Nitesh Tiwari Ramayana: ନିତେଶ ତିୱାରୀଙ୍କ ଫିଲ୍ମ 'ରାମାୟଣ'ର ପୂରା ଷ୍ଟାର୍ କାଷ୍ଟ୍; ଜାଣନ୍ତୁ କିଏ କରିବେ କେଉଁ ଭୂମିକା

ନିତେଶ ତିୱାରୀଙ୍କ ଫିଲ୍ମ 'ରାମାୟଣ' ସବୁଠାରୁ ଚର୍ଚ୍ଚିତ ଫିଲ୍ମ ମଧ୍ୟରୁ ଗୋଟିଏ ପାଲଟିଯାଇଛି। ଏହି ଫିଲ୍ମ ଦୁଇଟି ଭାଗରେ ମୁକ୍ତିଲାଭ କରିବ। ପ୍ରଥମ ଭାଗ ୨୦୨୬ ଏବଂ ଦ୍ୱିତୀୟ ଭାଗ ୨୦୨୭ରେ ମୁକ୍ତିଲାଭ କରିବ। ଏହାର ସୂଚନା ଫିଲ୍ମର ପ୍ରଯୋଜକ ନମିତ ମଲହୋତ୍ରା ନିଜେ ସୋସିଆଲ ମିଡିଆରେ ଶେୟାର କରିଛନ୍ତି।

ଏକ ରିପୋର୍ଟ ଅନୁଯାୟୀ, ଫିଲ୍ମର ସୁଟିଂ ବର୍ତ୍ତମାନ ଜୋରସୋରରେ ଚାଲିଛି। ରଣବୀର କପୁର ତାଙ୍କ ଭାଗର ସୁଟିଂ ଶେଷ କରିସାରିଛନ୍ତି। KJF ଫେମ୍ ୟଶ୍‌ ବର୍ତ୍ତମାନ ମୁମ୍ବାଇରେ ତାଙ୍କ ଭାଗର ସୁଟିଂ କରୁଛନ୍ତି।

ଫିଲ୍ମର ସମ୍ପୂର୍ଣ୍ଣ ଷ୍ଟାର୍‌କାଷ୍ଟ୍‌ ବିଷୟରେ ସୂଚନା ଏବେ ସାମ୍ନାକୁ ଆସିଯାଇଛି। ରଣବୀର କପୁର ପ୍ରଭୁ ରାମ ଭୂମିକାରେ ଏବଂ ସାଇ ପଲ୍ଲବୀ ମାତା ସୀତା ଭୂମିକାରେ ନଜର ଆସିବେ। ଦକ୍ଷିଣ ଅଭିନେତା ୟଶ୍‌ ଫିଲ୍ମରେ ରାବଣ ଭୂମିକାରେ ନଜର ଆସିବେ। ସନ୍ନି ଦେଓଲ ରାମ ଭକ୍ତ ହନୁମାନ ଭୂମିକାରେ ଏବଂ ରବି ଦୁବେ ଲକ୍ଷ୍ମଣ ଭୂମିକାରେ ନଜର ଆସିବେ।

ଅଧିକ ପଢ଼ନ୍ତୁ:ଆରପାରିରେ ବଲିଉଡର ପ୍ରସିଦ୍ଧ ନିର୍ଦ୍ଦେଶକ ଜ୍ୟାକି ଶ୍ରଫ୍, ମନୀଷା କୋଇରାଲାଙ୍କ ସହ ଦେଇଥିଲେ ହୀଟ୍

ବିଦ୍ୟୁତଜୀହ୍ୱା ଭୂମିକାରେ ବିବେକ ଓବେରଏ ଏବଂ ମନ୍ଦୋଦରୀ ଭୂମିକାରେ କାଜଲ ଅଗ୍ରୱାଲ ନଜର ଆସିବେ। ଶୁର୍ପଣଖା ଭୂମିକାରେ ରକୁଲ ପ୍ରୀତ ସିଂହ ଏବଂ ମାତା କୈକେୟୀ ଭୂମିକାରେ ଲାରା ଦତ୍ତା ନଜର ଆସିବେ। ରାଜା ଦଶରଥ ଭୂମିକାରେ ଅରୁଣ ଗୋଭିଲ ଏବଂ ଭରତ ଭୂମିକାରେ ଆଦିନାଥ କୋଠାରେ ନଜର ଆସିବେ।

ସେହିପରି କୁନାଲ କପୁର ଦେବରାଜ୍ ଇନ୍ଦ୍ରଙ୍କ ଭୂମିକାରେ ଏବଂ ଶୀବା ଚଡ୍ଡା ମନ୍ଥରା ଭୂମିକାରେ ନଜର ଆସିବେ। ଇନ୍ଦିରା କୃଷ୍ଣନ ମାତା କୌଶଲ୍ୟାଙ୍କ ଭୂମିକାରେ ନଜର ଆସିବେ। ପ୍ରାରମ୍ଭରେ ଆଲିଆ ଭଟ୍ଟଙ୍କୁ ସୀତା ଭୂମିକା ପାଇଁ ଚୂଡ଼ାନ୍ତ କରାଯାଇଥିଲା, କିନ୍ତୁ ତାରିଖ ସମସ୍ୟା ଯୋଗୁଁ ସେ ପ୍ରୋଜେକ୍ଟ ଛାଡି ଦେଇଥିଲେ। ପରେ ସାଇ ପଲ୍ଲବୀଙ୍କୁ ମାତା ସୀତା ଭୂମିକା ମିଳିଥିଲା।

ଏହି ଫିଲ୍ମର ବଜେଟ୍ ପ୍ରାୟ ୮୩୫ କୋଟି ଟଙ୍କା ବୋଲି କୁହାଯାଉଛି। ଏହି ଫିଲ୍ମଟି ବାଲ୍ମୀକି ରାମାୟଣ ଉପରେ ଆଧାରିତ, ଯେଉଁଥିରେ ରାମ ଏବଂ ରାବଣଙ୍କ କାହାଣୀ ପୃଥକ ଭାବରେ ଚାଲିଥାଏ ଏବଂ ଶେଷରେ ଯୁଦ୍ଧ ସମୟରେ ଉଭୟ ପରସ୍ପର ସହ ମୁହାଁମୁହିଁ ହୁଅନ୍ତି।

ନିକଟରେ, କେନ୍ଦ୍ରୀୟ ଚଳଚ୍ଚିତ୍ର ପ୍ରମାଣନ ବୋର୍ଡ (CBFC) ଚଳଚ୍ଚିତ୍ରର ପ୍ରଥମ ପ୍ରୋମୋକୁ ଅନୁମୋଦନ କରିଛି। ଏହି ୨ ମିନିଟ୍ ୩୬ ସେକେଣ୍ଡର ପ୍ରୋମୋକୁ ମୁମ୍ବାଇ ଆଞ୍ଚଳିକ କାର୍ଯ୍ୟାଳୟ 'U' ପ୍ରମାଣପତ୍ର ସହିତ ପାଶ୍‌ କରିଛି।

ଅଧିକ ପଢ଼ନ୍ତୁ:ଦୀପିକା ପାଦୁକୋନ୍‌ଙ୍କ ନୂଆ ଫିଲ୍ମର ଟିଜର୍; ଆକ୍ସନ ମୁଡ୍‌ରେ ବଲିଉଡ୍ କ୍ୱିନ୍