ଅକ୍ଷୟ ସବୁ ନାୟିକାକୁ ସିଦ୍ଧିବିନାୟକ ମନ୍ଦିରକୁ ନେଉଥିଲେ, ବିବାହ ପ୍ରସ୍ତାବ ଦେଉଥିଲେ: ଶିଳ୍ପା ଶେଟ୍ଟୀ

ଅକ୍ଷୟ କୁମାର ବଲିଉଡ୍‌ ଖିଲାଡି ଭାବେ ଜଣାଶୁଣା ସହିତ 'ପ୍ଲେୟାର ବୟ' ଇମେଜ୍ ପାଇଁ ମଧ୍ୟ ବହୁତ ପ୍ରସିଦ୍ଧ। ଅକ୍ଷୟ କୁମାର ୯୦ ଦଶକର ଅନେକ ଶ୍ରେଷ୍ଠ ଅଭିନେତ୍ରୀଙ୍କୁ ଡେଟ୍‌ କରୁଥିଲେ। ଅନେକଙ୍କ ସହ ମଧ୍ୟ ଏହି ମାମଲା ବିବାହ ଯାଏ ପହଞ୍ଚି ସାରିଥିଲା। ସେହି ସମୟରେ ଅକ୍ଷୟ କୁମାର ଏବଂ ଶିଳ୍ପା ଶେଟ୍ଟୀଙ୍କ ସମ୍ପର୍କକୁ ନେଇ ମଧ୍ୟ ଅନେକ ଚର୍ଚ୍ଚା ହୋଇଥିଲା। କିନ୍ତୁ ଖିଲାଡି କୁମାରଙ୍କ ଅଧିକାଂଶ ସମ୍ପର୍କ ପରି ଏହି ସମ୍ପର୍କ ମଧ୍ୟ ତିଷ୍ଠି ପାରିଲା ନାହିଁ। ଅକ୍ଷୟଙ୍କ ସହିତ ବ୍ରେକଅପ୍ ପରେ ଶିଳ୍ପା ଶେଟ୍ଟୀ ପୂରା ଭାଙ୍ଗି ପଡିଥିଲେ।

୨୦୦୦ ମସିହାରେ ଫିଲ୍ମଫେୟାରକୁ ଦେଇଥିବା ଏକ ସାକ୍ଷାତକାରରେ ଅକ୍ଷୟ କୁମାରଙ୍କ ସହ ବ୍ରେକଅପ୍ ଖବର ଉପରେ ଶିଳ୍ପା ଶେଟ୍ଟୀ ତାଙ୍କ ନୀରବତା ଭାଙ୍ଗିଥିଲେ। ଶିଳ୍ପା ଶେଟ୍ଟୀ ସେମାନଙ୍କ ସମ୍ପର୍କର ସତ୍ୟତା କହିଥିଲେ ଏବଂ କହିଥିଲେ ଯେ ସେ ଅକ୍ଷୟ କୁମାରଙ୍କୁ ବହୁତ ଭଲ ପାଉଥିଲେ, କିନ୍ତୁ ଅକ୍ଷୟ ବୋଧହୁଏ କାହାକୁ ପ୍ରକୃତରେ ଭଲ ପାଉ ନଥିଲେ। ଶିଳ୍ପା ଶେଟ୍ଟୀଙ୍କ ସହ ସମ୍ପର୍କ ଥିବାବେଳେ ଅକ୍ଷୟ କୁମାର ଅଭିନେତ୍ରୀ ଟ୍ୱିଙ୍କଲ୍‌ ଖାନ୍ନାଙ୍କୁ ମଧ୍ୟ ଡେଟ୍‌ କରୁଥିଲେ।

ଅଧିକ ପଢ଼ନ୍ତୁ: ଅକ୍ଷୟ କୁମାରଙ୍କ OMG 2 ଦେବ ଯୌନ ଶିକ୍ଷା

ଶିଳ୍ପା ଶେଟ୍ଟୀ ଯେତେବେଳେ ଖିଲାଡି କୁମାର ଏବଂ ଟ୍ୱିଙ୍କଲ୍‌ ଖାନ୍ନାଙ୍କ ସମ୍ପର୍କ ବିଷୟରେ ଜାଣିଲେ ସେତେବେଳେ ସେ ଆଶ୍ଚର୍ଯ୍ୟ ହୋଇଯାଇଥିଲେ। ଅଭିନେତ୍ରୀ ତାଙ୍କ ସାକ୍ଷାତକାରରେ କହିଥିଲେ, “ଏହା ମୋ ପାଇଁ ଅତ୍ୟନ୍ତ ଖରାପ ସମୟ ଥିଲା କିନ୍ତୁ ମୁଁ ଖୁସି ଯେ ମୁଁ ଏଥିରୁ ବାହାରି ଆସିଛି। ପ୍ରତ୍ୟେକ ଅନ୍ଧାର ପରେ ଏକ ସକାଳ ଆସେ। ମୋର ବୃତ୍ତିଗତ ଜୀବନରେ ସବୁକିଛି ଭଲରେ ଚାଲିଥିଲା, କିନ୍ତୁ ମୋର ବ୍ୟକ୍ତିଗତ ଜୀବନରେ ଅନେକ ଉତ୍ଥାନ-ପତନ ଆସିଛି।”

ଅଭିନେତ୍ରୀ ଆହୁରି କହିଛନ୍ତି, “ଲାଗୁଛି ଯେ ବର୍ତ୍ତମାନ ସବୁକିଛି ପଛରେ ରହିଯାଇଛି।” ଶିଳ୍ପା କହିଥିଲେ ଯେ “ଅଭିନେତା ତାଙ୍କର ପ୍ରତ୍ୟେକ ଗର୍ଲଫ୍ରେଣ୍ଡଙ୍କୁ ମନାଇବା ପାଇଁ ଗୋଟିଏ ଟ୍ରିକ୍‌ ଚିନ୍ତା କରି ରଖିଥିଲେ। ସେ ତାଙ୍କ ପ୍ରେମିକାଙ୍କୁ ବିଳମ୍ବିତ ରାତିରେ ମୁମ୍ବାଇର ସିଦ୍ଧିବିନାୟକ ମନ୍ଦିରକୁ ନେଇଯାଆନ୍ତି ଏବଂ ତା’ପରେ ତାଙ୍କୁ ବିବାହ କରିବେ ବୋଲି ପ୍ରତିଶୃତି ଦିଅନ୍ତି। କିନ୍ତୁ ତାଙ୍କ ଜୀବନରେ ଆଉ ଏକ ନୂଆ ଝିଅ ଆସିବା ମାତ୍ରେ ସେ ତାଙ୍କର ସମସ୍ତ ପ୍ରତିଶ୍ରୁତି ଭୁଲିଯାଆନ୍ତି।”

ପ୍ରକାଶଥାଉ ଯେ ଶିଳ୍ପା ଶେଟ୍ଟୀଙ୍କ ପୂର୍ବରୁ ଅକ୍ଷୟ କୁମାରଙ୍କ ନାମ ମଧ୍ୟ ରବିନା ଟଣ୍ଡନ୍ ଏବଂ ରେଖାଙ୍କ ସହ ଜଡିତ ଥିଲା। ଏପରିକି ରବୀନାଙ୍କ ସହ ଅକ୍ଷୟ କୁମାରଙ୍କ ନିର୍ବନ୍ଧ ହୋଇଯାଇଥିଲା। ଉଭୟ ବିବାହ କରିଥାନ୍ତେ। ଏହି ସମୟରେ ଅଭିନେତ୍ରୀ ଅକ୍ଷୟ କୁମାରଙ୍କ ଆଉ ଏକ ଆଫେୟର ବିଷୟରେ ଜାଣିବାକୁ ପାଇଲେ। ପରେ ବିବାହ ଭାଙ୍ଗିଯାଇଥିଲା।