LIVE TV
‘ମହାଭାରତ’ର ‘ଭୀଷ୍ମ ପିତାମହ’ ଅର୍ଥାତ୍ ମୁକେଶ ଖାନ୍ନା ତାଙ୍କର ସିଧା କଥା ନେଇ ସବୁବେଳେ ଚର୍ଚ୍ଚରେ ରୁହନ୍ତି। ସେ ସୋସିଆଲ ମିଡିଆରେ ବହୁତ ସକ୍ରିୟ ଏବଂ ଖୋଲାଖୋଲି ଭାବେ ନିଜର ମତ ପ୍ରକାଶ କରନ୍ତି। ସମ୍ପ୍ରତି ଲୋକସଭା ନିର୍ବାଚନ ୨୦୨୪ର ଫଳାଫଳକୁ ନେଇ ଅନେକ ସେଲିବ୍ରେଟି ନିଜ ନିଜ ପ୍ରତିକ୍ରିୟା ପ୍ରକାଶ କରିଛନ୍ତି। ବିଶେଷକରି ଉତ୍ତର ପ୍ରଦେଶର ଫୈଜାବାଦ ଲୋକସଭା ଆସନ ବା ଅଯୋଧ୍ୟାରେ ଭାରତୀୟ ଜନତା ପାର୍ଟିର ଲଲୁ ସିଂହଙ୍କ ପରାଜୟ କାହା ପାଇଁ ଗ୍ରହଣୀୟ ନୁହେଁ।
ଏହାକୁ ନେଇ ରାମାନନ୍ଦ ସାଗରଙ୍କ ‘ରାମାୟଣ’ରେ ଲକ୍ଷ୍ମଣ ଭୂମିକାରେ ଅଭିନୟ କରିଥିବା ସୁନୀଲ ଲାହିରୀ ଏତେ ରାଗି ଯାଇଛନ୍ତି ଯେ ସେ ଅଯୋଧ୍ୟାବାସୀଙ୍କୁ ମଧ୍ୟ ବିଶ୍ୱାସଘାତକ ବୋଲି କହିଛନ୍ତି। ଇନ୍ଷ୍ଟାଗ୍ରାମ୍ରେ ଏହି ପୋଷ୍ଟ ଶେୟାର କରି ସେ ଅଯୋଧ୍ୟା ଲୋକଙ୍କ ଉପରେ ନିଜର କ୍ରୋଧ ପ୍ରକାଶ କରିଛନ୍ତି।
ଅଧିକ ପଢ଼ନ୍ତୁ: କଙ୍ଗନା ରାଣାୱତଙ୍କୁ ଚାପୁଡା ମାରିଲେ ମହିଳା ଯବାନ; କାହିଁକି ଜାଣନ୍ତୁ…
Also Read
ବର୍ତ୍ତମାନ ଅଯୋଧ୍ୟାରେ ବିଜେପି ପ୍ରାର୍ଥୀଙ୍କ ପରାଜୟକୁ ନେଇ ଟିଭିର ଶକ୍ତିମାନ ଅର୍ଥାତ୍ ମୁକେଶ ଖାନ୍ନା ମଧ୍ୟ ପ୍ରତିକ୍ରିୟା ପ୍ରକାଶ କରିଛନ୍ତି। ସୋସିଆଲ ମିଡିଆରେ ଏହି ଘଟଣାରେ ମୁକେଶ ଖାନ୍ନା ଏମିତି ପ୍ରତିକ୍ରିୟା ପ୍ରକାଶ କରିଛନ୍ତି, ଯାହାକୁ ନେଇ ଅଧିକ ଚର୍ଚ୍ଚା ହେଉଛି।
ମୁକେଶ ଖାନ୍ନା ଇନ୍ଷ୍ଟାଗ୍ରାମ୍ରେ ଭବ୍ୟ ରାମ ମନ୍ଦିରର ଏକ ଫଟୋ ଶେୟାର କରିଛନ୍ତି। ଏହାକୁ ଶେୟାର କରି ଅଯୋଧ୍ୟାରେ ବିଜେପି ପରାଜୟର କାରଣ ମୁକେଶ ଖାନ୍ନା ମଧ୍ୟ ଦେଇଛନ୍ତି। ସୋସିଆଲ ମିଡିଆରେ ଅନେକ ତାରକାଙ୍କ ପରିହାସ ପରେ ଏବେ ମୁକେଶ ଖାନ୍ନାଙ୍କ ପ୍ରତିକ୍ରିୟା ଚର୍ଚ୍ଚାରେ ରହିଛି। ସେ ତାଙ୍କ ପୋଷ୍ଟ୍ରେ କହିଛନ୍ତି ଯେ ଅଯୋଧ୍ୟାରେ ପରାଜୟରୁ ଏକ ଶିକ୍ଷା ଗ୍ରହଣ କରାଯିବା ଉଚିତ ଯେ ମହାନ ରାମ ମନ୍ଦିର ସହିତ ଏଠାରେ ରହୁଥିବା ସହରବାସୀଙ୍କ ଜୀବନକୁ ମହାନ କରିବା ପାଇଁ ମଧ୍ୟ ଉଦ୍ୟମ କରାଯିବା ଉଚିତ।
ମୁକେଶ ଖାନ୍ନା ତାଙ୍କ ଅଫିସିଆଲ ଇନଷ୍ଟାଗ୍ରାମ ପୃଷ୍ଠାରେ ଏକ ଲମ୍ବା ନୋଟ୍ ଲେଖିଛନ୍ତି। ତାଙ୍କ ପୋଷ୍ଟ୍ରେ ସେ ଲେଖିଛନ୍ତି, “ଅଯୋଧ୍ୟା ନିର୍ବାଚନ ପରାଜୟରୁ ଜଣେ ଶିଖିବା ଉଚିତ ଯେ ମହାନ ମନ୍ଦିର ସହିତ ନିକଟସ୍ଥ ସହରବାସୀଙ୍କ ଜୀବନକୁ ମହାନ କରିବା ପାଇଁ ଉଦ୍ୟମ କରାଯିବା ଉଚିତ। କୋଟି କୋଟି ଟଙ୍କାର ବଜେଟ୍ ମଧ୍ୟରେ, ସେଠାରେ ଥିବା ଲୋକଙ୍କ ସମସ୍ୟାର ସମାଧାନ ପାଇଁ କିଛି କୋଟି ରଖିବା ଆବଶ୍ୟକ। ସେ ରାମ ମନ୍ଦିର ହେଉ, ଚାରି ଧାମ ହେଉ କିମ୍ବା ଜୟପୁର ନିକଟ ଖାଟୁ ଶ୍ୟାମ ମନ୍ଦିର ହେଉ। ଭକ୍ତିର ସ୍ଥାନକୁ ଏକ ପର୍ଯ୍ୟଟନ ସ୍ଥଳୀ ହେବାକୁ ଦିଅନ୍ତୁ ନାହିଁ। ଲୋକମାନେ ମଧ୍ୟ ସେଠାରେ ରୁହନ୍ତି, ସେମାନଙ୍କର ଯତ୍ନ ମଧ୍ୟ ନିଅନ୍ତୁ।”
ଅଧିକ ପଢ଼ନ୍ତୁ: ଜିତିଲେ କଙ୍ଗନା ରାଣାୱତ; ଆଉ ଦେଖିବାକୁ ମିଳିବେନି ମନୋରଂଜନ ଦୁନିଆରେ !
ଏହା ପରେ ମୁକେଶ ଖାନ୍ନା ଆଉ ଏକ ପୋଷ୍ଟ୍ ସେୟାର କରିଛନ୍ତି। ସେ ଲେଖିଛନ୍ତି - ‘ସବ୍କା ସାଥ୍ ସବ୍କା ବିକାଶ୍’ - ବୋଧହୁଏ ମୋଦୀ ଜୀଙ୍କ ଦ୍ୱାରା ଦିଆଯାଇଥା ସ୍ଲୋଗାନ ମଧ୍ୟରେ ଏହା ତାଙ୍କର ପ୍ରିୟ। କିନ୍ତୁ ଜନସାଧାରଣଙ୍କ ସହ ଏହା ସେମାନଙ୍କ ଦଳର ନିର୍ବାଚିତ ସାଂସଦ, ବିଧାୟକ ଏବଂ କର୍ପୋରେଟରଙ୍କ ପାଇଁ ମଧ୍ୟ ପ୍ରଯୁଜ୍ୟ ହେବା ଉଚିତ। ଟିଭି ଏବଂ ପ୍ରଚାରରେ ଦୁଇଟି ଚେହେରା ବ୍ୟତୀତ ଅନ୍ୟ କାହାର ଚେହେରା ଦୃଶ୍ୟମାନ ହୁଏ ନାହିଁ।”
