Pushpa 2: ନିର୍ମାତାଙ୍କ ବଡ଼ ଘୋଷଣା; ୨୦ ମିନିଟ୍ ଅଧିକ ଯୋଡ଼ାଯିବ, ଏହି ଦିନ ରିଲୋଡ୍

ଅଲ୍ଲୁ ଅର୍ଜୁନଙ୍କ 'ପୁଷ୍ପା ୨: ଦ ରୁଲ୍' ଏକ ମାସ ପରେ ମଧ୍ୟ ବକ୍ସ ଅଫିସରେ ପ୍ରାଧାନ୍ୟ ବିସ୍ତାର କରିଚାଲିଛି। ଡିସେମ୍ବର ୫ରେ ମୁକ୍ତିଲାଭ କରିଥିବା ଏହି ଚଳଚ୍ଚିତ୍ର ଏ ପର୍ଯ୍ୟନ୍ତ ଭାରତରେ ୧୪୪୧ କୋଟିରୁ ଅଧିକ ଟଙ୍କା ରୋଜଗାର କରିଥିବାବେଳେ ବିଶ୍ୱ ବକ୍ସ ଅଫିସରେ ୧୮୦୦ କୋଟିରୁ ଅଧିକ ଟଙ୍କା ରୋଜଗାର କରିଛି।

'ବାହୁବଲୀ' ଏବଂ 'ଦଙ୍ଗଲ' ଭଳି ଅନେକ ଚଳଚ୍ଚିତ୍ରର ରେକର୍ଡ ଭାଙ୍ଗି ଏହା ସବୁଠାରୁ ବଡ ଭାରତୀୟ ଚଳଚ୍ଚିତ୍ର ହୋଇପାରିଛି। ରିଲିଜ୍ ହେବାର ଏକ ମାସ ପରେ, 'ପୁଷ୍ପା ୨'ର ନିର୍ମାତା ଆଉ ଏକ ଖୁସି ଖବର ଦେଇଛନ୍ତି। ଫିଲ୍ମର ବର୍ଦ୍ଧିତ କଟ୍ ସହିତ 'ପୁଷ୍ପା ୨: ଦ ରୁଲ୍’ର ରିଲୋଡ୍ ଭର୍ସନ୍ 'ଘୋଷଣା କରିଛନ୍ତି।

ଅଧିକ ପଢ଼ନ୍ତୁ: ଆସିଲା ଅକ୍ଷୟ କୁମାରଙ୍କ ନୂଆ ଫିଲ୍ମର ଟ୍ରେଲର୍; ୨୦୨୫ରେ ଦେବେ କି ହିଟ୍

ବର୍ତ୍ତମାନ ‘ପୁଷ୍ପା ୨’ର ପ୍ରଶଂସକମାନେ ଆଉ ଏକ ଉପହାର ପାଇବାକୁ ଯାଉଛନ୍ତି। ନିର୍ମାତା ଘୋଷଣା କରିଛନ୍ତି ଯେ ଜାନୁଆରୀ ୧୧ ରୁ ପ୍ରେକ୍ଷାଳୟରେ ଫିଲ୍ମରେ ୨୦ ମିନିଟ୍‌ର ଅତିରିକ୍ତ ଫୁଟେଜ୍ ଯୋଡାଯିବ। ତେବେ 'ପୁଷ୍ପା ୨'ର ନିଆଁ ପ୍ରେକ୍ଷାଳୟରେ ଆଉ ୨୦ ମିନିଟ୍ ଅଧିକ ଜଳିବ! ଏକ ପୋଷ୍ଟର ଶେୟାର କରି ନିର୍ମାତା ଏହା ଘୋଷଣା କରିଛନ୍ତି।

ଏହି ଦିନ ଅତିରିକ୍ତ ଫୁଟେଜ୍ ଦେଖିବାକୁ ମିଳିବ:

ମାଇଥରୀ ମୁଭି ମେକର୍ସ ଏହାର ସୋସିଆଲ ମିଡିଆରେ ଲେଖିଛି, “ହ୍ୟାସ୍‌ଟ୍ୟାଗ ‘ପୁଷ୍ପା ୨: ଦ ରୁଲ୍’ ରିଲୋଡ୍ ଭର୍ସନ୍‌ ୨୦ ମିନିଟ୍‌ର ଅତିରିକ୍ତ ଫୁଟେଜ୍ ସହିତ ଜାନୁଆରୀ ୧୧ ରୁ ପ୍ରେକ୍ଷାଳୟରେ ଦେଖିବାକୁ ମିଳିବ… ୱାଇଲ୍ଡ ଫାୟାର ବର୍ତ୍ତମାନ ଆହୁରି ଅଧିକ ଜଳିବ।”

ଅଧିକ ପଢ଼ନ୍ତୁ: ଆସିଲା ‘ଗେମ୍ ଚେଞ୍ଜର୍‌’ର ଦମଦାର ଟ୍ରେଲର; ଆକ୍ସନ୍ ଅବତାରରେ ରାମ ଚରଣ

୨୦୦୦ କୋଟି ଟଙ୍କା ଲୋଡ୍:

ଏହି ଘୋଷଣା ପରେ ପ୍ରଶଂସକମାନେ ବହୁତ ଉତ୍ସାହିତ ହୋଇ ପଡିଛନ୍ତି। ଜଣେ କମେଣ୍ଟ୍ ଦେଇ ଲେଖିଛନ୍ତି, “୨୦୦୦ କୋଟି ଟଙ୍କା ଲୋଡ୍ ହେଉଛି।” ଅନ୍ୟ ଜଣେ ଲେଖିଛନ୍ତି, “ଏହା ଆମେ ଚାହୁଁଥିଲୁ, ବର୍ତ୍ତମାନ ‘ପୁଷ୍ପା ୨’କୁ ବକ୍ସ ଅଫିସରେ ୨୦୦୦ କୋଟି ରୋଜଗାରରୁ କେହି ରୋକି ପାରିବେ ନାହିଁ।”

ବକ୍ସ ଅଫିସରେ ଦବଦବା:

‘ପୁଷ୍ପା ୨: ଦ ରୁଲ୍’ ରିଲିଜ୍ ହେବା ଦିନଠାରୁ ରେକର୍ଡ ଭାଙ୍ଗି ଚାଲିଛି। ସୁକୁମାର ଏହି ଚଳଚ୍ଚିତ୍ରର ନିର୍ଦ୍ଦେଶନା ଦେଇଛନ୍ତି। ଚଳଚ୍ଚିତ୍ରଟି ବକ୍ସ ଅଫିସରେ ନିଜର ଦବଦବା ଏପର୍ଯ୍ୟନ୍ତ ରଖିଛି। ଚତୁର୍ଥ ସପ୍ତାହରେ ମଧ୍ୟ ଏହା ବକ୍ସ ଅଫିସ୍‌କୁ ଧରି ରଖିଛି।

ରବିବାର ଦିନ ନିର୍ମାତା ଘୋଷଣା କରିଛନ୍ତି ଯେ ଫିଲ୍ମର ହିନ୍ଦୀ ସଂସ୍କରଣ ଭାରତରେ ୮୦୦ କୋଟି ଟଙ୍କା ଅତିକ୍ରମ କରିଛି। ତେଲୁଗୁ ଚଳଚ୍ଚିତ୍ର ପାଇଁ ଏହା ଏକ ବଡ଼ ସଫଳତା।

ଅଧିକ ପଢ଼ନ୍ତୁ: ନିର୍ଦ୍ଦେଶକଙ୍କ ୨୫୦ କୋଟି ଟଙ୍କାର ଫିଲ୍ମ ଫ୍ଲପ୍ ହେଲା, ଏବେ ବାଜିରେ ୪୦୦ କୋଟି; ହେବ କି ବ୍ଲକ୍‌ବଷ୍ଟର୍...