LIVE TV
ଚଳଚ୍ଚିତ୍ର ଶିଳ୍ପ ସହିତ ଜଡିତ ସେଲିବ୍ରେଟିମାନଙ୍କ ଡିପ୍ ଫେକ୍ ଭିଡିଓର ଧାରା ଦ୍ରୁତ ଗତିରେ ବୃଦ୍ଧି ପାଉଛି। ପୂର୍ବରୁ ଆଲିଆ ଭଟ୍ଟ, କ୍ୟାଟ୍ରିନା କୈଫ୍, ରଶ୍ମିକା ମନ୍ଦନାଙ୍କ ସମେତ ଅନେକ ସେଲିବ୍ରେଟିରଙ୍କ ଡିପ ଫେକ୍ ଭିଡିଓ ଭାଇରାଲ ହୋଇଥିଲା। ନିକଟରେ ରଣବୀର ସିଂହଙ୍କ ଡିପ୍ ଫେକ୍ ଭିଡିଓ ସାମ୍ନାକୁ ଆସିଛି।
ପ୍ରଶଂସକ ଏବଂ ଦର୍ଶକଙ୍କୁ ନିଜ ଚାର୍ମ ସହିତ ସର୍ବଦା ପ୍ରଭାବିତ କରିଥିବା ରଣବୀର ଏହା ଉପରେ ଦୃଢ କାର୍ଯ୍ୟାନୁଷ୍ଠାନ ଗ୍ରହଣ କରିଛନ୍ତି। ସେ ଶିଳ୍ପରେ ବୃଦ୍ଧି ପାଉଥିବା ସମସ୍ୟାର ନୂଆ ଟାର୍ଗେଟ୍ ପାଲଟିଛନ୍ତି। ଏକ ଫେକ୍ AI ଦ୍ୱାରା ନିର୍ମିତ ଡିପ୍ ଫେକ୍ ଭିଡିଓ ଭାଇରାଲ ହୋଇଥିଲା, ଯେଉଁଥିରେ ରଣବୀର ତାଙ୍କର ରାଜନୈତିକ ମତ ପ୍ରକାଶ କରୁଥିବା ଦେଖିବାକୁ ମିଳେ।
Also Read
ଅଧିକ ପଢ଼ନ୍ତୁ: ଭାଇରାଲ ହେଲା କୋହଲିଙ୍କ Deepfake ଭିଡିଓ; ଆଶ୍ଚର୍ଯ୍ୟ କରିବ ଏପରି ନକଲ !
ଭିଡିଓଟି ପୂରା ରଣବୀରଙ୍କ ପରି ଲାଗୁଛି। ଏହି ଭିଡିଓରେ ରଣବୀର ସିଂହଙ୍କ ନିକଟରେ ବନାରସ ଯାତ୍ରାକୁ ଦେଖାଯାଇଛି। କିନ୍ତୁ ଅଡିଓ କରିବା ପାଇଁ AI ବ୍ୟବହୃତ ହୋଇଛି। ତେବେ ରଣବୀର ସୋସିଆଲ ମିଡିଆରେ ତାଙ୍କ ଅନୁଗାମୀମାନଙ୍କୁ ସଚେତନ କରି ଲେଖିଛନ୍ତି, “ବନ୍ଧୁଗଣ, ଡିପ୍ ଫେକ୍ ଠାରୁ ଦୂରେଇ ରୁହନ୍ତୁ।”
Deepfake se bacho dostonnnn 💀
— Ranveer Singh (@RanveerOfficial) April 19, 2024
ତେବେ ଡିପ୍ ଫେକ୍ ଭିଡିଓ ତିଆରି ସମ୍ବନ୍ଧୀୟ ସର୍ବଶେଷ ଅପ୍ଡେଟ୍ ସାମ୍ନାକୁ ଆସିଛି, ଯେଉଁଥିରେ ରଣବୀର ସିଂହଙ୍କ ଅଫିସିଆଲ୍ ମୁଖପାତ୍ର ନିଶ୍ଚିତ କରିଛନ୍ତି ଯେ ପୋଲିସ ନିକଟରେ ଅଭିଯୋଗ ହୋଇଛି। ଅପ୍ଡେଟ୍ ଅନୁଯାୟୀ, ଏକ ଏଫ୍ଆଇଆର୍ ପଞ୍ଜୀକୃତ ହୋଇଛି ଏବଂ ସାଇବର କ୍ରାଇମ୍ ସେଲ୍ ଦ୍ୱାରା ଏହାର ଅନୁସନ୍ଧାନ କରାଯାଉଛି।
ମୁଖପାତ୍ର କହିଛନ୍ତି ଯେ “ହଁ, ଆମେ ପୋଲିସ ନିକଟରେ ଅଭିଯୋଗ କରିଛୁ ଏବଂ ରଣବୀର ସିଂହଙ୍କ AI ଦ୍ୱାରା ନିର୍ମିତ ଡିପ୍ ଫେକ୍ ଭିଡିଓ ବିସ୍ତାର କରୁଥିବା ହ୍ୟାଣ୍ଡେଲ୍ ବିରୋଧରେ ଏଫଆଇଆର ପଞ୍ଜୀକୃତ ହୋଇଛି।” ଏହି ଡିପ୍ ଫେକ୍ ଭିଡିଓରେ ରଣବୀର ସିଂହ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ନେଇ ବେକାରୀ ଏବଂ ମୁଦ୍ରାସ୍ଫୀତି ଉପରେ ସମାଲୋଚନା କରୁଥିବା ଦେଖିବାକୁ ମିଳେ। ଶେଷରେ ସେ କଂଗ୍ରେସକୁ ଭୋଟ୍ ଦେବାକୁ ଲୋକଙ୍କୁ ନିବେଦନ କରୁଥିବା ମଧ୍ୟ ଦେଖିବାକୁ ମିଳେ।
