାନେ ମନେ ପକାଇଛନ୍ତି ତାଙ୍କ ହୃଦୟରୁ କଦାପି ଲିଭି ନଥିବା ଟାଟାଙ୍କ ଭାବମୂର୍ତ୍ତିକୁ । କିନ୍ତୁ ଆପଣ ତାଙ୍କ ବ୍ୟକ୍ତିଗତ ଜୀବନ ସହିତ ଜଡିତ କାହାଣୀ ଜାଣିଛନ୍ତି କି? ସେ ମଧ୍ୟ ନାୟିକାଙ୍କ ପ୍ରେମରେ ପଡିଥିଲେ। ରତନ ଟାଟା ଜଣେ ବଲିଉଡ୍ ଅଭିନେତ୍ରୀଙ୍କୁ ଡେଟ୍ କରୁଥିଲେ।
ସେ ଆଉ କେହି ନୁହନ୍ତି, ୬୦ ଦଶକର ସେ ଏମିତି ଜଣେ ସୁପର୍ଷ୍ଟାର୍, ଯାହାଙ୍କୁ ଆପଣ ମଧ୍ୟ ପସନ୍ଦ କରୁଥିବେ। ଆମେ ସିମି ଗ୍ରେୱାଲଙ୍କ ବିଷୟରେ କହୁଛୁ, ଯିଏ ଆଜି ଚଳଚ୍ଚିତ୍ର ଜଗତରୁ ନିଖୋଜ ହୋଇଯାଇଛନ୍ତି ସତ କିନ୍ତୁ ସେ ସୋସିଆଲ ମିଡିଆ ମାଧ୍ୟମରେ ତାଙ୍କ ପ୍ରଶଂସକଙ୍କ ସହ ଯୋଡି ହୋଇ ରହିଛନ୍ତି।
ରତନ ଟାଟାଙ୍କୁ ଡେଟିଂ:
୨୦୧୧ ମସିହାରେ ଟାଇମ୍ସ ଅଫ୍ ଇଣ୍ଡିଆକୁ ଦେଇଥିବା ଏକ ସାକ୍ଷାତକାରରେ ସେ ରତନ ଟାଟାଙ୍କୁ ଡେଟ୍ କରୁଥିବା ସ୍ୱୀକାର କରି ସିମି କହିଥିଲେ ଯେ “ସେ ପରଫେକ୍ଟ୍, ତାଙ୍କ ପାଖରେ ହାସ୍ୟାତ୍ମକ ଭାବନା ଅଛି, ସେ ବିନମ୍ର ଏବଂ ଜଣେ ଚମତ୍କାର ଭଦ୍ରଲୋକ। ଟଙ୍କା କେବେବି ତାଙ୍କ ପ୍ରେରଣାର ଶକ୍ତି ହୋଇ ନାହିଁ।”
ଯଦିଓ ଦୁହେଁ ପରସ୍ପରକୁ ଡେଟ୍ କରୁଥିଲେ କିନ୍ତୁ ସେମାନଙ୍କ ରୋମାନ୍ସ ବିବାହ ପର୍ଯ୍ୟନ୍ତ ଯାଇ ନଥିଲା। ଦୁହେଁ ସବୁଦିନ ପାଇଁ ଘନିଷ୍ଠ ବନ୍ଧୁ ହୋଇ ରହିଗଲେ।
ରତନ ଟାଟାଙ୍କ ଦେହାନ୍ତରେ ସିମି ଗ୍ରେୱାଲ୍ ତାଙ୍କ ସହ ଏକ ହସୁଥିବା ଫଟୋ ଶେୟାର କରିଥିଲେ, ଯେଉଁଥିରେ ସେ କ୍ୟାପସନ୍ରେ ଲେଖିଥିଲେ, “ସେ କହୁଛନ୍ତି ଯେ ତୁମେ ଚାଲିଗଲ... ତୁମର ବିଦାୟର ଦୁଃଖ ସହ୍ୟ କରିବା ଅତ୍ୟନ୍ତ କଷ୍ଟକର… ବହୁତ କଷ୍ଟକର ... ବିଦାୟ ମୋର ବନ୍ଧୁ।” ଏହି ପୋଷ୍ଟ ଶେୟାର ହେବା ମାତ୍ରେ ପ୍ରଶଂସକମାନେ ଶ୍ରଦ୍ଧାଞ୍ଜଳି ଅର୍ପଣ କରିଥିଲେ ଏବଂ କମେଣ୍ଟ୍ ସେକ୍ସନରେ ବ୍ରେକିଂ ହାର୍ଟ୍ ଇମୋଜି ଶେୟାର କରିଥିଲେ।
They say you have gone ..
— Simi_Garewal (@Simi_Garewal) October 9, 2024
It's too hard to bear your loss..too hard.. Farewell my friend..#RatanTata pic.twitter.com/FTC4wzkFoV
ସୂଚନାଯୋଗ୍ୟ ଯେ ସିମି ଗ୍ରେୱାଲ୍ ମେରା ନାମ ଜୋକର, ସିଦ୍ଧାର୍ଥ, କର୍ଜ, ଚଲ୍ତେ ଚଲ୍ତେ, ତିନ୍ ଦେବୀୟାଁ ଭଳି ଅନେକ ଚଳଚ୍ଚିତ୍ରରେ କାମ କରିଛନ୍ତି।
ସିମି ଗ୍ରେୱାଲ୍ଯେତେବେଳେ କି ତାଙ୍କର ଏକ ଶୋ’ ମଧ୍ୟ ଥିଲା ଯେଉଁଥିରେ ରତନ ଟାଟା ମଧ୍ୟ ଅଂଶଗ୍ରହଣ କରିଥିବା ଦେଖିବାକୁ ମିଳିଥିଲା ଏବଂ ନିଜେ ଶୋ’ରେ ସେ କହିଥିଲେ ଯେ ସେ ଚାରିଥର ପ୍ରେମରେ ପଡ଼ିଥିଲେ ଏବଂ ଏହି ମାମଲା ବିବାହରେ ପରବର୍ତ୍ତନ ହେବା ପୂର୍ବରୁ ରହିଯାଇଥିଲା।
ସିମି ଗ୍ରେୱାଲ ପରେ ବିବାହ କରିଥିଲେ ସତ କିନ୍ତୁ ୧୯୭୯ରେ ତାଙ୍କର ଛାଡପତ୍ର ହୋଇଯାଇଥିଲା। ପରେ ସେ ଆଉ ବିବାହ କରିନଥିଲେ।
ସିମି ଗ୍ରେୱାଲତେବେ ଆମେରିକାରେ ରହଣୀ ବେଳେ ତାଙ୍କର ପ୍ରେମ ହୋଇଥିବା ଟାଟା କହିଥିଲେ। ଟାଟାଙ୍କ କହିବାନୁସାରେ, "ଆମେରିକାରେ ପ୍ରେମରେ ପଡ଼ିବା ପରେ ଆମେ ବିବାହ କରିବାକୁ ଯାଉଥିଲୁ। ସେହି ସମୟରେ ମୁଁ ଭାରତ ଫେରି ଆସିଥିଲି। ସେ ମଧ୍ୟ ଭାରତ ଆସିବାର ଥିଲା, କିନ୍ତୁ ୧୯୬୨ ମସିହାରେ ଭାରତ-ଚୀନ୍ ଯୁଦ୍ଧ ହେତୁ ସେ ଭାରତକୁ ଆସିପାରିଲେ ନାହିଁ। ଏହାର କିଛି ବର୍ଷ ପରେ ସେ ଆମେରିକାରେ ଅନ୍ୟ ଜଣକୁ ବିବାହ କରିଥିଲେ।"
