ଅଭିଷେକଙ୍କୁ ବାହା ହୋଇଥାନ୍ତେ ରାନୀ ମୁଖାର୍ଜୀ; ଗୋଟିଏ ଚୁମ୍ବନ ସବୁ ସାରିଦେଲା

ବଲିଉଡ୍‌ର ଶ୍ରେଷ୍ଠ ଅଭିନେତ୍ରୀ ରାନୀ ମୁଖାର୍ଜୀ ଏବଂ ଅଭିଷେକ ବଚ୍ଚନ ଏକଦା ଅତି ନିକଟତର ଥିଲେ। ରାନୀ ମୁଖାର୍ଜୀ ଏବଂ ଅଭିଷେକ ବଚ୍ଚନଙ୍କ କିଛି ଚଳଚ୍ଚିତ୍ର ମଧ୍ୟ ମୁକ୍ତିଲାଭ କରିଥିଲା ​​ଯେଉଁଥିରେ ଉଭୟଙ୍କ ଯୋଡିକୁ ଲୋକେ ଖୁବ ପସନ୍ଦ କରିଥିଲେ। ସେତେବେଳେ ଉଭୟଙ୍କ ପ୍ରେମର ଆଲୋଚନା ମଧ୍ୟ ବଲିଉଡର କରିଡର୍‌ରେ ଖୁବ ପ୍ରତିଫଳିତ ହୋଇଥିଲା।

ଅଭିଷେକଙ୍କ ସହ କରିସ୍ମା କପୁରଙ୍କ ସମ୍ପର୍କ ଭାଙ୍ଗିବା ପରେ ପ୍ରାୟ ନିଷ୍ପତ୍ତି ନିଆଯାଇଥିଲା ଯେ ରାନୀ ମୁଖାର୍ଜୀ ହିଁ ବଚ୍ଚନ ପରିବାରର ବୋହୂ ହେବେ। କିନ୍ତୁ ହଠାତ୍ ଏହି ଖବରରେ ମଧ୍ୟ ବ୍ରେକ୍ ଲାଗିଲା ଏବଂ ରାନୀ ମୁଖାର୍ଜୀଙ୍କ ବଦଳରେ ଐଶ୍ୱର୍ଯ୍ୟା ରାୟ ଅଭିଷେକ ବଚ୍ଚନଙ୍କୁ ବିବାହ କଲେ। ତେବେ ଏହି ସମ୍ପର୍କ ଭାଙ୍ଗିବାର କାରଣ ସାଜିଥିଲେ ଅଭିଶେକ ବଚ୍ଚନଙ୍କ ମା’ ଜୟା ବଚ୍ଚନ। କୁହାଯାଏ ଯେ ରାନୀଙ୍କ ଗୋଟେ କିସ୍ ସିନ୍ ହିଁ ଜୟାଙ୍କୁ କ୍ରୋଧିତ କରିଥିଲା।

ଅଧିକ ପଢ଼ନ୍ତୁ: ଅକ୍ଷୟ ସବୁ ନାୟିକାକୁ ସିଦ୍ଧିବିନାୟକ ମନ୍ଦିରକୁ ନେଉଥିଲେ, ବିବାହ ପ୍ରସ୍ତାବ ଦେଉଥିଲେ: ଶିଳ୍ପା ଶେଟ୍ଟୀ

ରାନୀ ମୁଖାର୍ଜୀ ଏବଂ ଅମିତାଭ ବଚ୍ଚନ 'ବ୍ଲାକ୍' ଚଳଚ୍ଚିତ୍ରରେ ଏକାଠି କାମ କରିଥିଲେ। ଏହି ଚଳଚ୍ଚିତ୍ରର ଶେଷରେ ରାନୀ ମୁଖାର୍ଜୀ ଅମିତାଭ ବଚ୍ଚନଙ୍କୁ ଚୁମ୍ବନ ଦେବାକୁ ଥିଲା। ସଞ୍ଜୟ ଲୀଲା ଭଂସାଲୀଙ୍କ ଏହି ଚଳଚ୍ଚିତ୍ର ଏକ ଭାବପ୍ରବଣ ଚଳଚ୍ଚିତ୍ର ଥିଲା, ଯେଉଁଥିରେ ଉଭୟ ତାରକା ସେମାନଙ୍କ ଚରିତ୍ରରେ ହଜିଯାଇଥିଲେ। ସେମାନଙ୍କ ଅଭିନୟ ଏବଂ ଚଳଚ୍ଚିତ୍ରର ଦମଦାର କାହାଣୀ ଏବଂ ନିର୍ଦ୍ଦେଶନା ଚଳଚ୍ଚିତ୍ରକୁ ଚମତ୍କାର କରିଥିଲା।

ପୁରା ଫିଲ୍ମରେ ସବୁକିଛି ଠିକ୍ ଠାକ୍ ଥିଲା, କିନ୍ତୁ ଏହି ଫିଲ୍ମର ଶେଷରେ ଥିବା ଲିପ୍ କିସ୍ ସିନ୍ ଉପରେ ଜୟା ବଚ୍ଚନଙ୍କ ଆପତ୍ତି ଥିଲା। ସେ ଚାହୁଁ ନଥିଲେ ଯେ ତାଙ୍କ ଭବିଷ୍ୟତର ବୋହୂ ତାଙ୍କ ଶ୍ୱଶୁରଙ୍କୁ ଚୁମ୍ବନ ଦିଅନ୍ତୁ ବୋଲି। କିନ୍ତୁ ରାନୀ ମୁଖାର୍ଜୀ ଏହି ଦୃଶ୍ୟ ପାଇଁ ପ୍ରସ୍ତୁତ ଥିଲେ। ଏହା ହିଁ ରାନୀଙ୍କ ପାଇଁ କାଳ ହେଲା। ପରିଣାମ ସ୍ୱରୂପ ଶେଷରେ ଅଭିଷେକ ବଚ୍ଚନଙ୍କ ସହ ବ୍ରେକ୍‌ଅପ୍ ହେଲା।

ଏହି ଗୋଟିଏ ଦୃଶ୍ୟ କାରଣରୁ ଜୟା ବଚ୍ଚନଙ୍କ ଅସନ୍ତୋଷ ଏତେ ବଢିଗଲା ଯେ ରାନୀ ମୁଖାର୍ଜୀ ଅଭିଷେକ ବଚ୍ଚନ ଏବଂ ଐଶ୍ୱର୍ଯ୍ୟା ରାୟଙ୍କ ବିବାହକୁ ମଧ୍ୟ ନିମନ୍ତ୍ରିତ ହୋଇ ନଥିଲେ। କୁହାଯାଏ ଯେ ଏହା ପରେ ରାନୀ ମୁଖାର୍ଜୀ ନିଜର ଅସନ୍ତୋଷ ବ୍ୟକ୍ତ କରି କହିଥିଲେ ଯେ ସେ ଅଭିଷେକ ବଚ୍ଚନଙ୍କୁ ଜଣେ ଭଲ ବନ୍ଧୁ ବୋଲି ଭାବୁଥିଲେ କିନ୍ତୁ ସେ କେବଳ ଜଣେ କୋ-ଷ୍ଟାର୍ ହୋଇ ବାହାରିଲେ। ଅଭିଷେକ ବଚ୍ଚନଙ୍କ ସହ ବ୍ରେକଅପ୍ ହେବା ପରେ ରାନୀ ମୁଖାର୍ଜୀ ୟଶ୍‌ ରାଜ୍‌ ଫିଲ୍ମର ମାଲିକ ଆଦିତ୍ୟ ଚୋପ୍ରାଙ୍କୁ ବିବାହ କରିଥିଲେ।